O le a le Feagaiga Fou?

O LE TUSI A LE APOSETOLO O PAULO I KALATIA
E tusa
o le T.A.
Ulua’i Malaga
faafaifeautalai
(Galuega 13–14)
Tusitala Ma E Na Tusi i Ai: Sa tusia le Kalatia e le Aposetolo
o Paulo ma ua tusia faatatau i le “ekalesia i Kalatia” (Kalatia
1:2). E le o manino mai pe na tusia e Paulo lenei tusi i le Au
Paia i le vaega i saute po o le vaega i matu o Kalatia. Sa
papatiso e Paulo ma faavaeina le Au Paia i le itu i saute i le
taimi o le malaga muamua faafaifeautalai ma le Au Paia i matu
i le taimi o lana malaga lona lua faafaifeautalai (tagai Taiala
i Tusitusiga Paia faafanua 6).
Talaaga Faasolopito: Afai na tusia e Paulo le tusi o Kalatia mo
le Au Paia i saute, atonu na ia tusia lea tusi i le amataga o le
48 T.A. Ae ui i lea, o mea e tutusa ai le faatulagaga ma le ala
na tusia ai lenei tusi atoa foi ma le tusi a Roma ua latou
lagolagoina le faaiuga e faapea na tusia lea tusi i le vaitaimi
o le malaga lona tolu faafaifeautalai, pe tusa o le T.A. 57.
Autu: Sa le fiafia Paulo ina ua ia iloa ua oo aoaoga sese i olaga
o e na liliu mai i Kalatia. E to’atele na teena aoaoga o le Togiola
ma ua toe fo’i i le mulimuli i le tulafono a Mose. Sa tusi atu
Paulo e faamalosi atu ai i le Au Paia ina ia toe fo’i i le tulafono
maualuga o le talalelei. Sa ia aoao atu o le na ona i ai o galuega
e le lava lea e faaolaina ai se tagata, ae peita’i e tatau ona tatou
faalagolago i lo tatou Faaola o Iesu Keriso.
Faatomuaga
Malaga lona lua
faafaifeautalai
(Galuega
15:36–18:22)
O le Tusi na
tusia i lenei
taimi
Malaga lona tolu
faafaifeautalai
(Galuega
18:23–21:15)
Kalatia 1–2
O le
faafalepuipuiina
i Kaisaraia ma
Roma (Galuega
21:16–28:31)
E oo i le
faafalepuipuiina
lona lua i Roma
47–50 50–53 53–57 57–62 62–65
Sa ofo Paulo ina ua toe liliu ese tagata na liliu mai i Kalatia
mai le ola ia Keriso ae tausisi atu i le tulafono ua le toe aoga.
Pe ua sili ea ia i latou le faaaoga o le tulafono tuai a Mose i lo
le saolotoga o le tulafono fou a Keriso? I le Kalatia 1–2, ia
maitau o le mea na faamamafaina e Paulo o le faatuatua ia
Iesu Keriso o le faavae lea e maua ai le ola fou.
Ia suesue ma le agaga tatalo le Kalatia 1–2 ma ia mafaufau
i mataupu faavae o loo i lalo a’o le’i saunia au lesona.
199
O Nisi Mataupu
Faavae Taua o le Talalelei e Saili Iai
• Ua na o le tasi lava le talalelei a Iesu Keriso. Na faaalia mai
e le Atua e auala mai i perofeta ma aposetolo (tagai Kalatia
1:1–2:9; tagai foi i le Efeso 2:20; 4:5, 11, 13; MFF 1:13).
• Ua ta’uamiotonuina i tatou e ala i le faatuatua ia Iesu
Keriso (tagai Kalatia 2:16–21; tagai foi i le Roma 3:20–24,
28; Mosaea 13:27–28; MFF 20:29–30).
Fautuaga mo le Aoao Atu
Ia filifili mai aitia o loo i lalo, pe faaaoga ni au lava,
a’o e saunia lesona mo le Kalatia 1–2.
Kalatia 1:1–2:10. Ua na o le tasi lava le talalelei
a Iesu Keriso. Ua aoaoina lenei talalelei e ala
i faaaliga mai le Atua e ala i perofeta ma
aposetolo. (15–25 minute)
Ia fai atu i tagata o le vasega e ta’u mai po o a tulaga
faatonuina ina ia faauu ai mai le aoga. Ia talanoaina tulaga
manaomia e pei o le auai, vasega e manaomia, suega, ma isi
mea. Fesili atu: Aisea ua faia ai e aoga ia tulaga manaomia?
Ia faitau le saunoaga o loo i lalo a Elder Boyd K. Packer,
o se tasi o le Korama a le Toasefululua:
“I ni nai vaiaso ua mavae sa ou toe fo’i mai i la’u
malaga i Asia faatasi ma Peresitene [Gordon B.]
Hinckley. Sa matou talanoa ma se tasi o le pasese o le
na faapea mai e tau atu lotu uma i le lagi. Pe faafia ona
outou faalogo i lena mea –o le talitonuga lea e uiga i le
tutusa o auala e tau i le lagi?
“Ua latou faapea mai o le mea moni e le sili a’e le tasi
lotu nai lo le isi, ua na ona eseese. E i ai le taimi o le a tuu
faatasia ai ia talitonuga. O le mea lea, e le afaina le auai
o se tasi i se lotu e pei fo’i ona i ai i se isi lava ekalesia.
“E ui ina foliga mai e lelei lenei talitonuga, ae lå o se
mea sa’o.
“. . . .Se’i o tatou faapea ane e faagaoioia aoga i lea
talitonuga, e avea ai tulaga o loo pulea ai aoga taitasi
o se auala ese e tau atu i le tipiloma e tasi. E tusa lava
pe e te su’esu’e pe leai, pasi i suega pe leai, o le a
tuuina atu i tagata uma le tipiloma e tasi - o le tipiloma
lea ua latou filifilia.
“E aunoa ma le agavaa, e mafai e se tasi ona filifili le
tipiloma o le avea ma se loia, se inisinia, po o se fomai.
“O le mea moni e te le tuuina atu oe lava e taoto i se
foma’i e faauu mai i lena ituaiga o aoga!”