O le a le Feagaiga Fou?

• O le a sou manatu i le lagona na oo i le Au Paia ae le’i
taunuu atu le au laveai?
• Ae a le taimi ina ua uma ona faasaoina i latou? O le a sou
manatu o a ni o latou lagona na i ai agai i ai latou na
laveaiina i latou?
• Afai e faasaoina i le faaletino e taua tele, ae o le a se taua
tele o le faasaoina i le faaleagaga ma toe foi atu i lo tatou
Tama o i le Lagi i le malo selesitila?
Fai atu i tamaiti o le vasega e faitau le Luka 9:23–25 e faapea
foi i le Faliliuga a Iosefa Samita o le Luka 9:24–25 o loo i le
faaopoopoga. O le a se taua “o le faasaoina” i nei fuaiupu?
Tusi le faaupuga O Nisi Tulaga Manaomia Ina ia Faasaoina Ai i
luga o le laupapa. Fai atu i tamaiti o le vasega e faitau le Luka
9:26, 57–62 ma vaai ai po o le a le mea o loo aoao mai e nei
fuaiupu e uiga i mea na faamoemoeina e Iesu mai Ona soo.Ia
lisi mea na mauaina e tamaiti o le vasega i luga o le laupapa.
Fesili atu: O le a faapefea ona fesoasoani le ausiaina o nei
tulaga manaomia ia i tatou i le mauaina o le faaolataga?
Afai e manaomia, ia fetufaai atu le faamalamalamaga lenei
o le Luka 9:57–62 na saunia e Peresitene Marion G. Romney,
o le sa avea ma se sui o le Au Peresitene Sili:
“Sa le’i sailia e Iesu pe valaauina ia ni tagata e na ona
talai atu. Na Ia finagalo ina ia latou iloaina o le
mulimuli ia te ia o lona uiga o taumafaiga ma le
osigataulaga. Na faamatalaina e Luka se tulaga sa
‘matuai toatele ai le motu o tagata sa faatasi ma ia;
ma sa ia faliu atu ma fetalai atu ia i latou,
“‘Afai e sau se tasi ia te au, ae le inoino i lona tama, ma
le tina, ma le ava, ma le fanau, ma uso, ma tuafafine,
e oo lava i lona ola, e le mafai ona fai o ia mo’u soo.
“‘O se le ave lona satauro, ma ua le mulimuli mai ia
te au, e le mafai ona fai o ia mo’u soo.
“‘E faapea foi so outou e le lafoai ana mea uma, e le
mafai ona fai o ia mo’u soo.’ (Luka 14:25– 27, 33.)
“I nei saunoaga e foliga mai e faatiga, ae le’i faapea na
matuai faama’oti mai e Iesu le ‘inoino sa’o o se tasi i se
tasi o lona aiga . . . o se tulaga e avea ai ma soo.’ Na
Ia toe faamamafaina mai le ‘sili atu o le tiute i le Atua
nai lo mea faaletagata’ po o faanaunauga faalelalolagi
o i latou o e o le a avea ma ona soo. (James E. Talmage,
Jesus the Christ, Salt Lake City: Deseret Book Co.,
1976, i. 453.)” (i le Conference Report, Set.–Oke. 1978,
54; po o le Liahona, Nov. 1978, 38).
Ta’u atu i tamaiti o le vasega faapea o nisi taimi e mafai ai e a
tatou alofaga ona faalavelave i mea tatou te faia lea e
fesoasoani ai i le laveaiina o i tatou i le faaleagaga. Fesili atu:
• O a nisi o ou alofaga e te fiafia i ai pe a e le faataunuuina
ou tiute (mo se faataitaiga, “ua tuai ona ou ala,” po o le
“ua leiloa la’u meaaoga”)?
89
• O a ni alofaga na tuuina atu e alii e toatolu ia Iesu o loo
i le Luka 9:57–61?
• Faitau le fuaiupu 62. Na faapefea ona tali atu Iesu
i nei alofaga?
• O le a sou manatu o le a le mea na taumafai Iesu e aoao atu?
Na faamalamalama mai e Elder Howard W. Hunter, a o avea
ma se tasi o le Korama a le Toasefululua:
“Ina ia eliina se alavai ia sa’o, e manaomia e le tagata
o loo eliina le alavai le tilotilo sa’o ona mata i luma i le
mea tonu o loo agai i ai. O le auala lena e tumau ai ona
ia i se ala sa’o. Ae peitai, afai e fai ma tilotilo i tua le
tagata o loo eliina i le mea sa i ai o ia, e matuai tele lava
le avanoa e se ese ai o ia. O taunuuga o ni alavai
fepiopioai ma le le sa’osa’o. Matou te valaauliaina
i latou na o e ua avea ma tagata fou ina ia taulai atu
la outou vaai i la outou sini fou ma ia aua ne’i toe
tilotilo i tua i o outou faafitauli sa i ai muamua po o
soligatulafono se’i vagana ua avea o se faamanatu i lo
outou alualu i luma ma lo outou agavaa ma o outou
faamanuiaga mai le Atua. Afai o o tatou malosiaga e le
o taulai i tua o i tatou ae o luma o i tatou—i le ola
e faavavau ma le olioli i le faaolataga—e mautinoa
lava o le a tatou mauaina” (i le Conference Report,
Ape. 1987, 19; po o le Liahona, Iulai 1987, 17).
• O a nisi o alofaga ua lauiloa i o tatou aso mo le le mulimuli
ia Iesu?
• E mafai faapefea e alofaga ona faalavelave i lo tatou avea
ai ma soo?
Faitau upu o le “Mulimuli Mai ia te Au” (Viiga, nu. 62), ma fai
atu i tamaiti o le vasega e mafaufau pe mafai faapefea ona avea
i latou ma ni soo lelei o Iesu Keriso e amata atu i le aso nei.
Soifua mai
o Keriso
O le Soifuaga o Iesu Keriso
Tausaga
muamua o le
galuega a le Alii
Paseka
Muamua
Luka 10–13
Paseka
Lona Lua
Tausaga
lona lua
Paseka
Lona Tolu
O mea na tutupu i nei
mataupu e foliga mai
na tutupu lava i lenei
vaitaimi
Tausaga
lona tolu
Luka 10–13
Paseka Mulimuli
ma le vaiaso faai’u