O le a le Feagaiga Fou?

O Galuega a le Au Aposetolo
• O le a le pogai o le faasagatau o loo ta’ua i nei fuaiupu?
• E faapefea ona lagolagoina e le Alii i latou e tala’ia
Lana talalelei?
• Aisea e lagolagoina ai e le Alii i latou?
Faitau le Mataupu Faavae ma Feagaiga 35:13–14 faatasi ma le
vasega ma mata’ituina ia folafolaga e tuuina mai e le Alii ia
i latou e tala’ia ma le faatuatua Lana talalelei. Fesili: E faapefea
ona faaaogaina nei folafolaga e faifeautalai? Faamanino atu
e i ai taimi e le mafai ai e faifeautalai ona foia e faasagatau
mai ae e i ai taimi e savavali ese mai ai (taga’i Galuega 13:49–
52). Valaaulia le vasega e tuuina mai ni faataitaiga o ni mea
ua latou iloa na fesoasoani ai le Alii i faifeautalai e foia ni
faiga faasagatau mai ia te i latou.
Galuega 13:6–8, 43–50; 14:4, 19–20. O nisi tagata
ua latou talia le upu a le Atua ma le fiafia ina ua
faalogo i ai, a o isi ua teena ma faasagatau atu
i ai. (15–20 minute)
Fesili i le vasega: A o aoaoina tagata i le talalelei, o le a sou
manatu o le a le mea e talia ai e isi le savali ae teena e nisi?
Ta’u atu i le vasega na tala’i e Paulo ma ana soa le talalelei i ni
tagata se to’atele. Sa talia e nisi o le mea moni, ae sa teena fo’i
e isi. Faitau e le vasega le Galuega 13:6–8, 43, 45, 48, 50; 14:4,
19–20 ma mata’ituina ia upu po o ni fuaitau e faasino i le
taliaina ma le teenaina o le talalelei. Ia fetufaa’i mea na maua
e le vasega.
Vaevae le vasega i ni vaega se lua. Ia faitau e le vaega muamua
le Ioane 7:17; 14:15; Eperu 11:24–26; ma le Mataupu Faavae ma
Feagaiga 93:36–39 ma mata’ituina pe aisea ua taliaina ai e nisi
le talalelei. Faitau e le isi vaega le Mareko 7:9 ma le 1 Nifae
2:11–12; 16:2–3 ma mata’ituina pe aisea ua teena ai e nisi le
talalelei. Talanoaina mea na mauaina e le vasega.
Faitau le Mosaea 3:19 ma fesili: E tusa ai ma lenei fuaiupu, o a
ni uiga o tagata ua malamalama ma usiusita’i i le mea moni.
Uuna’ia le vasega ia sailia ia uiga.
Faatomuaga
Galuega 15
O le Galuega e 15 o se faamatalaga i se fonotaga taua a le
Ekalesia na faia i Ierusalema pe tusa o le T.A. 50 ae le’i
malaga ia Paulo i lana malaga faatalai lona lua. O ta’ita’i o le
Ekalesia na auai i le fonotaga po o le Konafesi e aafia ai ia
Peteru, Iakopo, Paulo, Panapa ma Tito. E to’atele ia ni tagata
na papatisoina ina ua faalogo i le talaiga a Paulo ma Panapa.
O nisi o tagata o le Ekalesia o i latou o ni tagata sa Iutaia sa
popole ona o nisi o alii na liliu mai e le’i peritomeina i latou.
Na valaauina e ta’ita’i o le Ekalesia le fonotaga i Ierusalema
ina ia talanoaina ai pe tatau ona faamalosia ia tagata o Nuu
152
Ese ona usita’ia pea le tulafono a Mose. A o e aoao i le
Galuega, ia mata’ituina aafiaga o uiga o tagata ona o a latou
aganuu ma lagona, e i ai ni taimi e le o gatasi ai ma aoaoga a
ta’ita’i o le Ekalesia.
Ia suesue ma le agaga tatalo, le Galuega 15 ma mafaufau
i mataupu faavae nei ae le’i saunia au lesona.
O Nisi Mataupu
Faavae Taua o le Talalelei e Saili Iai
• E taitaia e le Alii Lana Ekalesia i le faaalia lea o Lona
finagalo i Ana perofeta (tagai Galuega 15:6–29; tagai foi
Amosa 3:7; MFF 21:4–5).
Fautuaga mo le Aoao Atu
Filifili mai i aitia nei, pe faaaogaina ni au lava, a o e saunia
lesona mo le Galuega 15.
Galuega 15. E taitaiina e le Alii Lana
Ekalesia i le faaalia o Lona finagalo i Ana
perofeta. (20–25 minute)
S M T W TH F S
Fai i le vasega e faitau le mataupu faavae o le faatuatua e iva.
Faamalamalama atu a mana’omia e le Tama oi le Lagai e faaali
mai se mea i le Ekalesia atoa, na te Ia faaali mai e ala mai i
perofeta. Fesili: E mafai ona e manatuaina se faaaliga lata mai
na tuuina mai e le Alii i le Ekalesia e ala mai i le perofeta?
(O ni tali e mafai ona aofia ai le Ta’utinoga Tonu 2 [1978],
“O le Aiga: O le Folafolaga i le Lalolagi” [1995], ma le faai’uga
e fausia ia malumalu laiti [1997].)
Fai i le vasega e su’e le Galuega 15. Faamalamalama atu o le
mataupu lenei o loo faailoa mai ai le faaalia o le finagalo o le
Alii i ta’ita’i o le Ekalesia anamua faapea ma ona po nei. O nei
ta’ita’i latou te aoao ia tagata ma fesoasoani ia malamalama
ma usiusita’i.
Faitau le Galuega 15:1–6 faatasi ma le vasega ma fesili:
• O a mea na aiaia i le fono tele a le Ekalesia? (Pe mana’omia
le peritomeina mo le faaolataga.
• Aisea na faigata ai i Kerisiano Iutaia ona faamatuu atu nisi
o tulafono a Mose?
• O a ni aganuu faaanamua atonu e avea ma faafitauli
i tagata o le Ekalesia i ona po nei?
Faitau e le vasega ia le Galuega 15:7–21 ma mata’ituina ia tulaga
na faia e Peteru, Panapa, Paulo ma Iakopo i le fono tele? Fesili:
• O le a le taua o le molimau a Peteru na tuuina atu i le
fono tele?
• O ai na finagalo e talai le talalelei i Nuu ese?
• O a ni faailoga na tuuina mai e Peteru ua talia e le Atua
ia tagata o Nuu Ese ona o le faatuatua e aunoa ma le
peritomeina.?