O le a le Feagaiga Fou?

Fai i le vasega e manatu faapea ua lapataia mai i latou o le a oti.
Fesili: Afai o le a e tusia lava e oe se molimau mo oe lava i lou
falelauasiga, mata o a mea o le a e tusia? Mo se fesoasoani i la
outou talanoaga, fai ni fesili faapea:
• E faapefea ona e mana’o ia manatua pea oe?
• E manatua faapefea oe i lou ola i le talalelei ma le faamaoni?
Faitau e le vasega le Galuega 6:5–8 ma mata’ituina pe faapefea
lenei tagata o Setefano. Fesili: Faamata o se a sou manatu ia
Setefano pe ana faapea ua e vaai i mea mata’utia ma le
ofoofogia ma vavega na ia faia.
Faitau e le vasega le Galuega 6:9–15. Fesili:
• O le a le mea sa le fiafia ai nisi i galuega a Setefano?
• O a ni faamaoniga e mafai ona e tuu maia sa faamanuia e le
Atua ia Setefano a’o faataunuuina lana misiona faigata?
• O le a le mea na faia e tagata e molia ai ia Setefano ma
avatu o ia i luma o le fono a le au fautua?
O le Galuega e 7 o se faamatalaga a Setefano lava ia sa faia
i luma o ta’ita’i Iutaia e tetee ai i moliaga faasaga ia te ia. Ia
faailoa atu i le vasega sa ta’u atu e Setefano ia se vaega o talafaasolopito
o Isaraelu, e faaalia ai le teena e Isaraelu o Mose
ma perofeta. Faitau e le vasega le Galuega 7:51–53, ma fesili:
O a tuuai’ga e tolu na faia e Setefano e faasaga i taitai o Iutaia?
(Ua latou loto maaa ma teena le musumusuga a le Agaga
Paia; sa latou teena ma fasiotia Lå Amiotonu, o Iesu Keriso;
sa latou mauaina le tulafono a Mose ae latou te le’i ola ai.)
Faitau e le vasega ia le Galuega 7:54–60, ma fesili:
• O le a le tali a ta’ita’i o Iutaia i nei tuua’iga?
• Sa faapefea ona lagolagoina e le Atua ia Setefano a’o
tuuina atu lana molimau?
• O le a le mea o loo ta’uina mai i lenei faaaliga e uiga i le
agavaa o Setefano?
• O a ni faailoga e mafai ona e tuuina mai e iloa ai na tumau
Setefano i le faatuatua se’ia oo i le iuga?
• A faapea o le a e tusia se molimau i le maliu o Setefano,
o a upu o le a e faaaogaina?
Galuega 7:55–56 (Mau Tauloto). O le
Aigaatua e to’atolu tagata mavaevae.
(10–15 minute)
Fesili: E faapefea e tagata o le lalolagi ona faamatalaina ia le
Aigaatua? Faitau e le vasega le saunoaga lenei a Elder Dalin
H. Oaks:
“E toatele ia Kerisiano e teena ia le manatu e faitino
le Atua atoa ai ma le avea o le Aigaatua o ni tagata
mavaevae. Latou te talitonu o le Atua o se agaga ma
o le Aigaatua e na’o le tasi le Atua. O manatu nei o
faailoga ia o le pau ese atu ua ta’ua o le Liliuese Tele.
147
Faitau le Galuega 7:55–56. Tusi se ata i luga o le laupapa pei
o lenei ata:
Tama
Alo Agaga Paia
Galuega 6–7
“Tatou te mautinoa o manatu ua faaali mai e nei
faaupuga e leai so latou autu faaleagaga e pei o ‘le Atua
o se mea lilo’ ma ‘le mealilo o le Tolutasi Paia’ e mafua
mai i manatu ma filosofia Faaeleni. O nei manatu
faafilosofia na suia ai ia le faakerisiano i seneturi
muamua ona ua mavae le maliliu o Aposetolo…..
“O le taunuuga o le faatumauina lea e nisi o talitonuga
faavae o faa-Kerisiano, lea e ta’u mai ai se Aigaatua
e toatasi le tagata, ma o lea tagata po o le Atua ‘e leai
sona tino, poo o ni itu tino po o ni lagona.’ (Liahona,
Iulai 1995, 84–85).
Faitau faatasi ma le vasega le Mataupu Faavae ma Feagaiga
130:22 ma faamalamalama o le Au Paia o Aso e Gata ai e
talitonu o le Aigaatua e tofu lava ma le tino. Tuuina atu i le
vasega ni nai minute e su’eina ai ni mau e ta’u mai ai o le
Tama, le Alo ma Agaga Paia o ni tagata mavaevae se tolu (tagai
i aoaoga ma fautuaga a Mataio 3:16–17, itulau. 24). Fesili:
• O le a sou lagona i lou iloa e mafai ona tatou tatalo i lo
tatou Tama i le Lagi, o i tatou o lana fanau, ma e faafofoga
mai ma tali mai i tatalo?
• E fesoasoani faapefea lo tatou iloaina o Iesu o se tagata
tatou te mulimuli ai i Ana faataitaiga?
• Aisea e toatele ai matua e tausia tausia ni tala faamaumau
po o ni tusitusiga i a latou fanau? (O se tasi tali ona e alolofa
ia latou fanau ma mananao ia iloa e fanau i latou.)
• Aisea e te manatu ai ua faaalia mai e le Tama Lona natura
i Lana fanau? (tagai Ioane 17:3).