O le a le Feagaiga Fou?

Soifua mai
o Keriso
Faatomuaga
O le Soifuaga o Iesu Keriso
Tausaga
muamua o le
galuega a le Alii
Paseka
Muamua
Ioane 11–12
Paseka
Lona Lua
Tausaga
lona lua
Paseka
Lona Tolu
O loo ta’ua e Ioane e “tele isi faailoga” na faia e Iesu “e le
o tusia i lenei tusi,” ae “ua tusia nei mea, ina ia outou talitonu
ai o Iesu o le Keriso” (Ioane 20:30–31). O le tele o tusitusiga
a Ioane o loo faapitoa i vavega e fitu po o “faailoga”: faaliliuina
o le vai i le uaina i Kana (Ioane 2:1–11), faamaloloina o se
atalii o se alii taua (Ioane 4:46–54), faamaloloina o se tagata
pipili i Petesa (Ioane 5:1–9), faateleina o areto ma i’a (Ioane
6:1–14, savali i luga o le vai (Ioane 6:15–21), faapupulaina o le
tagata na fanau mai o tauaso (Ioane 9:1–7), ma le toe faatuina
mai o Lasalo (Ioane 11:38–44). O ia faailoga taitasi uma e i ai
le faiã i le galuega a Iesu o le Faaola o tagata. Mo se faataitaiga,
o Lona faaliliuina o vai i le uaina e faatusa lea i le toto na
faamaligiina mo i tatou i le Togiola, o Lona faamaloloina o le
tagata i le vai o Petesa e faamanatu mai ai ia i tatou o Keriso
o le puna o le vaiola (tagai foi Ioane 4:10–14). O le toe faatuina
mai o Lasalo e faaalia ai le pule a le Alii i le oti ma faatomua
mai ai Lona Toetu. A’o le’i faia lenei vavega, na aoao mai
Iesu, “O a’u o le toetu, ma le ola” (Ioane 11:25). Ina ua mae’a
le tala ia Lasalo, ona taliu atu loa lea o Ioane i le vaiaso faai’u
o le soifuaga o Iesu, lea na amataina i le uuina e Maria o vae
o Iesu o se faailoga o Lona tanuga (tagai Ioane 12:1–9).
Suesue ma le agaga tatalo le Ioane 11–12 ma manatunatu
i mataupu faavae nei ae le’i saunia au lesona.
O ni Mataupu
Faavae Taua o le Talalelei e Saili Iai
O mea na tutupu i nei
mataupu e foliga mai
na tutupu lava i lenei
vaitaimi
Tausaga
lona tolu
Paseka Mulimuli
ma le vaiaso faai’u
• E i ai le mana o Iesu Keriso e pulea ai le Oti (tagai Ioane
11:11–15, 23–26, 39–46).
• E silafia e Iesu o tatou vaivaiga ma malamalama i o tatou
lagona (tagai Ioane 11:33–36).
• O le a faataunuuina faamoemoega o le Atua tusa lava pe
lå naunau i ai i latou e auai (tagai Ioane 11:47–54).
• O mea e tatau ona pito maualuga lo tatou faamuamuaina
o le alofa lea i le Atua (tagai Ioane 12:1–11).
129
• O Iesu o le Tupu na valoia ma ua leva ona faatalitali i ai
(tagai Ioane 12:12–25; tagai foi Mataio 21:4–9; Mareko
11:7–10; Luka 19:35–38).
Fautuaga mo le Aoao Atu
Filifili mai i aitia nei pe faaaogaina foi ni au lava, a o e saunia
lesona mo le Ioane 11–12.
Ioane 11:1–17. E i ai le mana o Iesu Keriso
e pule ai i le oti. (20–25 minute)
Fesili i i le vasega:
• O le a sou lagona pe afai e te ma’i tigaina i se nuu mamao,
ma ina ua faalogo ou matua i se faamatalaga e uiga i lou
ma’i ma faatoa mafai ona o mai ina ua mavae aso e lua?
• Faitau le Ioane 11:1–6. Aisea na alu vave ai Iesu i Petania
ina ua Ia mauaina le tala i le ma’i o Lasalo?
• Faitau Ioane 11:4, 11, 15. E tusa ai ma nei fuaiupu, aisea na
faatagaina ai e Iesu ia Lasalo e oti.?
• Faitau le Ioane 11:39–40. Aisea na umi ai ona faatali ia Iesu
mo le faataunuuina o le vavega, ae ua leva ona Ia silafia le
mea na te faia?
Mo se faaopoopoga, na tuuina mai ai e Elder Bruce R.
McConkie ni mafuaaga se lua:
“Aisea ua tuputupu a’e ai le aoaoina ma le faatauaina
o manatu i lenei vavega mata’utia e tasi o lana misiona?
E lua ni mafuaaga patino e tulai mai. (1) Ina ua
latalata i le faaiuga o le misiona faaletino a le Alii, na
ia toe tuuina atu lana molimau i se auala ina ia le
mafai ona le toe talitonuina, i lona avea ma Mesia,
i lona avea ma Alo paia, i le avea o ia ma se Alo moni
o le Atua; ma le (2) O le faatuina lea o se mau e
faaalia ai mo taimi uma se tasi o ana aoaoga silisili:
O ia o le toetu ma le ola, o ia e maua ai le tino ola pea
ma le ola faavavau, ma o i latou e talitonu ma usitai
i ana upu o le a le oti i la le agaga” (Doctrinal New
Testament Commentar, 1:530– 31)
Fesili: E faapefea i le faatauaina o lenei vavega ona aafia ai
i latou e le talitonu? (O le a leai se mea latou te alofaga i ai i le
teena o Iesu o le Alo o le Atua.)
Faitau le saunoaga lenei a Elder James E. Talmage:
Ioane 11-12
“E leai se fesili e mafai ona tula’i mai e uiga i le maliu
o Lasalo, aua o lona maliu na molimauina, o lona tino
na saunia ma tanuina i le auala masani, ma sa taoto
o ia i le tuugamau mo aso e fa. I le tuugamau, ina ua
valaauina o ia e tula’i mai, sa toatele ni molimau sa
i ai, o nisi o i latou o ni tagata Iutaia taua tele, o le