O le a le Feagaiga Fou?

O LE TUSI A IAKOPO
Tusitala Ma ‰ Na Tusia I Ai: Na tusiaina e le tusitala le tusi
o Iakopo i “ituaiga e sefululua o loo salalau solo” ma na
faailoaina mai o ia lava o “Iakopo, o le auauna a le Atua ma le
Alii o Iesu Keriso” (Iakopo 1:1). Masalo o Iakopo lea le uso
o Iesu, ae le o Iakopo le uso o Ioane (tagai Mataio 13:55; Kalatia
1:19; Bible Dictionary, “James”). I le avea ai o se alo o Iosefa
ma Maria, atonu na latalata le mafutaga a Iakopo ma le Alii
ma atonu foi na ia matua iloaina o Ia e pei o se isi tagata i le
olaga faitino. Ma le isi foi mea, na mauaina e Iakopo se
molimau i le paia o Keriso ma le Toetu (tagai 1 Korinito 15:7).
Talaaga Faasolopito: O [le tusi o] Iakopo o loo faatulagaina
o se Tusi Faalaua’itele. Ua ta’ua o Tusi Faalaua’itele ona e le
o tusiaina atu i se au faitau patino e pei o le tele o Tusi a Paulo.
O le itiiti o ni faamatalaga patino ua faigata ai ona iloa le alo
ma le nofoaga na tusia ai. Talu ai e le o ta’uina mai e Iakopo
pe o anafea ma pe o fea foi na ia tusiaina ai lana tusi, ae ua na
o se manatu taumate faapea na tusiaina i Ierusalema ona
o iina sa nofo ai o ia.
E mafai ona iloa na tusiaina le Tusi a Iakopo a o lei oo i le 62
T.A. ona o le tausaga lena, e pei ona faamaumauina e le tagata
tusi talafaasolopito o Iosefatu, e faapea o Iakopo le uso o le
Alii ma isi na tuuina atu i luma o le au Saneterini, ma faasalaina
i le oti, ma toe aveina ae ina ia fetogia i maa (Antiquities of the
Jews, 20.9.1). Ma le isi mea, o le le ta’uina mai e Iakopo o le
faapotopotoga i Ierusalema pe tusa ma le 50 T.A. (tagai
Galuega 15) e mafai ona iloa ai o lenei tusi sa tusiaina ao lei
oo i lena foi taimi. Afai e sa’o ona avea ai lea o lenei tusi ma
se tasi o tusi pito i leva o le Feagaiga Fou.
Savali autu: O lenei tusi o loo aoao mai afai tatou te taliaina le
talalelei ma faatuatua i le Alii, e tatau ona tatou faatinoina loa le
moni o lena faatuatua i aso taitasi o o tatou olaga. O le Tusi a
Iakopo o loo faaautuina i ni lauga pupuu o loo apoapoai atu ai i
le Au Paia ina ia le nao le iloaina o le afioga a le Atua ae ia ola ai.
Faatomuaga
Iakopo 1–5
O loo iloaina le Iakopo 1–5 i lona faamamafaina o le ola
faalelotu e ala i faatinoga.
Afai tatou te faatuatua, e ao ona tatou faaalia e ala i a tatou
galuega, mo se faataitaiga o le faamafanafana ma fesoasoani
ia i latou o e puapuagatia. Ia Iakopo o le faatuatua e o faatasi
lava pea ma galuega. O se tasi o faataitaiga pito sili ona
faagaeetia loto o lena faatuatua faapena na tupu ina ua faitauina
e le tamaitiiti o Iosefa Samita le Iakopo 1:5: “A e afai ua leai se
poto i so outou, ina ole atu ia i le Atua, o lå foai tele mai
i tagata uma ma le le toe ta’uta’ua; ona foaiina mai ai lea ia te
ia.” Na lagona e Iosefa le musuiaina o ia ia alu atu i le vao ma
237
fesili atu i le Alii pe o le fea o ekalesia e moni. Na tauia e le
Tama Faalelagi lona faatuatua e ala i le faaali atu ia te ia, faatasi
ma Iesu Keriso. Na tali e le Tama le tatalo a Iosefa e ala i le
faasino ia Iesu ma fetalai mai, “O Lo’u Atalii Pele Lenei.
Faalogo ia te Ia!” (Iosefa Samita—Talafaasolopito 2:17).
Ia suesue ma le agaga tatalo le Iakopo 1–5 ma mafaufau
I mataupu faavae nei ao lei sauniaina au lesona.
O Nisi o Mataupu
Faavae Taua o le Talalelei e Saili Iai
• E faamalosiauina i tatou e le Alii ao tatou onosaia ma
tutumau mai faigata ma tetee atu i faaosoosoga (tagai
Iakopo 1:2–4, 12–21; 4:7–10; tagai foi FIS, Iakopo 1:2).
• O le amio Atua o le aapa atu lea i galuega o le alofa i e ua
puapuagatia ma ia aua nei pisia mai le lalolagi (tagai Iakopo
1:27; 2:1–9; tagai foi Mataio 22:34–40; Mosaea 4:15–27;
MFF 59:9).
• E le mafai ona tatou faatuatua e aunoa ma galuega, pe
mafai foi ona faaolaina i tatou i le na o le faatuatua lava.
O galuega amiotonu o fua ia o le faatuatua (tagai Iakopo
2:14–26; 1:22–25; FIS, Iakopo 2:18).
• O le leoleoina o le laulaufaiva (puleaina o upu tatou te
tautatala ai) e fesoasoani ia i tatou i le atinaeina o le atoatoa
(tagai Iakopo 3:1–12; tagai foi Mosaea 4:30; Alema 12:14).
• O i latou o e opogi mea o lenei lalolagi e avea i latou ma
fili i le Atua (tagai Iakopo 4:4–10; tagai foi Mosaea 3:19).
• O le faatuatua i le Alii, o le tatalo, ma le perisitua o mea
taua ia e manaomia i le faamanuiaina ma faamaloloina
o e mamai ma e ua puapuagatia (tagai Iakopo 5:13–18;
tagai foi MFF 35:9).
Fautuaga mo le Aoao Atu
Filifili mai i manatu nei, pe faaaoga foi nisi o ou lava manatu,
ao e sauniaina lesona mo Iakopo 1–5.
Iakopo 1:5–6 (Mau Tauloto). E mafai ona
tatou ole atu mo le poto ma mauaina mai
le Atua pe afai tatou te ole atu ma le faatuatua
ma ia aua nei masalosalo. (25–30 minute)
Tusi i luga o le laupapa le saunoaga lenei a Elder Bruce R.
McConkie:
“O lenei fuaiupu e tasi o tusitusiga paia o loo i ai
se aafiaga sili atu ona aoga i tagata nai lo se isi lava
fuaiupu e tasi ua faamauina e soo se perofeta i soo
se vaitaimi” (Doctrinal New Testament Commentary,
3:246–47).