O le a le Feagaiga Fou?

Fesili atu i tagata o le vasega: Pe faapefea ona avea lea mea
ma mea e suia ai lau filifiliga i le va o le polofesa ma le tagata
o le vasega?
Ia faitau e tagata o le vasega le 1 Korinito 1:17–31 ma saili
fuaiupu o loo faaalia ai le pogai e filifilia ai e le Atua mea vaivai
o le lalolagi. Ia talanoa i mea ua latou maua. Ia faamatala atu
o mea vaivai o le lalolagi o tagata ia o e lotomaualalo, e le o le
tulaga o le lauiloa i mea o le lalolagi, le aoaoina e tusa ai ma
mea o le lalolagi. O i latou o e e faatatau i ai lenei faamatalaga
o “tagata vaivai” e sili atu lo latou faalagolago i le Atua nai lo
latou lava atamai. Talu ai ona o lena faalagolago i le Alii ua
mafai ai ona faaaoga i latou e “faafememea’i e popoto” (ia
tagai foi MFF 35:13).
Faitau le Mataupu Faavae ma Feagaiga 1:18–20, 23 ma ia saili
mo e e filifilia e le Atua e talai le talalelei i aso e gata ai. Ia
fesili atu:
• O ai ua e iloa mai le talafaasolopito o le Ekalesia po o ona
po nei o le ua valaauina e fai le galuega a le Alii peitai o se
sa ta’ua o se tagata vaivai i manatu o le lalolagi? (O tali
e mafai ona tuuina mai e aofia ai le perofeta o Iosefa Samita,
Peresitene Gordon B.Hinckley, ma isi Perofeta o aso e gata
ai, o faifeautalai o le Ekalesia, taitai o uarota ma paranesi.)
• Aisea e ono ta’ua ai oe o se tagata faatauvaa po o le vaivai?
• O le a se mea e tatau ona e faia e avea ai oe ma se auupega
malosi i aao o le Alii?
Ia tautino atu i tagata o le vasega e manaomia e le Alii i latou
ina ia lotomaualalo ma agamalu ina ia mafai ai ona Ia
faalagolago ia i latou e faia Lana galuega i le lalolagi i aso nei.
1 Korinito 2. O le poto o le Atua e sili atu lea nai
lo le poto o le tagata ma e faato’a mafai ona
aoaoina e ala i le Agaga Paia. O le pogai lea
o le malamalama o loo taitaiina ai lelei i tatou
e ala i lenei olaga ma faaauau ai i le mamalu
selesitila. (20–25 minute)
Ia e sau ma aumai ni kopi o le tusi telefoni a lo outou atunuu
i le vasega. Ia tusia i ni pepa eseese ni faamatalaga o ni
faafitauli o loo manaomia ai le fesoasoani a se tagata atamai
(mo se faataitaiga ua le ola lau taavale, faato’a faate’a oe ma
lau galuega, ua faalogoina e lau tama le tiga o le fatafata). Ia
tuuina atu fasi pepa i tagata o le vasega ma fai atu ia i latou
e filifili po o fea e te alu i ai mo se fesoasoani e ala i le saili i le
tusi telefoni. Fesili atu:
• O ai le tagata na tonu ia te oe e faafesoota’i? Aisea?
• Pe aisea ua taua ai le avea o le tagata o le a e alu i ai mo se
fesoasoani ma se tagata atamai tele i le fo’ia o lou faafitauli?
Ina ia fesoasoani i tagata o le vasega ina ia malamalama o le
Atua e pogai mai ai le malamalama e taitaiina ai i tatou i le
mamalu selesitila, ia talanoaina fesili nei:
• Pe e te fesili atu i le Atua i le ofu e te ofu ai i aso taitasi? Le
mea e te ‘ai ai i le aoauli, po o le fesili atu fo’i mo tali sa’o
i au meaaoga? Aisea po o le aisea e le faapea ai?
181
• O ai e te alu atu i ai mo tali i nei fesili?
• O a ituaiga o faamatalaga e tatau ona tatou ole atu ai
i le Atua?
Faitau 1 Korinito 2:1–5 ma ia saili i mea na faavae ai le
faatuatua o Paulo. Fesili atu:
• O a ni auala ua tatou faaaogaina ai lo tatou faatuatua i nisi
taimi “ina ia le i ai lo outou faatuatua i le poto o le tagata”?
• Pe aisea ua tatou faatagaina ai i nisi taimi lo tatou
faatuatua e fai lenei mea?
• Pe mafai faapefea ona tatou õ ese mai le le faia o lenei mea?
Faitau 1 Korinito 2:9–10; Mataupu Faavae ma Feagaiga
1:38;18:33–36 ma ia saili mo ni auala e faailoa mai ai ia i tatou
le siufofoga o le Alii. Fesili atu: Pe mafai faapefea e le lagona
o le siufofoga o le Atua ona fesoasoani ia i tatou ia atiina’e i le
faavae o Keriso?
Faitau 1 Korinito 2:11–16 ma talanoaina nisi o fesili o loo i lalo:
• Aisea ua e manatu ai e taua le saili o le Agaga o le Alii
e taitaia ai o tatou olaga?
• O le a le pogai e faigata ai i se tasi ona aoao upumoni
faaleagaga?
• O le a se auala e mafai ai e le tagata faaletino ona aloa’ia
lelei le talalelei?
• Pe mafai faapefea ona tatou maua le “afioga a Keriso”?
(Ia tagai foi i le 2 Nifae 32:2–3).
Ia faitau le faamatalaga o loo i lalo a Elder Iosefa Filitia
Samita ma molimau atu e uiga i lona faamaoni:
1 Korinito 1–4
“Ua na o le fesoasoani lava a le Agaga Paia, ma le
usiusita’i i mataupu faavae o le Talalelei, o le a mafai ai e
se tagata ona maua le malamalama o le upumoni atoatoa.
O lona uiga, o i latou o e o le a le ogatasi o latou
olaga i mea uma ma le Soifuaga Paia; o i latou ia o le
a le fetuutuuna’i o latou olaga e ala i le faatuatua ma
le salamo ma le usiusita’i i tulafono paia uma lava, o
le a le mafai ona i ai i se tulaga e malamalama ai i le
upumoni i lona tulaga atoatoa” (Doctrines of
Salvation, 1:298).
1 Korinito 3:1–15, 21–23. O le malamalama o le
Talalelei e atiinae lea i le faavae o Iesu Keriso
ma e tuputupu a’e i lea fuaiupu ma lea fuaiupu.
(20–25 minute)
Faaali atu i tagata o le vasega se ipu malamalama e tumu
i le susu faapea ma se fasi aano o manu. Fesili atu:
• O le fea o ia mea e te fafagaina ai se pepe? Aisea?
• O le a se mea e ono tupu pe afai e te fafaga se pepe i se
aano o manufasi?
• O le a se mea e mafai ona saunia e le susu se’ia oo ina
mafai e se tamaitiiti ona ai i se aano o manufasi?