O le a le Feagaiga Fou?

Faitau le Luka 10:34, ona faaauau ai lea o le faamalamalamaga
a Peresitene Tanner, ma taofi pe a manaomia e talanoaina ni
manatu ma ni lagona o tamaiti o le vasega:
“Lona lua, sa ‘alu atu’ le Samaria i le tagata manua. Sa
le faatali o ia seia talosaga atu i ai le tagata
puapuagatia, ae sa ia iloa le mea o loo manaomia ma
alu atu loa e fesoasoani e aunoa ma le tau fesiligia.
I lena viiga lauiloa o le ‘Se Tagata Mativa Faanoanoa’
(Viiga, nu. 16), sa fiafia tele i ai le Perofeta o Iosefa, ua
tatou iloa ai o le taui maualuga lea na folafola mai e
le Faaola e le gata ina tatou maua ona o amioga o le
agalelei, ae ona sa tatou faia i se tulaga faifai pea
e aunoa ma le loto faapito.
“Lona tolu, sa ‘fusifusi i ona manua, liligi i ai le suauu
ma le uaina’ e le Samaria. Na tuuina atu e le Samaria
le tausiga mo le tagata puapuagatia ma faamalieina
le fia inu. O lenei alofa le faatuaoia sa toe mafai ona
faaolaina ai le ola o le tagata.
“Lona fa, sa tago le Samaria ma ‘faatietie ia te ia i lana
lava manu’—o lona uiga, sa ia saunia le mea e malaga
ai ma ‘taitai ia te ia i le ‘fale e tali ai malo,’ o nofoaga
e maua ai se malologa ma le tausiga. O le sauniaina o
lenei nofoaga talafeagai e mapu ai ina ia ona mautinoa
ai le lelei o le tausiga mo le toe mauaina e le tagata
puapuagatia o le malosi.
“Lona lima, sa ‘tausi ia te ia’ le Samaria. Ia manatua i le
taimi o loo faigata ai lava le tulaga o le toe maua o le
malosi e le tagata, sa lei tuuina atu e le Samaria le
tausiga o le alii i nisi tagata, ae faaalu lona taimi ma
lona malosi e faataunuu ai e ia lava le galuega
fesoasoani. I se taimi na foliga mai e faafaigofie lava
ona tuu atu le galuega e faauma e isi tagata; e taua
tele le i ai o se faataitaiga malosi mo i tatou e pei
o le Samaria agalelei.”
Faitau le Luka 10:35 ona faaauau lea o le faamatalaga
a Peresitene Tanner:
“Lona ono, sa oo i le ‘taeao . . . ona to ae lea o tenari
e lua, ma avatu i le matai e ana le fale.’ sa ia faaaogaina
ana lava tupe, e le o se tupe a se isi, ma totogi ai
galuega sa faia e lei mafai ona ia faia e ia lava. O lea
la sa ia tuuina atu ana mea mo le tausia o e matitiva
ma puapuagatia.
“Lona fitu, i le manao o le Samaria e galue mo lona
foi ola, sa ia tau atu ai i le matai o le fale tali malo
e ‘tausi ia te ia.’ I lea auala sa ia faafaigaluega ai isi ...
e fesoasoani ma faaauauina le tausiga.
“Lona valu, sa folafola loa i ai e le Samaria ‘a i ai se
mea e te toe faataunuu, ou te taui atu ia te oe pe a ou
toe sau.’ O loo faaalia ai iinei le alofa! Na te le’i tuuina
91
se tapulaa i se mea e tatau ona gata mai ai lana
fesoasoani. Ma, atonu e sili atu foi, sa le’i faamaamulu
ai iina ma faagalo, ae sa matua tautino atu lava e toe
foi mai ma vaai pe ua faia mea uma sa tatau ona fai”
(i le Conference Report, Oke. 1977, 119–20; po o le
Liahona, Mati 1978, 147).
Ia faauma i le faitauina lea o le Luka 10:36–37. Ia valaaulia
tamaiti o le vasega e faitau i le “Samaria” i le Taiala
i Tusitusiga Paia. Fesili atu:
• O le a se lagona o tagata Iutaia agai i tagata Samaria?
• E faapefea ona faaopoopo atu le iloaina o lena mea
i le malosi o lenei faataoto?
Ia talanoaina faatasi ma tamaiti o le vasega mea e mafai ona
latou faia ina ia avea ai ma “Samaria agalelei.” Faitau le
saunoaga lenei mai ia Epikopo H. David Burton, le Epikopo
Pulefaamalumalu o le Ekalesia:
“O le avea ma Samaria Agalelei o se mea e pipisi.O le
faia i le auala a le Alii e faalotomaualaloina ai e mauoa,
e faaeaina ai e matitiva ma faapaia uma ai (tagai MFF
104:15– 18). E fesoasoani le na te tuuina atu ia i latou
e ala i le faasafuaina atu o ana mea e maua. O le na te
taliaina i lona tulaga atoatoa, ona mafai ai lea e ia ona
aapa atu e fesoasoani i isi.
“O le Samaria Agalelei e amata i le aiga a o aoaoina
e matua a latou fanau i faataitaiga ma upu. ... Tau ia
ina ia tatou galulue punouai i mataupu faavae o le
Avea ai ma Samariua Agalelei ma ia sili atu le manatu
i le manaomia o le ‘alu ia, ma faapea ona fai.’“ (i le
Conference Report, Ape. 1997, 106, 108; po o le
Liahona, Iulai 1997, 95–96).
Ia faaiuina i le usuina o le “Se Tagata Mativa Faanoanoa”
(Viiga, nu. 16). Ia uunaiina tamaiti o le vasega ina ia saili pea
ni avanoa e auauna atu ai i isi.
Luka 10:38–42. E tatau ona tatou faaaoga lelei ia
avanoa taua faaleagaga ma aua ne’i o tatou
faatagaina o tatou tagata ina ia faalavelaveina
e mea e le taua. (10–15 minute)
Fai atu i tamaiti o le vasega e mafaufau faapea ua afio atu le
Faaola i o latou fale mo se asiasiga puupuu.
• O le a faapefea ona e saunia mo Ia?
• O le a le mea sili e te manao e faia pe e te tautala atu ai i le
taimi o Lana asiasiga?
• O le a le mea sili e te manao e suia ae le’i taunuu atu o Ia?
Fai atu i tamaiti o le vasega e faitau le Luka 10:38–42 ma
faatusatusa i le mea na faia e Mareta ma Maria.
Luka 10–13