O le a le Feagaiga Fou?

Luka 4:14–32 (tagai foi Mataio 4:12; Mareko
1:14, 21–22; Ioane 4:3). E tatau ona tatou
lagolagoina o tatou taitai faaleEkalesia ma
usiusitai i a latou fautuaga. (25–30 minute)
Faaali atu le ata o Iesu Keriso o loo lauga i totonu o le sunako
i Nasareta (tagai faaopoopoga, i. 300). E aunoa ma le ta’uina
atu o le mea o loo faaalia mai le ata, ia valaaulia ia tamaiti o le
vasega e sailia ia mau mo faamaoniga i le mea sa i ai le Faaola
ma le mea sa Ia faia.
• Mai le ata, o le a sou manatu, o a ni lagona o tagata sa
faatasi ma Ia?
• O le a le mea e sili ona e fiafia i ai i le ata?
Fai atu i tamaiti o le vasega e faitau le Luka 4:16–21 ma vaai
mo le fuaiupu lena o loo faaalia mai le ata.
• O le a le aai na tutupu ai nei mea? (tagai f. 16).
• O le a le sootaga i le va o le Faaola ma nei tagata?
• O le a “le tusi a le perofeta o Isaia”?
Ia faailoa atu i tamaiti o le vasega faapea o le “Esaia” o le
faaEleni lea o le igoa “Isaia.” Faasino i latou i le Isaia 61:1(1-2)
e iloa ai le fuaiupu sa faitauina e Keriso. Vaevae ia mau nei
i tamaiti o le vasega ma tuu atu ia i latou e sailia po o ai na
faataunuuina ia le valoaga a Isaia: Mataio 9:27–31; 11:5; Luka
5:18–24; Galuega 10:38.
Ia faamalamalama atu faapea o upu a Isaia na matuai
malamalama ai tagata Iutaia o le faaMesia, ma sa vavalo i se
Faaola o le a oo mai. Faitau le Luka 4:22–24 ma fesili atu:
• Na faapefea ona tali atu tagata i le faasilasilaga a le Faaola
o Ia o le Mesia folafolaina?
• O le a sou manatu aisea na latou teenaina ai Lana molimau?
• Aisea atonu e faigata ai ona taliaina se tagata na outou
tutupu a’e faatasi e avea o se taitai filifilia?
• E mafai faapefea ona faatatau lenei mea ia i tatou i aso nei?
Faaali atu se ata o le perofeta o loo i ai nei. Ia valaaulia le vasega
e faamatala mai ia uiga o le perofeta e tulaga ese lava i isi tagata,
ma lisiina i luga o le laupapa. Ia faia foi se lisi o uiga e patino
lava ia te ia ma lona valaauga. Ta’u atu i tamaiti o le vasega
o le perofeta e tele lava auala e pei ai o isi tagata. Fesili atu:
81
• E faapefea ona avea lenei mea ma pogai e faigata ai i nisi
tagata ona taliaina ana upu?
• Pe avea ea le faigofie po o le faigata o le mea e talosaga
mai ai le perofeta e fai ma eseesega i le auala tatou te
faalogo atu ai ia te ia? Aisea?
Faitau le Mataupu Faavae ma Feagaiga 1:38 ma fesili atu
i tamaiti o le vasega e fuafua pe faapefea ona faatatau lenei
fuaiupu i o latou taitai i iunite (mo se faataitaiga o matua,
epikopo, peresitene o le siteki). Ia fetufaai atu le saunoaga
lenei mai ia Elder James E. Faust:
“O tagata o le Ekalesia . . . o e tumau i le faatuatua . . .
latou te talia ma le fiafia le silisiliese o le Atua ma
faalagolago i tusitusiga paia ma fautuaga a Ana
auauna, o taitai o le Ekalesia. O nei taitai o le Ekalesia
o tagata e i ai vaivaiga, e le atoatoa foi i lo latou atamai
ma faaiuga latou te faia. Aua e leai se tagata e atoatoa
i le lalolagi. Peitai o nei taitai faamaoni, loto maualalo,
ma le agaga tatalo ua faia a latou galuega i le agaga
faaKerisiano i le mea sili latou te mafaia. O le mea sili
ona taua, ua umia e i latou le pule paia e mafai ai ona
oo mai faamanuiaga sili o le faavavau i e latou te
lagolagoina ma mulimuli ia i latou. O i latou o auauna
moni a le Atua” (i le Conference Report, Oke. 1985, 8;
po o le Liahona, Ian. 1986, 4–5).
• Faitau le Luka 4:25–32. O a faamanuiaga na le maua
e tagata ona o o latou uiga na faaalia i aoaoga a le Faaola?
(Na tuua e le Faaola i latou.)
• Aisea na le fiafia ai tagata o Nasareta ina ua faatusatusa
e le Faaola ia Isaraelu i le taimi o le fafine Sarefata ua oti
lana tane ma Naamanu le lepela?
Toe iloilo le tala i le fafine Sarefata ua oti lana tane i le 1 Tupu 17
ma le tala ia Naamanu le Lepela i le 2 Tupu 5:1–14. Faaaoga le
faamalamalamaga lenei mai ia Elder Bruce R. McConkie
e fesoasoani ai i tamaiti o le vasega ia malamalama i le
mafuaaga na siitia mai ai e le Faaola nei tala:
“E maeu le atamai o le filifilia e Iesu o ana faataitaiga!
O nei perofeta uma anamua, sa le faamamaluina e o
latou lava tagata, sa tuuina atu ia faamanuiaga silisili
i luga o tagata ese. O lea o tagata Nasareta; o isi, ae le
o i latou, na vaai i nei galuega ofoofogia” (Doctrinal
New Testament Commentary, 1:162).
Luka 4–6
• O a ni auala tatou te tutu ai i se tulaga faaletonu i le le
mauaina o faamanuiaga a le Alii pe afai tatou te le taliaina
le Faaola po o Ana auauna?
• Aisea o le a le fesoasoani ai lo tatou auai i le Ekalesia a le
Alii ia i tatou pe afai tatou te le tausia Ana poloaiga?
Faamanatu atu i tamaiti o le vasega le autu ma uiga tulaga
ese o le Talalelei a Luka (tagai itulau 75). Ia faailoa atu pe
faapefea ona avea lenei tala, lea e na o Luka e maua ai, o se