O le a le Feagaiga Fou?

O le Tusi a le Aposetolo o Paulo i Eperu
Ia faaali atu i tamaiti o le vasega le pagota o loo i le ata lenei
(tagai i le faamatalaga o ata o loo i le pito i tua, i. 301).
Manatua: Ia faaeteete i lagona o tamaiti o le vasega o loo i ai
tagata o o latou aiga i le falepuipui. Ia fesili atu:
• Aisea e i’u ai tagata i le falepuipui? (Ua latou soliina
le tulafono.)
• Aisea e te manatu ai atonu o le a faanoanoa se tagata
i lenei tulaga?
• Pe a mae’a ona totogiina le faasalaga o lana soligatulafono
ma ua tatalaina, aisea o le a fiafia ai o ia? Pe le fiafia foi?
Faaali le ata lona lua (tagai i le faamatalaga o ata o loo i le pito
i tua, i. 302) ma fesili i tamaiti o le vasega pe aisea ua manatu
ai i latou o nisi o pagota e le suia o latou ala ma toe foi atu ai i
le falepuipui. (O loo mataua nisi ma faaauau pea ona solia le
tulafono.) Fai atu i le vasega e faitau le Mosaea 2:41, ma ia
talanoaina le mea e tatau ona faia muamua e lenei tagata ao le
i mauaina e ia le fiafia moni. Ia talanoaina fesili nei:
• O a taunuuga pe a tatou solia tulafono a le Atua? (tagai
Alema 41:10).
• E faapefea ona iloa lo tatou fiafia i le ala o loo tatou ola
ai ae le na o lo tatou siosiomaga?
• E faapefea ona tatou lagona le ta’usalaina i nisi taimi ma
avea i tatou, e pei o le pagota lea, o ni pagota i se
falepuipui faaleagaga? (tagai Roma 3:23; 1 Ioane 3:4).
• O le a le mea e ao ona tatou faia ina ia maua ai le fiafia
i lenei olaga ma le olaga a sau?
Ia valaaulia le vasega e faitau le Eperu 10:10, 14–17 ma vaavaai
mo mea e mafai ona tutupu ia i tatou ona o le taulaga a Iesu
Keriso. (E mafai ona faamamaina i tatou.) Tusi le upu
faamamaina i luga o le laupapa ma fai atu i le vasega e faamatala
mai pe o le a le uiga ia i latou. Fai atu i le vasega e faitau le
saunoaga lenei a Elder Joseph B. Wirthlin, ma ia talanoaina
e le vasega:
“E ala i le mana ofoofogia o le Togisala a Iesu Keriso,
o se mana e galueaiina e ala i lo tatou usiusitai i Ana
poloaiga, e mafai ai ona matua faamamaina i tatou
i a tatou agasala. O Lona alofa mutimutivle e le gata
mai e mafai ai ona ‘faamalie iuga o le faamasinoga’
[Alema 34:16] mo tagata uma o e salamo” (Liahona,
Ianuari 1997, 84).
234
Ia talanoaina fesili nei:
• O le a le mea e ao ona tatou faia ina ia faamamaina
ai i tatou i le mana o le Togisala?
• E mafai faapefea i le faamamaina o agasala ona aumaia ia
i tatou le fiafia i lenei olaga ma le olaga a sau?
• Aisea e ta’uaogaina ai le totogiina o soo se tau mo le fiafia
e mafai ona tuuina mai e le Alii?
• O le a se mea e mafai ona e faia i le asõ ina ia olioli ai
i le fiafia moni?
Faatomuaga
Eperu 11–13
O le Lectures on Faith, (Laugaina e uiga i le Faatuatua), na
tuufaatasia i lalo o le taitaiga a le Perofeta o Iosefa Samita, na
folafolaina atu o le faatuatua ia Iesu Keriso o le mataupu
faavae muamua lea o le talalelei ma le “faavae o le amiotonu
uma” (Lectures on Faith [1985], 1). O loo aoaoina ai foi “o le
faatuatua e le gata o le mataupu e uiga i galuega, ae faapea
foi le mana, i agaga atamamai uma” (13). I le Eperu 11–13, o loo
aoaoina ai i tatou e uiga i le faatuatua ma le ala e mafai ai ona
avea ma se mataupu faavae o le mana i o tatou olaga.
Ia suesue ma le agaga tatalo le Eperu 11–13 ma mafaufau
i mataupu faavae nei ao le i saunia au lesona.
O Nisi Mataupu
Faavae Taua o le Talalelei e Saili Iai
• O le faatuatua o le faamoemoe lea ma le mautinoa o mea
e le o vaaia ae e moni ia (tagai Eperu 11:1–3; tagai foi
Alema 32:21).
• O le faatuatua o le mana lea na mafai ai e le Au Paia o
anamua ona tausia poloaiga a le Atua ma faia ai galuega sili
o le amiotonu (tagai Eperu 11:4–40; tagai foi Alema 26:22–36).
• E ala i le faatuatua o loo mafai ai e i tatou ona onosaia le
aoaiga a se Tama alofa ma faatagaina mea e oo mai ina ia
faaleleia ma faaatoatoaina ai i tatou (tagai Eperu 12:5–13;
tagai foi MFF 95:1).
• O le mafutaga o le faaipoipoga e paia ma faauuina
e le Atua (tagai Eperu 13:4; tagai foi MFF 131:1–2).
Fautuaga mo le Aoao Atu
Filifili mai aitia nei, pe faaaoga ni au lava, ao saunia au lesona
mo le Eperu 11–13.
O le New Testament Video Vaega 20, “O le Faatuatua
e Ola ai le ua Amiotonu” (12:19), e mafai ona
faaaogaina i le aoaoina atu o le Eperu 11 (tagai New Testament
Video Guide mo fautuaga mo le aoaoina atu).