O le a le Feagaiga Fou?

O le Talalelei e Tusa ai ma le Faamatalaga a Ioane
Na saunoa le Perofeta o Iosefa Samita e uiga i Fesoasoani
e lua faapenei:
“E lua ia Fesoasoani o loo tautalagia. O le tasi o le
Agaga Paia, o lea na tuuina mai i le aso o le Penetekoso,
ma e mauaina e le Au Paia uma ina ua faatuatua,
salamo, ma papatiso. O lenei Fesoasoani muamua po
o le Agaga Paia e leai lava se isi ona aafiaga na o le
poto atoatoa. E sili atu le mamana i le faalauteleina
o le mafaufau, faapupulaina o le malamalama, ma le
teuina o le atamai i le poto ua i ai nei. ...
“O le isi Fesoasoani o loo talanoaina o se mataupu
e tele sona taua, ma atonu e toaitiiti i latou o lenei
augatupulaga e malamalama i ai. A faatuatua se tagata
ia Keriso, salamo i ana agasala, ma papatisoina mo le
faamagaloina o ana agasala ma mauaina le Agaga
Paia, (i le faaee atu o lima), o le Fesoasoani muamua
lea, ona ia saga faamaualalo ai lea i luma o le Atua,
ma ia saga fiaai pea ma fiainu i le amiotonu, ma ola
ai i upu uma a le Atua, ona le pine lea ae fetalai mai
le Alii ia te ia, Atalii e, o le a faaeaina oe. A maea ona
faamaonia o ia e le Alii, ma iloa e sogasoga le tagata
e auauna atu ia te Ia i soo se mea, ona mautinoa ai lea
e le tagata o lona filifilia ma, ma mauaina ai loa le
avanoa e mauaina ai le isi Fesoasoani, pei ona
folafolaina mai e le Alii, pei ona tusia i le molimau
a Ioane, i le mataupu e 14, fuaiupu 12 e o o i le 27.
“Maitau fuaiupu e 16, 17, 18, 21, 23 . ...
“O lenei, o le a le isi Fesoasoani? O ia o le Alii o Iesu
Keriso lava Ia; ma o le atoatoaga lea o le mea atoa; afai
e mauaina e se tasi le Fesoasoani mulimuli lea, o le a ia
mauaina le peresona o Iesu Keriso e fesoasoani ia te ia,
pe faaali atu ia te ia mai lea taimi i lea taimi, ma na te Ia
faaalia fo’i le Tama ia te ia, ma o le a siitia lona nofoaga
faatasi ma ia, ma o faaaliga o le lagi o le a tatalaina atu
ia te ia, ma o le a aoaoina fo’i o ia e le Alii, ma o le a ia
mauaina le malamalamaaga atoa i mea lilo o le Malo
o le Atua; ma o le tulaga ma le nofoaga lea na oo i ai le
Au Paia anamua ina ua mauaina ia faaaliga matagofie
—Isaia, Esekielu, Ioane i le motu o Patamo, Paulo i le
lagi sautua tolu, ma le Au Paia uma sa faia le faamanatuga
ma le faapotopotoga atoa ma le Ekalesia a le
Ulumatua: (Teaching of the Prophet Joseph Smith, 149–51)
Faamanatu atu i le vasega e tatau ona saunia i latou mo le
Fesoasoani Lona Lua aua o le a ia faaalia mai o Ia “ i lona lava
taimi, i ona lava la, ma e tusa ai ma lona lava finagalo (MFF
88:68). E tatau ona tatou taulai atu i le taliaina ma le usita’ia
o le Fesoasoani Muamua, aua o loo avanoa mo i tatou
taitoatasi i le taimi lenei.
Faitau e le vasega le Ioane 14:26 ma le Ioane 16:7–14 ma sailia
ni fesoasoani e ala mai i le meaalofa a le Agaga Paia. Ia lisi
i luga o le laupapa ma talanoaina.
134
Fesili: E moomia ea e i tatou se lagona o le le amanaia po o le
tuulafoa’ia a o tatou saili le fiafia ma le ola e faavavau? Faia
se molimau e uiga i le filemu, olioli ma le faamafanafanaga
e ala mai i le Agaga Paia.
Ioane 15:1–8. O le Faaola o le Vine Moni, a o
tatou o lala. Tatou te maua mai le ola ia te Ia, ma
e leai se mea tatou te mafaia e aunoa ma Ia.
(15–20 minute)
Aumai se mea e alu i le eletise ma se laau ola (plant) i le vasega.
Ia ki le mea o loo faaaoga ai le eletise ae le’i palakaina le palaka
o le eletise. Fesili: Aisea e le o ola ai? Tusi se lala po o se
laulaau o le laau. Fesili i le vasega i fesili nei:
• O le a le mea e mafai ai ona ola le laulaau po o le lala?
• O le a le mea o le a tupu pe a gagau ese mai le lala?
• O a auala e tutusa ai le laulaau ma le mea e alu i le eletise?
(E manaomia e mea e lua ia se mea e faaola ai mo le
faataunuuina o la faamoemoe.)
• E faapefea ona pei i tatou o le mea e alu i le eletise ma le
laau. (Fesoasoani i le vasega ia latou iloa latou te
manaomiaina se fesoasoani mai le Alii ina ia mafai ai ona
faataunuu o latou faamoemoega.)
• Faitau e le vasega le Ioane 15:1–8. Fesili atu e ta’u mai
le uiga o faailoga nei mai i le faataoto:
• O le vine (f.1)
• O le galue vine (f.1)
• O lala (f.2)
• O fua (f.2)
• Lala laau ua mago (f.6)
Fesili:
• O a ni lesona tatou te aoao mai i lenei faatusatusaga?
• O a auala o loo tatou faalagolago ai pea i le Atua?
E mafai ona e filifili e faitau le saunoaga lenei a Elder
John Taylor:
“O le avea ai ma se tagata o le Au Paia, ‘Ou te manatu
ua ou malamalama i lo’u tiute, ma o loo lelei lava lo’u
faataunuuina.’ Atonu e sa’o lena. A e vaai i se tama’i
lala: e lanu meamata; o lo o tuputupu a’e lauusiusi ma
o le ata lea o le ola. O lo o faia lana galuega o se vaega
o le laau, ma e pipii atu i le ogalaau, lala ma aa. Peitai,
mata e mafai ona ola le laau e aunoa ma lea lala? Ioe,
e mafai. E le tatau ona loto fefete ma faalialia ma
faapea mai, ‘E ese lo’u lanu meamata manaia, ma
e maeu foi lo’u lauusiusi! ma e maeu foi lo’u
maloloina! E maeu lo’u manuia! Ma o loo ou i ai i se
nofoaga tonu ma o loo ou solosolo lelei pea.’ Ae mata
e mafai ona e ola e aunoa ma aa? E leai: e te tauaveina
lou tiute ma lou tulaga i le laau. E faapena foi i nei