O le a le Feagaiga Fou?

i le olaga faaletino, “ae le’i faapea talu mai le
amataga.” (20–25 minute)
Ia valaaulia atu se tamaitiiti o le vasega i luma o le vasega.
Faaali atu i ai ni ituaiga lole eseese se lua ma fai atu ia te ia
e filifili le tasi po o le isi. Fesili atu i le vasega:
• E fia ni faaiuga e te faia i se aso?
• O a nisi o faaiuga taua e ao ona e faia i le asõ? (Lisi tali
i luga o le laupapa.)
• O le a sou manatu o le a se faaiuga sili ona taua
o le a e faia i lou olaga?
Ia fetufaai atu le saunoaga lenei mai ia Elder Spencer W.
Kimball, a o avea ma se sui o le Korama a Aposetolo
e Toasefululua:
“O le aafiaga sili e tasi i le tulaga o le a e oo i ai i le
lumanai, o lou toaga, o au amioga, e oo lava i lou
taunuuga . . . o le faaiuga lea e tasi e te faia i lena po
masina pe a e talosaga atu i lena tagata ina ia avea
ma au soa mo le olaga. O le faaiuga aupito sili lena
ona taua i lou olaga atoa!“ (The Teachings of Spencer
W. Kimball, 301).
• O le a so outou manatu o a ni lagona o nisi tagata
o le lalolagi e uiga i le taua o le faaipoipoga?
• O a nisi o auala ua outou vaaia i nisi o ulugalii o loo
foiaina ai ni faafitauli i a latou faaipoipoga?
Ia valaaulia tamaiti o le vasega e faitauina le Mataio 19:5–6 e
vaai ai po o le a le mea na aoaoina mai e le Faaola e uiga i le
faaipoipoga. Faaali atu i le vasega se ata o se malumalu ma
fesili atu i tamaiti o le vasega po o fea e mananao e faaipoipo ai.
Ona faitau lea o le fuaiupu e 7–9 ma fesili atu: O le a se mea
tatou aoaoina mai e uiga i le faaipoipoga e ala lea i le
malamalama i aoaoga a Iesu e faatatau i le tete’a? (Faaaliga: Ia
nofouta mo tamaiti o le vasega o e ua tete’a matua po o tagata
o aiga. O le faamamafa e le tatau ona i luga o faafitauli o isi ae
o le fesoasoani i tamaiti o le vasega ina ia saunia mo faaipoipoga
e faavavau.) Ia fetufaai atu le saunoaga lenei mai ia
Elder Bruce R. McConkie:
“O le faaipoipoga faaselesitila po o le faaipoipoga e
faavavau o le faitotoa lea i le faaeaga. Ina ia faataunuuina
le faamoemoega atoa o lana foafoaga ma le
mauaina o le ola e faavavau e tatau i se tagata ona
ulu atu i lenei faatulagaga o le faaipoipoga ma tausia
feagaiga uma ma matafaioi e o faatasi ai. Afai ua
faamauina se ulugalii, ua ta’ua loa i laua o le tane ma
le ava i le olaga nei ma e faaauau ai pea i lea lava
sootaga i le lalolagi a sau. (MFF 131:1–4; 132.)
“O le tete’a e le o se vaega o le fuafuaga o le talalelei
e tusa lava po o le a le ituaiga faaipoipoga o loo aafia
49
Mataio 19–20
ai. Ae talu ai ona o tagata latou te le ola e tusa ai ma
faatulagaga o le talalelei, o lea ua faatagaina ai e le
Alii le tete’a mo se mafuaaga e tasi po o se isi foi, e
faalagolago lava i le mautu faaleagaga o tagata o loo
aafia ai. ... I le tele lava o tulaga atoatoa e leai se
tete’aga e faatagaina se’i vagana ai ua aafia ai ni
agasala o le feusuai. O aso nei ua faatagaina ai ia
tete’aga e tusa ai ma tulafono faalemalo, ma o tagata
ua tete’a e faatagaina e le Ekalesia ona toe faaipoipo
atu e aunoa ma se aafia i le ola le mama lea e mafai ai
e se faatulagaga e maualuga atu ona taulimaina”
(Doctrinal New Testament Commentary, 1:547).
Ia faamamafa atu faapea e ui lava i le tele o tete’aga i le lalolagi,
e oo lava foi i tagata o o tatou aiga i nisi o tulaga, ae taua le
‘aua ne’i faamasino atu ia i latou o e ua i ai ni faigata i o latou
olaga. Ae ao ona tatou faaaogaina nei aoaoga a le Faaola i o
tatou olaga i se auala lelei. Fesili atu: E mafai faapefea ona tatou
saunia ina ia faia se faaiuga lelei e faatatau i le faaipoipoga?
(Faatu se sini ina ia faaipoipo i totonu o le malumalu, ola i se
auala e te manao ai i lou toalua i le lumanai ina ia ola ai,
ia faifaimea faatasi ma talavou o e o loo agavaa e o atu
i le malumalu.)
Mataio 19:16–26 (tagai foi Mareko 10:17–27;
Luka 18:18–27). Tatou te toilalo uma lava i le
taulalata atu i le atoatoa, ae afai tatou te ole atu
ma le faamaualalo, e mafai e le Alii ona taitaiina
i tatou i le atoatoa i lea laasaga ma lea laasaga.
(20–25 minute)
Tusi le upu Tapuai i luga o le laupapa. Fai atu i tamaiti o le
vasega e faauiga mai le upu. (E tele tali sa’o.) A maea ni fai
faauigaina, ona fetufaai atu lea o le faauigaina lenei na tuuina
mai e Elder Bruce R. McConkie:
“O le tapuai ma le atoatoa o le faataitai lea” (The
Promised Messiah: The First Coming of Christ [1978], 568).
Tuu atu i tamaiti o le vasega e faitauina le 3 Nifae 27:27, ma
fesili atu: E faapefea ona faatatau lenei fuaiupu i le saunoaga
a Elder McConkie? Faitau le Mataio 19:16–26 ma fesili atu:
O le a le mea na moomia ona faia e le alii talavou ina ia avea
ai faapei o le Faaola?
Ina ia tuuina atu i tamaiti o le vasega ni manatu e uiga i auala
e mafai ai ona avea atili e pei o le Faaola, ia usu pe faitau ia
upu i le “Faapaia Mai A’u” (Viiga, nu. 70). Fai atu i tamaiti o
le vasega e tusi i luga o se fasi pepa le suiga tele e tasi lea e
moomia ona latou faia i o latou olaga ina ia avea atili ai faapei
o Iesu. Fesili atu: E te manatu o le a tutusa uma le mea e tusia
e tagata taitoatasi? Aisea e le tutusa ai?