O le a le Feagaiga Fou?

O Galuega a le Au Aposetolo
tane o se tagata tala’i mai i Anetioka (taga’i Galuega 6:5). Na
papatisoina e Filipo ia ni tagata se to’atele i Samaria ma se
tagata mai i Aitiope (tagai Galuega 8:6–7, 12, 26–40) Sa valoia
e Anania o Saulo o le a talaiina Keriso “i luma o tagata o Nuu
Ese” (Galuega 9:15). Na tuuina atu e le Alii ia Peteru se faaaliga
e faaali atu ai o le “Alii e le faailoga tagata” ae “o lå mata’u ia
te ia i nuu uma lava, ma fai le amiotonu ua talia i latou e ia”
(Galuega 10:34–35), tusa lava pe o fea le atunuu. Ua fiafia ma
olioli le Ekalesia i lenei faaaliga, e faapea, “Ua foaiina atu e le
Atua i nuu ese le salamo e ola ai” (Galuega 11:18). O nei mea na
tutupu na amata ai le galuega faamisionare a Paulo i Nuu Ese.
A o e aoao i le Galuega 10–12, ia mata’ituina le liliuga
o Konelio ma mafaufau pe o le a le uiga o le le faailogaina
o se tagata e le Atua.
Suesue ma le agaga tatalo, le Galuega 10–12 ma mafaufau
i mataupu faavae nei ae le’i saunia au lesona.
O Nisi Mataupu
Faavae Taua o le Talalelei e Saili Iai
• E faaalia e le Atua Lona finagalo e ala mai i Ana perofeta
(tagai Galuega 10:9–6; 11:1–9: tagai foi i le Tautinoga Tonu
1; Tautinoga Tonu 2).
• O le Tama oi le Lagi o se Atua e le alofa faapito; Na te
ofoina atu le faaolataga mo tagata uma. (Galuega 10:34;
2 Nifae 26:33: MFF1:35).
• O Aposetolo o ni molimau faapitoa mo Iesu Keriso (tagai
Galuega 10:36–43; Galuega 4:33; MFF 107:23).
Fautuaga mo le Aoao Atu
Filifili mai i aitia nei pe faaaogaina ni au lava, a o e saunia
lesona mo le Galuega 10–12.
E mafai ona faaaogaina le New Testament Video 11,
“Long-Promised Day” (8:35) i le aoaoina o le Galuega
10 (tagai i le New Testament Video Guide mo nisi fautuaga).
S M T W TH F S
Galuega 10. E faaalia e le Atua Lona finagalo
e ala atu i Ana perofeta. (25-30 minute)
Faaali atu i le vasega se ata o le Faaola ma se ata o le perofeta
o loo soifua mai nei. Faamalamalama atu o loo taitaiina e Iesu
Lana Ekalesia i ona po nei e ala mai i faaaliga e pei ona Ia faia
i taimi o Aposetolo anamua.
Mo se faataitaiga i le taitaiina e le Alii o Lana galuega e ala
mai i faaaliga i perofeta, ia faitau e le vasega le Mataio 10:5–6,
ma fesili:
• O le a le mea o lo o taua mai e lenei mau e uiga i le galuega
faafaifeautalai?
• E mafai e le Alii ona ia tuuina mai ni faatonuga eseese e
uiga i galuega faafaifeautalai i taimi eseese? Aisea?
150
• Faitau le Galuega 10:44–48. O le a le suiga na i ai le
galuega faafaifeautalai i lea vaitaimi? (Na papatisoina
tagata o Nuu Ese)
• E faapefea i lenei suiga ona aafia ai le misiona a le Ekalesia?
Faitau faatasi ma le vasega ia le Galuega 10:1–35 ma
mata’ituina pe faapefea ona tuuina atu lenei suiga. Fesili:
• Na faapefea ona saunia e le Alii ia Konelio, o se tagata
o nuu ese, e taliaina le talalelei?
• Sa faapefea ona saunia e le Alii ia Peteru?
• O le a se aafiaga o le Ekalesia ona o le faaaliga na tuuina
atu ia Peteru?
Faamanino atu o le faaaliga lenei e mafai ona faatusatusa i le
Tautinoga Tonu 2 i le Mataupu Faavae ma Feagaiga. E pei o le
faaaliga ia Peteru i le faatonuina o tagata o le Ekalesia i na ona
po e avatu le talalelei i tagata o nuu ese, o lenei faaaliga i ona
po nei e auala mai ia Peresitene Spencer W. Kimball ua mafai
ai e le Ekalesia ona faalauteleina ia galuega faafaifeautalai ma
faamanuiaga o le malumalusa i le lalolagi atoa.
Ia faitau le saunoaga lenei a Elder Harold B. Lee
“Afai e i ai se mea e ese mai le mea ua uma ona tuuina
mai e le Alii, o le a ia tuuina atu i lana perofeta….Sa ou
fai atu, ‘Pe tou te manatu ea o le a ui mai ni faatonuga
mai le Alii i lana fanau i se auala faatamilo a o lea e i ai
lana perofeta i luga o le laueleele. O le mea lena o loo i
ai lana perofeta ma a i ai se mea e fia tuuina mai i le
Ekalesia, na te tuuina atu i Peresitene’” (“The Place of
the Living Prophet, Seer and Revelator,” lauga na tuuina
atu i faiaoga o mataupu tau le Ekalesia, 8 Iulai 1964,
i le Charge to Religious Educators, 2nd ed. [1982], 109).
Galuega 10. O le Tama Faalelagi e le o se
Atua e alofa faapito; Na te ofoina atu le
faaolataga i tagata uma. (10–15 minute)
S M T W TH F S
Fai i lau vasega e mafaufau faapea ua oo i le faai’uga o le
kuata ma o le a tuuina atu o latou togi. Fai i tagata aupito
uumi e to’alua o le vasega e tutu i luga ma ta’u atu i ai ua la
mauaina ia ni togi e aupito maualuluga.
Faatutu i luga le isi to’atolu e pito uumi ma ta’u atu i ai o latou
ua latou mauaina ia togi e pito atu i ai. Ta’u atu i le vaega
o loo totoe o le vasega ua latou mauaina ni togi feololo.
Fesili: Faamata e sa’o ma amiotonu lea ituaiga o le togiina
o pepa? Aisea? Faamanino atu, ina ia faia le mea moni ma le
sa’o o togi e tatau ona ta’uina mai le mea o loo fia mauaina ma
e tatau ona mauaina e tagata uma le avanoa e mauaina ai se togi
e sili atu. A fai e na’o e e uumi e mauaina ia togi maualuluga,
e mafai ona tatou faapea e fai mea faapito le faiaoga.
Toe iloilo faatasi ma le vasega le tala ia Konelio i le Galuega
10. Faitau e le vasega ia le Galuega 10:34–35. Fesili: O le a le
uiga o le le faailoga tagata o le Atua? Faamalamalama atu