O le a le Feagaiga Fou?

O le Talalelei e Tusa ai ma le Faamatalaga a Ioane
Na faatuina e le Alii le Tausamaaga
o le Paseka (tagai Esoto 12).
Na tuuina atu e le Atua i le
fanauga a Isaraelu le manai po
o “areto mai le lagi” (Esoto 16:4
tagai ff 3–35; Teuteronome 8:3).
Na ta’u atu e le Alii i tagata ina
ia latou faaputuina tau lava o
mea o loo latou manaomia i le
aso ina ia aua ne’i maimauina
se mea (tagai Esoto 16:16–30).
Na folafola mai e le Alii o le a
faatuina se Perofeta pei o Mose
(tagai Teuteronome 18:15–18).
Na lavea’iina e le Alii le fanauga
a Isaraelu i le vaeluaina lea o le
Sami Ulaula; sa savavali atu i
luga o le laueleele matutu (tagai
Esoto 14). O loo faamamafaina
mai i le faamatalaga le pogisa
ma le matagi (tagai ff 20–21).
Sa muimui le fanauga a
Isaraelu i le Alii (tagai Esoto
15:24; 16:8; 17:3; Numera 11:4–6).
Na molimau mai Perofeta i le
uiga ma le aoga o le Malaga
(tagai Esoto 14:31–15:21;
Numera 20:12; Teuteronome
4:33, 35; 6; 26:5–9; Isaia 51:9–16;
52:1–6; 1 Nifae 17; 2 Nifae 25:20;
tagai foi MFF 136:22).
O le taimi lea o le Paseka (tagai
Ioane 6:4).
Na fafagaina e le Alii le motu
o tagata i areto karite e lima ma
i’a e lua (tagai Ioane 6:5–14. Na
fetalai mai o Ia, “O a’u o le areto
e alu ifo mai le lagi” (f. 41; tagai
ff. 31–58).
Na ta’u atu e Iesu i le au soo e
faaputuputu toe ‘aiga ne’i i ai
se mea e maumau (tagai Ioane
6:12).
Na iloa e le motu o tagata o
Iesu o le “perofeta lea” (Ioane
6:14).
Na savalia e Iesu le Sami o
Kalilaia ma lavea’i le au soo
mai le afa (tagai Ioane 6:16–21)
O loo faamamafaina foi i lenei
faamatalaga le pogisa ma le
matagi (tagai ff. 17–18).
Sa muimui le motu o tagata i le
Alii (tagai Ioane 6:43, 61, 66).
Na ta’utino atu e Peteru o Iesu
o loo i ai “upu o ola e
faavavau” Ioane 6:68; tagai
ff. 66–69).
Fesili: E te manatu aisea ua aofia ai i le Ioane 6 le anoanoai o
mea e faatusa i mea na tutupu i le Malaga? (Atonu o le auala
lea e mafai ai ona taliaina e le au Iutaia le Savali a Iesu ma
fesoasoani latou te malamalama ai i le uiga o le latou
talafaasolopito. Vavae le vasega i ni vaega se tolu ma tuuina
atu i vaega taitasi se tasi o mau nei ma saili mea na tutupu i le
Ioane 6 e ogatasi ma le Malaga ma pe mafai faapefea foi ona
tatou faaaogaina nei mau ia i tatou lava.
• Ioane 6:1–14 (Na mulimuli le motu o tagata ia Iesu i se
nofoaga tuufua ma na Ia fafaga ia i latou i se auala
faavavega. Pe a tatou mulimuli i le Faaola ma Ana
perofeta, ona tatou maua ai lea o meaai faaleagaga.)
• Ioane 6:15–21 (Na savali le Faaola i luga o le sami e lavea’i
Ona soo. A lutia i tatou i puapuaga, e na o Iesu Keriso e puna
mai ai le filemu. E fesoasoani o Ia i la tatou malaga i le nuu
folafolaina e faavavau.
• Ioane 6:22–71 (O le aoaoga a Keriso i le areto o le ola na
iloa ai le uiga o mea na tutupu. O upu a Keriso e taitaiina
ai i tatou ma fesoasoani tatou te malamalama ai i le uiga
o le olaga faaletino.)
Ia tofu faamatala mai e vaega taitasi i le vasega mea na
latou mauaina.
Ia faitau leotele e se tagata le 2 Nifae 11:4 ma le Mose 6:63.
E tusa ai ma nei fuaiupu, o a mea e molimau ia Keriso?
Talanoaina pe faapefea ona feãiãa’i nei fuaiupu ma le faiga
120
o le Malaga o loo i le Ioane 6. Ia faamalosiau i le vasega ina ia
latou iloaina le ituaiga ma ataata e molimau atu mo Iesu
Keriso a o latou a’oa’o i mau.
Iane 6:5–14 (tagai foi Mataio 14:14–21; Mareko
6:34–44; Luka 9:11–17). Na auauna atu Iesu
Keriso ona o Lona alofa i le Tama Faalelagi ma
tagata uma. E mama o tatou faamoemoega pe
a avea lo tatou alolofa i le Atua ma o tatou uso
a tagata ma faatosinaga tatou te tausia ai
tulafono. (15–20 minute)
Faamatala le tulaga faatusa lenei e aoao ai: Na tuai ona ala ia
Mele i se tasi taeao ma sa tatope le faiga o ona ofu mo le aoga.
Sa le’i teuina lona moega ma o lona potu na pei na agi ai se
asiosio. Ina ua foi mai o ia i le fale i le afiafi, sa ia vaaia ua
uma ona teu lona moega ma ua mama foi lona potu. I luga
o lona moega o loo taatia ai se tusi: “Le pele o Mele, Na e fo’i
mai i lau tafaoga anapo ua leva le po ma ua ou iloa ua e matua
vaivai lava. Ua uma ona ou faamamaina lou potu ma teu lou
moega. Ou te faamoemoe sa manuia lenei aso mo oe. Alofa,
O lou Tina.” Fesili:
• O le a se lagona e oo ia te oe pe ana fai o oe o Mele?
• Aisea e fai ai e se tina se mea faapea?
• Tusi le upu Faaosofia i luga o le laupapa ma fai i le vasega
e ta’u mai po o le a le uiga o lenei upu. Fesili:
• O a ni pogai e ala ai ona fai e tagata mea ua latou faia.?
• Faitau le Ioane 6:5–14. O le a sou manatu o le a le mea na
fafaga faavavega ai e Iesu tagata e lima afe?
• Faitau le Ioane 6:22–26. E tusa ai ma upu a Iesu, o le a le
mea na su’eina ai e tagata ia Iesu? (Talanoaina le eseesega
o faamoemoega o Iesu mai le motu o tagata)
• Faitau le Ioane 6:38. E tusa ai ma le fuaiupu lenei, o le
a le mea na faaosofia ai Iesu?
Faamatala i le vasega na faaosofia Iesu Keriso ona o Lona alofa
i le Tama Faalelagi faapea foi Ona uso ma tuafafine agaga, a o le
motu o tagata na faaosofia i latou i o latou mana’o i nisi meaai
ma vaai i faailoga. Faamalamalama, e masani ona faaosofia
tagata i mea eseese. Mo se faataitaiga, o le toatele o i tatou,
tatou te o i le lotu, ae atonu e eseese foi mafuaaga e ala ai.
Fesili: O le a sou manatu, o a ni mafuaaga e ala ai ona o tagata
i le lotu? Tusi tali i le laupapa ma faavasegaina i mafuaaga
faamoemoega latou te iloa e mama.
Fesili i le vasega pe o faamoemoega latou te faia ai mea lelei
e ese mai i faamoemoega o Keriso. Fesili:
• O a mea e mafai ona tatou faia e faaleleia ai o tatou
faamoemoega?
• O a ni faamanuiaga e maua e se tasi e mama ona
faamoemoega?
• Molimau atu o le mama o o tatou faamoemoega, o le tele
foi lea o lo tatou mulimuli ma avea atili e faapei o Keriso.