O le a le Feagaiga Fou?

O le Faaaliga a Ioane lå Paia
Faitau le Faaaliga 12:7–9 ma fesili: O a ia taua o lo o faasino
tonu i ai ia nei fuaiupu? (Le Taua i le Lagi.) Ta’u atu i tagata o le
vasega o latou fo’i sa aafia ai i lena taua a o avea ma fanau
agaga a le Atua i le muai olaga. Valaaulia i latou e faitau le
Faaaliga 12:11, ma fesili: O le a le mea na mafai ai ona
manumalo i latou sa i le itu a le Atua i le taua? Tusi a latou
tali i le laupapa ma talanoaina. O ni tali talafeagai e aofia ai:
• Lo tatou faatuatua i le Togiola a Iesu Keriso (“o le toto
o le Tamai Mamoe”).
• Lo tatou naunautai e tautino atu o tatou talitonuga
(“ma le upu a la latou mau”).
• Lo tatou naunautai e ola i o tatou ola faaletino ma o nisi
taimi e tatau ai ona tuuina atu o tatou ola mo le amiotonu
(“ua latou le faapelepeleina fo’i lo latou ola ua oo i le oti’).
• Tau atu i le vasega, o le feeseeseaiga na amata i le Taua i le
Lagi ma na oo atu ai i le sauaina o le Ekalesia i aso anamua,
o lo o faaauau pea i ona po nei. Faitau le Mataupu Faavae
ma Feagaiga 76:28–29 ma fesili:
• E mafai faapefea i mataupu faavae na fesoasoani ia i tatou
i le Taua i le Lagi ona fesoasoani ia i tatou i ona po nei?
• O le a se mea e mafai ona tatou faia ia malolosi atili ai
a tatou molimau ia Iesu Keriso?
Ina ia fesoasoani i tagata o le vasega ia malamalama i le auala
e faamalolosia ai a tatou molimau ma faato’ilaloina Satani,
faitau ma talanoaina le faamatalaga lenei a Elder Rbert D. Hales:
“O Molimau e masani ona oo mai pe a i ai le naunautai
e auauna i soo se mea e valaauina ai i tatou. E oo mai
pe a faia se faaiuga e taumafai e usitai. O Molimau
e mauaina a o taumafai e fesoasoani, sii i luga ma
faamalosia ia isi. E mauaina i le tatalo ma le aoaoina
o tusitusiga paia ma le faatinoina io tatou olaga. Po o le
a lava ia le tulaga ua tatou i ai, e foliga mai e i ai lava
vaitaimi i o tatou olaga o le a mafai ai ona tatou
mauaina ia le malamalamaaga o loo soifua le Atua ma
o Iesu o le Keriso. E leai lava se isi sailiga e sili atu i le
olaga ona tatou faia nai lo le naunau ia mauaina se
molimau i le mea moni” (Liahona, Ianuari 1995, 22).
Faaaliga 13. O lo o ia Satani fo’i le malosi
e taufaasese ai ia tagata e ala i vavega ma
faailoga. (20–25 minute)
Fesili i tagata o le vasega:
• Mai le fanau uma a le Atua, mata o ai e ono i ai le naunauga
sili e faafoliga mai e amiotonu ae o loo aoaoina atu mea sese?
• Aisea e manao ai ia Satani e taitai sese i tatou?
Faitau le faamatalaga lenei pe tusi i luga o le laupapa
264
“E uiga i le malo o le Atua, o le tiapolo e masani ona
faatuina lona malo i le taimi lava e tasi ia tuu faafeagai
ma le malo o le Atua” (Teachings of the Prophet Joseph
Smith, 365).
Faamatala i le vasega o le misiona a Satani o le faaleagaina lea
o le galuega a le Atua e ala i lona taitai eseina lea o Lana fanau
mai le mea moni. O le aoaoina o le faaaliga a Ioane o le a mafai
ai ona tatou iloaina pe mafai faapefea ona galue Satani ina ia
mafai ona tatou teena ana taufaasese. Faitau Faaaliga 13:1–4, ma
tuuina atu ia le faamatalaga lenei a Elder Bruce R. McConkie:
“O lo o vaaia e Ioane i i ia se manu i le lagi, o lo
o i foliga o malo o le laueleele” (FIS, Faaaliga 13:1], 2
o lona uiga o le manu o lo o faaaoga e avea ma faailoga
o ni malo e le iloa o latou igoa i le laueleele ma faaali
atu ai a latou gaoioiga e faasaga i le Au Paia ma le mau
a le amiotonu: (Doctrinal New Testament Commentary,
3:520)
Fesili:
• O le a le mea e faasino tonu i ai le manu feai i le Faaaliga 13:1?
• O ai e maua mai ai e nei malo ia le latou malosi ma le pule?
(O le Tarako, po o Satani; tagai Faaaliga 12:9).
• Aisea e tapua’i ai tagata i le Tarako ma le manu feai?
Faamalamalama atu o le manu feai o le a i ai lona malosi
i le lalolagi. Faitau le Faaaliga 13:7– 8).
• E tusa ai ma nei fuaiupu, o ai o le a faato’ilaloina e le
manu feai?
• O ai i latou o le a le tapua’i i le manu feai?
• O le a le uiga o le tusia o lou igoa i le tusi o le ola a le
Tamai Mamoe? E faapefea ona tusia ai lou igoa iina?
(tagai Alema 5:57–58).
Ina iloa pe aisea ua pulea ai e Satani le tele o tagata i le
fogaeleele, faitau leotele le Faaaliga 13:11–18, ma talanoaina
faatasi ma le vasega fesili nei:
• I le fuaiupu e 11, mata o le a sa tatou faaiuga e uiga i le tasi
manu feai “ua i ai ona nifo e pei onifo o se tamai mamoe”
ae “ua tautala ia pei o se tarako”? (E lå o le tulaga lea na
foliga mai i ai.)
• O a ni auala o lo o faataitai ai e le manu feai le mana
o le Atua?
• O le a se aafiaga o tagata o lo o nonofo i le laueleele
e ala mai i vavega?
• I le fuaiupu 14, o le a le mea e faasino tonu i ai ia le faia
o se faatusa o manu feai muamua. (Tapua’i i le manu feai.)
• O le a le mea na manaomia ina ia “faatau mai pe faatau atu
” i malo o le manu feai.