O le a le Feagaiga Fou?

O le Talalelei e Tusa ma le Faamatalaga a Luka
ma tuuina mai ai ni molimau a nisi o e na molimauina le Alii
toetu. O loo latou tuuina mai ai se vaaiga o le olioli e oo mai
ia i latou o e malamalama i le mamalu o le savali o le Toetu.
Suesue ma le agaga tatalo le Luka 22–24 ma mafaufau
i mataupu faavae nei ae le’i saunia au lesona.
O Nisi Mataupu
Faavae Taua o le Talalelei e Saili Iai
• Tatou te aai i le faamanatuga ina ia manatua ai le tino ma
le toto o Iesu Keriso, lea na Ia taulagaina mo i tatou, ma ia
molimau atu ai ia te Ia o le a tatou tausia Ana poloaiga (tagai
Luka 22:17–20; tagai foi 3 Nifae 18:1–12; MFF 20:77, 79).
• A o tatou liliu mai ia Keriso, e tatau ona tatou faamalosi atu
i isi (tagai Luka 22:32; tagai foi Mosaea 27:32–37; MFF 81:5).
• E ui lava na teenaina e Peteru lona iloaina o le Faaola, ae na
te le’i teenaina ai Lona paia. Na faia e Peteru se faataitaiga
mo i tatou e ala lea i le salamo, ma avea ma se tagata ua
matuai malosi i le faaleagaga, ma faamanuiaina le tele
o olaga o le tele o tagata (tagai Luka 22:34, 54–62; tagai foi
Galuega 4:1–33).
• Na gauai atu Iesu i le finagalo o le Tama Faalelagi. Na Ia
naunau lava e puapuagatia i tiga, mafatiaga, ma le oti ina
ia faataunuu ai Lana matafaioi i le ata o le faaolataga (tagai
Luka 22:39– 44, 63–71; 23:13–24, 33–46).
• E fesootai mai le Alii i Ana fanau i le tele o auala eseese, e
aofia ai foliga vaaia o le tagata (tagai Luka 24:13–16, 33–52),
asiasiga a agelu (tagai f. 23), o se lagona e pei e mu i totonu
o o tatou loto (tagai f. 32), malamalama ma le olioli (tagai f.
32, 41), o tusitusiga paia (tagai f. 32, 44–45), ma lagona o le
filemu (tagai f. 36; tagai foi MFF 6:23).
• O Iesu Keriso o le uluai tagata lea ua toetu (tagai Luka 24).
Risosi Faaopoopo
• “O le Vaiaso Mulimuli o le Soifuaga o le Faaola,” 283.
Fautuaga mo le Aoao Atu
Filifili mai manatu nei, pe faaaoga ni ou lava manatu,
a o e saunia au lesona mo le Luka 22–24.
Ata Vitio o le Feagaiga Fou ata lona 8, “O le
Faamanatuga” (11:32), e mafai ona faaaogaina e aoao
atu ai le Luka 22:1–20 (tagai Vitio Taiala o le Feagaiga Fou mo
fautuaga e aoao atu ai).
Luka 22:1–30, 39–53 (tagai foi Mataio 26:1–5,
14–54; Mareko 14:1–2, 10–49; Ioane 13:2, 18–30;
18:2–11). Na saili e Iuta se avanoa e faalata ai
Iesu. (15–20 minute)
Tusi le upu faalata i luga o le laupapa ma fesili atu:
• O le a sou manatu o le a le uiga o lenei upu?
106
• O a nisi o upu e tutusa ma lenei upu? (Taufaasese, faa’ole’ole,
taufaalata, maileia, faatau atu, solaese, faagutugutulua,
solia le faatuatua.)
• Pe na faalataina ea oe? Afai na faalataina oe, o le a sou
lagona na i ai?
• Na faapefea ona aafia ai oe i lagona, mafaufau,
ma le faaleagaga?
• Aisea e faalata ai e nisi tagata ia isi tagata?
Tuu ni tupe siliva se tolusefulu i totonu o se taga. Ona tuu au lea
o le taga i se tamaitiiti o le vasega ma fai atu ia te ia e faitau le
Luka 22:1–3. Ona fai atu lea i le tamaitiiti o le vasega tuu atu le
taga i le isi, ona tuu atu lea i le tamaitiiti lona lua o le vasega e
faitauina ia fuaiupu e 4–6. Ia faaauau ai pea le faiga o lenei mea
seia uma lelei ona faitauina e le vasega le Luka 22:1–30, 39– 53.
Ia talanoaina le tala a o latou faitau, e faaaoga i ai ia fesili
e pei o nei:
• O ai na faalataina Iesu?
• O le a le mea a le taga siliva e tolusefulu e fai i le tala?
(tagai Mataio 26:15).
• O le a le mea na faia e le Faaola i lenei taimi o le faalataina
sa sili ona faagaeetia ai oe?
• Na faapefea ona faaalia i Ana mea na fai Lona alofa i Ona
fili faapea ma Iuta?
• E mafai faapefea e Lana faataitaiga ona fesoasoani i taimi
pe a faatiga pe faalata mai isi ia te oe?
I la outou talanoaga, ia faaaoga soo se faamalamalamaga lenei
e te iloaina e aoga tele:
• Na tusia e Elder Bruce R. McConkie e faapea:
“O Iuta lava na taulamua. Sa latou fono ma faitaulaga
sili; na ia filifili e faalata lona Alii; na ia talosaga mo le
tupe. O se faiga ua faia ma le loto i ai ma le naunautai”
(Doctrinal New Testament Commentary, 1:702).
• E pei ona valoia e Sakaria, e faalataina e Iuta le Faaola mo
tupe siliva e tolusefulu (tagai Sakaria 11:12; Mataio 26:15).
O lenei aofaiga sa iloaina o le tau lea o se pologa i le
tulafono a Mose (tagai Esoto 21:32) ma faaalia ai le maualalo
tele o le manatu o Iuta ma faitaulaga sili sa i ai mo Iesu.
• O le tala a Luka e faitauina, “Ona ulutino ai lea o Satani ia
Iuta” (Luka 22:3). Na tusia e Elder Bruce R. McConkie:
“E le mafai e Satani ona i ai se mana i agaga o tagata
seiloga lava ua latou tuuina atu ia te ia. E faato÷a gauai
atu lava tagata ia te ia pe a latou faalogo atu i ana
faaosoosoga. I nisi upu, o Iuta o se tagata agasala leaga
ona o lona lava amioleaga, aua ua sili ia te ia ona ola
i manatu o le lalolagi, aua sa ‘sili lona alofa ia Satani
nai lo le Atua.’ Na matuai le ‘mafaufau, faasoesa, ma
faatiapoloa e ala i lana filifiliga [tagai Mose 5:12–13]”
(Mortal Messiah, 4:15).