O le a le Feagaiga Fou?

Fesili:
• Pe ua faataunuuina uma ea faailoga o le toe afio mai o le
Alii?
• O le a le fautuaga a Elder Maxwell i le mea e tatau ona
tatou faia?
Molimau atu ua auina mai perofeta soifua, tagatavaai, ma tali
faaaliga e fesoasoani i le sauniuniga o i tatou mo “lena aso o
le Alii.” Ia tuuina atu le molimau lenei a Peresitene Polika Iaga:
“Ua e saunia ea mo le aso o le faasalaga o le a oo mai,
o le a susunuina ai e le Alii o e amioleaga ma faaumatia
i le faaali mai o lana afio? Leai. Ia aua la e te naunau i le
vave faataunuuina e le Alii o lana galuega. Ia tulimatai
atu lo tatou faanaunauga i le mea lenei e tasi, o le
faapaiaina o o tatou loto, ia mama lo tatou alofa, o le
sauniunia o i tatou mo le oo mai o mea o le a tutupu
ua vave ona oo mai ia i tatou. O le mea lena e tatau ona
tatou popole i ai, e tatau ona tatou aoao i ai, ma e tatau
ona avea ma a tatou tatalo i aso uma….Saili i le
mauaina o le Agaga o Keriso, ina ia tatou faatalitali
ma le onosa’i i le taimi o le Alii, ma saunia i tatou mo
taimi o le a oo mai. O lo tatou tiute lea” (in Journal of
Discourses, 9:3).
Ia uuna’ia le vasega e mulimuli i le fautuaga a Polika Iaga.
2 Tesalonia 2:1–3 (Mau Tauloto). Na valoia
e Paulo o le a i ai se liliuese ae le’i oo i le
Toe Afio Mai o Iesu Keriso. (10–15 minute)
Valaauina se toalua mai le vasega e avea ma ni faifeautalai.
Avane se i si e avea ma tagata su’esu’e. Atonu o le a e mana’o
e fai se faataitaiga puupuu ae le’i amataina le vasega po o le
tuuina atu i ai o ni faatonuga i ni fasi pepa pe a amata le
vasega. Ia faamatala e faifeautalai ia le auala na toefuataiina
ai le Ekalesia moni i luga o le fogaeleele. Ia fesili le tagata
suesue: “Afai sa i ai le Ekalesia a Keriso i luga o le fogaeleele
mai le taimi na Ia faatuina ai, aisea ua tatau ai ona toe i ai
se Toefuataiina?”
Fesili i le vasega po o a ni a latou tali i lea fesili. Fesili: I lou
lava manatu, faamata e faafia ona fesiligia ia faifeautalai i lenei
fesili? Ta’u atu i le vasega o le malamalamaaga i mataupu
faavae o le Liliuese ma le Toefuataiina e taua i le talaiga.
219
Faitau e le vasega le 2 Tesalonia 2:1–3, Fesili:
• O le a “le aso o Keriso”?
• O le a le mea o le a tupu ae le’i oo i lea aso?
2 Tesalonia 1–3
Faamalamalama o le pauu ese e tutusa ma le Liliuese Tele.
Faitau le faaliliuga a Iosefa Samita o le 2 Tesalonia 2:7–9 ma
mata’ituina po o le a le mea na mafua ai le Liliuese. Fesili:
• Atonu o a ia “faailoga ma vavega pepelo” a Satani?
• E le gata i le Liliuese Tele (le pauu ese o le Ekalesia),
o le a se isi ituaiga liliuese o loo i ai?
• Afai e mafai ona pauu ese fo’i ia tagata taitoatasi, o a ituaiga
“faailoga ma vavega pepelo” e faaaogaina e Satani
e faaseseina ai i latou?
• E faapefea ona tatou alo ese mai i faailoga ma vavega
pepelo a Satani?
• Aisea ua manaomia ai e Satani ia le uuna’ia o tatou ina
ia tatou pauu ese?
Faitau e le vasega le 2 Tesalonia 3:1–7 ma mata’ituina mea
e mafai ona tatou faia e alo ese mai ai i le liliuese taitoatasi.
Molimau atu i le moni o le mea faatoa uma ona aoaoina.
Faai’u i le faitauina o le faamatalaga lenei a Peresitene
Harold B. Lee:
“O lenei, na pau lava le saogalemu tatou te maua o le
avea ma tagata o le Ekalesia, o le faia tonu lea o le
mea na fai mai ai le Alii i le Ekalesia i lena aso ina ua
faatuina le Ekalesia. Ua tatau ona tatou aoao i le
usiusita’i i upu ma tulafono o le a tuuina mai e le Alii
e ala mai i Ana perofeta….Atonu o le a e le fiafia i
mea o loo tuuina mai e taitai o le Ekalesia. E mafai
ona le gatusa ma ou manatu faapolokiki. Atonu foi e
feteenai ma ou manatu faalesoifuaga. Atonu o le a
avea ma pa puipui i lou olaga faalelalolagi. Ae a e
faalogo i nei mea e pei o la e aumai tonu i le fofoga o
le Alii lava ia….’o le a le mafai e faitoto’a o seoli ona
manumalo ia te oe….’” (Lipoti Konafesi, Oke. 1970,
152; tagai foi MFF 21:4–6).