O le a le Feagaiga Fou?

FAAOPOOPOGA
O le Fuafuaga Sili o le Fiafia
Foafoaga Faaletino
O le foafoaga faaletino o le lagi, le lalolagi, ma mea uma lava
o i ai o se isi lea laasaga taua i le fesoasoani ai ia i tatou ia
avea faapei o lo tatou Tama oi le Lagi (tagai Mose 1:33–39;
Aperaamo 3:24–26). Ina ua foafoaina e le Atua le lalolagi
“na. . .vaai atu i mea uma. . .ua lelei” (Mose 2:31)ma o se
nofoaga o le matagofie ma le faatamaoaigaina (tagai Kenese
1–2; Mose 2; 3:7–25; Aperaamo 4–5; tagai foi MFF 59:16–20).
Na aoao mai Peresitene Packer: “Ona faatulagaina lea o se
lalolagi (tagai Aperaamo 5:4). O Atamu ma Eva, i se tulaga
faaparataiso, o i laua o le uluai tane ma le fafine (tagai Mose
1:34; 3:7; 4:26; 6:3–10, 22, 59). Na faaipoipoina i laua e faavavau
ma tuuina i ai poloaiga (tagai Mose 3:23–25). Na i ai i laua i se
tulaga mama ma na la le iloaina le agasala (tagai 2 Nifae 2:23)“
(The Play and the Plan, 3).
O le Pau ma le Olaga Faitino
O le Pau o Atamu ma Eva o le laasaga lea na sosoo ai sa i ai
i le fuafuaga o le fiafia. Na aumaia e le Pau tulaga o le olaga
faitino, e aofia ai le oti faaleagaga ma le oti faaletino (tagai
2 Nifae 2:19–25; Alema 42:1–10). O le olaga faitino i le lalolagi
e taua lea i le avea ai ma Atua. E maua ai e i tatou le avanoa
ina ia mauaina ai se tino faaletino ma mafai ai ona faaauauina
ai pea ona tuputupu ma aoao e ala i le i ai o le filifiliga saoloto
e filifili ia mulimuli ai i apoapoaiga a le Atua poo faatosinaga
a Satani (tagai Alema 42:1–12; MFF 29:36–43; Mose 5:9–12).
O filifiliga ia tatou te fiafia o loo “faataitai” ai i tatou lava
(tagai Aperaamo 3:25).
I le faatatau atu i lana faataitaiga o le fuafua i se tala faatino e
tolu ni vaega (tagai i. 273), na tuuina mai ai e Peresitene
Packer le apoapoaiga lenei e uiga i lo tatou tulaga faitino:
“I le avea ai ma vaega o le fuafuaga e faavavau, o le
manatuaina o lo tatou muai olaga, i le vaega 1, ua ufitiaina
i se veli. Ona ua tatou ulu atu i le olaga faitino i le amataga
o le vaega 2 e aunoa ma le manatuaina o le vaega 1, o lea ua
faigata ai ona malamalama i le mea o loo tupu.
“O lena le manatua ua tuuina mai ai ia i tatou se amataga
mama. Ua talafeagai ai mo le suesueina; e puipuiina ai
taitoatasi la tatou filifiliga saoloto ma tuusaoloto ai i tatou ina
ia faia filifiliga. E tele filifiliga e ao ina faia e ala i le faatuatua
lava ia. Ae ui i lea, o loo tatou tauaveina ma i tatou sina
malamalamaaga o loo musumusu mai o lo tatou muai olaga
ma lo tatou tulaga o ni fanau a ni matua i la le agaga.
“Na fanauina outou i le mama, ona ‘o agaga uma o tagata sa
mama i le amataga’ (MFF 93:38), ma o loo i ai i totonu ia te
outou se iloaina o le lelei ma le leaga, ona o loo ta’uina mai
e mau ia i tatou i le Tusi a Mamona e faapea ‘ua lava le
aoaoina o [i tatou], ua [tatou] iloa ai le lelei ma le leaga’
(2 Nifae 2:5). ...
Pe afai e te faamoemoe e na o le faigofie ma le filemu ma le
olioli atoatoa e te mauaina i le taimi o le vaega 2, o le mea
276
moni o le a e faanoanoa. O le a itiiti lou malamalamaaga i le
mea o loo tupu ma pe aisea foi ua faatagaina ai mea e tutupu
e pei ona i ai.
“Ia manatua le mea lenei! E le i tusiaina lava i le vaega 2 e
faapea ‘Ona nonofo fiafia ai lea o i latou uma’. O lena fasi
fuaitau e talafeagai lea ma le vaega lona tolu, ina ua faaalia
mea lilo ma tuu sa’oina mea uma. ...
“Seiloga ua i ai sou malamalamaaga tele i le tulaga e faavavau
o lenei tala faatino, o le a e le iloaina le uiga o mea faale lelei i le
olaga. O nisi e fananau mai ma sina mea itiiti ae o nisi o ni
mea e tele. O nisi e fananau mai ma le mativa, ma le le atoatoa
o le tino, ma le tina, faapea faigata. O nisi e oo vave i ai le oti,
e oo lava i fanau iti e mama. O loo i ai matãsele malolosi ma
le le matineia o le olaga ma le agaleaga o tagata i tagata. E le
i leva ona tatou vaaia le anoanoai o lena mea.
“Aua le faapea ua faatagaina e le Atua na mea e tutupu mo
ana lava faamoemoega. Pe a e iloaina le fuafuaga poo le ata
ma lona faamoemoega atoa, e oo lava i nei mea o le a faaalia
ai se Tama o i le Lagi alofa.
“O loo i ai i iina ni tusitusiga mo lenei tala faatino sili, o le tala
faatino o augatupulaga uma. ...
“O na tusitusiga, ua tatau ona e silafiaina, o tusitusiga paia—
o Faaaliga. Faitau i ai. Suesue i ai. ...
“E tautala mai tusitusiga paia i mea moni. E te aoaoina mai ai
mea ua lava e uiga i vaega uma e tolu e tapu’eina ai oe ma
tapasaina ai lou olaga. O loo faaalia mai ai foi ‘sa i ai foi outou
i le amataga faatasi ma le Tama, o le Agaga la lea, o le Agaga
lava o le upu moni;
“O le upu moni o le malamalama foi lea o mea e pei ona i ai
nei, e pei ona sa i ai, ma e pei ona o le a oo mai’ (MFF93:23–24).
“Vaega 1, vaega 2, ma le vaega 3“ (The Play and the Plan, 2).
O le Misiona a le Ekalesia ma
Mataupu Faavae ma Sauniga o le Talalelei
O le Pau o Atamu ma Eva e le o se mea sese pe o se mea na
te’i lava ua tupu. Pe ana le filifili i laua e faitino, e le maua
e i laua poo le fanau uma a le Tama Faalelagi le alualu i luma
e avea ai faapei o le Atua (tagai 2 Nifae 2:22–25). O le Pau o se
vaega talafeagai lea o le fuafuaga, ae peitai e i ai nisi o taunuuga
le lelei e tatau ona faaolaina mai ai i tatou.
O le talalelei a Iesu Keriso ua saunia le ala mo tagata uma ina
ia faaolaina ai i le afioaga o le Atua ma avea faapei o Ia pe
afai latou te ola ai (tagai 2 Nifae 31:10–21; Mosaea 3:19; Alema
7:14–16; 3 Nifae 27:13–22; Mose 5:9; Mataupu Faavae o le
Faatuatua 1:4). Pe afai tatou te tetee e mulimuli i le fuafuaga
ma le taliaina le Togisala a Iesu Keriso, e le mafai ona faaolaina
i tatou mai a tatou agasala ma faaatoatoaina i tatou (tagai
Mosaea 2:36–39; 4:1–12; Alema 11:40–41; MFF 29:43–44).
I tisipenisione taitasi, na auina mai ai perofeta e aoao le talalelei
i fanau a le Atua i le lalolagi. Ua faatuina le Ekalesia a Iesu