O le a le Feagaiga Fou?

O Galuega a le Au Aposetolo
Faitau e se tagata o le vasega le saunoaga lenei a Elder
Dalin H. Oaks:
“Faatasi ai ma le tele o isi Kerisiano, tatou te talitonu
i le Aigaatua o le Tama, le Alo ma le Agaga Paia. Ae
peita’i tatou te molimau atu o nei tagata e to’atolu o le
Aigaatua o ni tagata mavaevae se to’atolu. Tatou te
molimau atu fo’i o le Atua le Tama e le o se agaga ae
o ia o se tagata ua faapaiaina e i ai sona tino, e pei
o lona Alo toetu o Iesu Keriso” Liahona, Iulai 1995, 84).
Faatomuaga
Galuega 8–9
I le Galuega 8–9 ua tatou iloa ai le amataga o le misiona a
Ekalesia Kerisiano anamua. I tua atu o le taimi lea sa tala’ia
ai le talalelei e faifeau i le tagata Iutaia i Ierusalema ma Iutaia.
O Filipo o se tasi o alii na filifilia e fesoasoani i Aposetolo sa
tala’i i tagata e le o ni Isaraelu moni i Samaria ma Kasa (tagai
i le Taiala i Tusitusiga Paia faafanua 4). A o e aoaoina le
mataupu e 8, saili ia uluai mataupu faavae ma sauniga
o le talalelei sa aoaoina ma faaaogaina.
O mataupu fo’i nei o loo faamatala mai ai ia le liliu o Saulo, o se
tasi o misionare ta’utaua ua soifua mai. O Saulo o le na fai e le
Alii e “tauaveina lo’u igoa i Nuuese, ma tupu ma le fanauga
a Isaraelu” (Galuega 9:15), o le tagata lava e tasi lea na toe
faaigoaina o Paulo o le na tusia le tele o tusi i le Feagaiga Fou.
Ia mata’ituina lona suiga e uiga i le sauaina o le Au Paia ina
ua liua o ia, ma lona malosi i le folafolaina atu o le talalelei
a Iesu Keriso.
Suesue ma le agaga tatalo le Galuega 8–9 ma manatunatu
i mataupu faavae nei a e le’i saunia au lesona.
O Nisi Mataupu
Faavae Taua o le Talalelei e Saili Iai
• E faatagaina e le Alii ia Ona tagata ina ia tofotofoina mo le
faataunuuina o Ana fuafuaga (tagai Galuega 8:1–4)
• E faatonutonuina e le Alii ia galuega a le Ekalesia (tagai
Galuega 8:5–40)
• O loo i ai ni galuega mo i tatou taitoatasi mai le Atua mo
Lona malo (tagai Galuega 9:1–22).
• O le mulimuli ia Keriso e mana’omia ai le faia o taulaga
(tagai Galuega 9–16; 2 Korinito 11:23–33).
• O Alii e umia ma le agavaa le perisitua a le Atua
e vaeluaina i ai le mana o Iesu Keriso (tagai
Galuega 9:32–43).
148
Fautuaga mo le Aoao Atu
Filifili mai i aitia nei, pe faaaogaina ni au lava, a o e saunia
lesona mo le Galuega 8–9.
Galuega 8:1–4. E faatagaina e le Alii le
tofotofoina o Ona tagata e faataunuu ai Ona
faamoemoega. (30–35 minute)
Tago e fusi se tasi o ou lima ona e sau lea i le vasega. Fesili i le
vasega e mafaufau i ni mafatiaga ua aafia ai i se manu’a tiga ma
ua le mafai ai ona faaaogaina lona lima mo ni vaiaso. Fesili:
• O a ni mafatiaga matuia o le a oo i ai ona o lenei manu’a?
• O le a se mea lelei o le a maua mai ai? (O ni tali talafeagai ai,
o le aoaoina lea e tusitusi i le isi lima, mauaina lea o se
lagona mo i latou o e o loo mafatia i le tino, o le feiloai atu lea
i se foma’i poo se tausima’i e fia malamalama i le talalelei.)
Faitau e se tagata o le vasega ia le Galuega e 8:1–4 ma
mata’ituina ia tofotofoga na faafeagai ma tagata o le Ekalesia.
Fesili: O le a se lelei na oo i ai ona o nei tulaga faigata?
(O i latou na faataapeapeina i nuu mamao na latou talalaiina
le talalelei i nuu na oo atu i ai.)
Faamalamalama atu o Filipo o se tasi na talaiina le talalelei ina
ua faataapeapeina i latou mai i Ierusalema. Faitau faatopetope
e le vasega le Galuega e 8:5–13, 26–40 ma sailia ni faailoga i le
alualu i luma o le galuega a Filipo. Faitau le Galuega 1:8 ma
fesili: E faapefea i lenei faataapeapega ona faataunuuina e le
Ekalesia ia le tulafono na tuuina mai e le Alii toetu?
Faamatala atu ni tofotofoga po o ni mea faigata na tupu ia te
oe ae faaiu ane ua avea ma faamanuiaga. (Pe faaaogaina se
faataitaiga mai tusitusiga paia e pei o Nifae ma lana ã° lea na
gau le 1 Nifae 16:18–32.) Uuna’ia le vasega ina ia aua le loto
vaivai pe a tutupu ni mea leaga ia i latou ae mata’ituina mea
lelei e mafai ona maua mai i ia mea na tutupu. Fesili pe i ai
nisi o le vasega e i ai ni mea faapea na tutupu ia i latou ma
faamatala i le vasega.
Galuega 9:1–22. E tofu tatou taitoatasi ma
galuega na tuuina mai e le Alii tatou te galulue
ai i Lona malo. (20–25 minute)
Ta’u atu i le vasega e manatunatu mo ni nai minute faapea o le
a sau se tagata i le vasega, ma na te mafai ona tali soo se fesili
lava e uiga i le Ekalesia, peitai, e na o le lua lava fesili e mafai
ona latou fesili ai. Talanoa pe o a fesili o le a latou fesili ai.
Faitau e le vasega le Galuega 9:1–6 ma sailia ia fesili na fesili
atu ai Saulo i le Alii ina ua faaali atu le Alii ia te ia.
• O le a le taua tele o fesili a Paulo ia te ia lava?
• O le a le taua tele o nei fesili mo i tatou?
Faamanino atu e tatau ona tofu maua e i tatou taitoatasi se
molimau ia Iesu Keriso mo i tatou lava. E tusa ai ma le fesili
lona lua a Paulo, faitau le saunoaga lenei a Peresitene Ezra
Taft Benson, a o avea o ia ma Peresitene o le Korama a le Au
Aposetolo e Toasefululua: