O le a le Feagaiga Fou?

• E mafai ona tatou iloatinoina le amiotonu mai le amioleaga
e ala i a latou mea e fai. E na o i latou e amiotonu o latou
faamoemoega ma mea e fai o le a “sao atu i le malo o le
lagi” (tagai Mataio 7:15–27; tagai foi Moronae 7:5–6).
Fautuaga mo le Aoao Atu
Filifili mai manatu nei, pe faaaoga foi ni ou lava manatu,
a o e saunia ia lesona mo le Mataio 5– 7.
Mataio 5–7 (tagai foi Luka 6:17–49). O se
faatomuaga i le Lauga i luga o le Mauga.
(3–5 minute)
Fesili atu i tamaiti o le vasega:
• O le a le taimi mulimuli na e auai atu ai i se faeasaite
i le Aso Sa?
• Afai ua e iloaina o Iesu o le a avea ma failauga i le isi
faeasaite, e te alu i ai iina?
Ia faamalamalama atu o le Mataio 5–7 o se lauga na tuuina
mai e le Alii, ma e talu ai tatou le’i iai iina e faalogo atu ai i le
Faaola, o lea e mafai ai ona tatou faitau ma suesue i mea na Ia
aoaoina mai. Ina ia faamamafaina le taua o nei mataupu, ia
fetufaai atu upusii nei mai ia Iosefa Filitia Samita ma Ezra Taft
Benson o loo i totonu o le faatomuaga i lenei poloka o mau.
Mataio 5:1–12 (tagai foi Luka 6:20–26). O le
Lauga Faaamuia o ni taiala ia e fesoasoani
ai ia i tatou ia avea atili faapei o le Faaola.
(15–20 minute)
Ia auauai taitoatasi ona uu atu i luga ni mekasini eseese se
tolu pe fa po o ni ata o nusipepa o ni tagata e leiloa. A o e
uuina atu i luga ia ata taitasi, ia fesili atu i tamaiti o le vasega
pe latou te manatu e amiotonu pe amioleaga le tagata o loo
e uuina lona ata.
• Pe mafai ona tatou ta’uina ni tagata amiotonu mai
o latou foliga?
• E mafai faapefea ona tatou iloa pe amiotonu pe
amioleaga se tasi?
• O le fea e sili ona taua, o totonu po o le matagofie o fafo?
Talu ai ona e mafai ona tatou suia na o ni nai vaega o lo tatou
aulelei i fafo, ae tele naua se malosiaga o loo i ai tatou e suia
ai o tatou tagata i totonu. Ia faamalamalama atu na tuuina
mai e Iesu se lisi o “uiga matagofie” lea e ta’ua o Faaamuia. Ia
fesili atu pe toafia ni tamaiti o le vasega ua faalogo i Faaamuia.
Afai tatou te atinaeina nei uiga po o ituaiga tagata i o tatou
olaga o le a tatou mauaina ni faamanuiaga. (O le uiga o le upu
faaamuia o le “amuia.”) Ia valaaulia tamaiti o le vasega e faitau
le Mataio 5:1–12 ma saili ia uiga taitasi na ta’ua e Iesu faapea
ma le faamanuiaga e maua mai ai. Faitau le saunoaga lenei e
faatatau i Faaamuia mai ia Peresitene Harold B. Lee:
27
Mataio 5–7
“I lena Lauga e le mafaatusalia i luga o le Mauga, na
tuuina mai ai e Iesu ni auala tulaga ese se valu lea e
mafai ona tatou maua ai le . . . olioli.... O nei folafolaga
a le Matai ua lauiloa . . . o Faaamuia ma o loo faatatau
i ai le tele o tagata atamamai i le Tusi Paia o sauniuniga
talafeagai ia mo le ulufale atu i le malo o le lagi.... O
loo aofia ai moni lava se FAAVAE MO SE OLAGA ATOATOA”
(Decisions for Successful Living [1973], 56–57).
Ia faia ni kopi o faamatalaga nei e valu e uiga i Faaamuia mai
ia Peresitene Lee, ma valaaulia ni tamaiti o le vasega se toavalu
e faitauina atu i le vasega.
1. Amuia e matitiva i le agaga: “O le mativa i le agaga o le
lagonaina lea e o outou tagata le manaomia o le faaleagaga,
o le faalagolago atu lea i le Alii mo outou lavalava, o a outou
meaai ma le ‘ea o loo manavaina, o lou soifua maloloina,
o lou ola; o le iloaina lea e le mafai ona tuanai atu se aso
e aunoa ma se tatalo faamaoni o le faafetai, mo le taitaiga
ma le faamagaloga ma le malosi ua lava ma totoe mo
manaoga o aso taitasi.”
2. Amuia å faanoanoa: “Ina ia faanoanoa, e pei o le lesona a le
Matai lea o le a aoaoina iinei, e tatau i se tasi ona faaalia le
“tiga i le Atua e tupu ai le salamo” ma manumalo ai i le
salamo e faamagaloina ai agasala ma faagalo ai ona toe
mafaufau i mea sa ia faanoanoa ai.”
3. Amuia å agamalu: “O se tagata e agamalu o se tagata lea
e le faigofie ona faaita pe faaonoono i ai ma e lavã tatali tiga
ma faigata e oo i ai. O le agamalu e le uiga faatasi ma le
vaivai. O le tagata agamalu e malosi, e tulaga ese, o se tagata
e atoatoa lona puleaina o ia lava. O le ituaiga tagata lea e
lototele i ona talitonuga, e ui lava i ni faatosinaga a ana uo.”
4. Amuia å fia aai ma fia inu i le amiotonu: “Pe na e fia ‘ai ea
i se meaai po o le fia inu foi i se vai ae sa na o sina fasi falaoa
magumagu lava po o sina vai e tau ina ia faamalieina ai le
manao lea sa ia te oe ma na foliga mai ai o se mea sili ona
taua lea ua e mauaina? Afai sa e matuai fia ai lava ona amata
lea ona e mafaufau i le uiga o le fetalaiga a le Matai e tatau
ona tatou fia aai ma fia feinu i le amiotonu. O le fia ai ma le
fia inu lena lea e taitaieseina ai i latou na mai le aiga ae saili
atu le faaaumeaina faatasi ma le au paia i le sauniga faamanatuga
ma e aofia ai le tapuai i le Aso o le Alii i soo se mea
tatou te i ai. E uunaia ai le tatalo faatauanau ma taitaiina
atu ai i tatou i malumalu paia ma uunaiina i tatou ina ia
faaaloalo ai iina.”
5. Amuia å alolofa atu: “O lo tatou faaolataga e faalagolago
lea i le alofa tatou te faaali atua i isi. O upu agaleaga ma le
faasausili, po o uiga faaonoono ma leaga e faaalia i tagata
po o manu, e ui lava e foliga mai o se taui ma sui, e
faaleaoagaina ai le faataunuuina e ia o lana taumafai atu mo
le alofa pe a ia manaomia le alofa i le aso o le faamasinoga
i luma o faamasinoga faalelalolagi po o le faalelagi. Pe i ai
ea se tasi e le’i faamanu’alia i se taufaaleaga a se tasi na ia
manatu o lana uo? E te manatuaina ea le tauiviga na e oo