O le a le Feagaiga Fou?

O Galuega a le Au Aposetolo
Ta’u atu i le vasega e faapena le tulaga na oo i ai ia Paulo
e pei o le tamaloa i luga o le auala laupapa. Faitau le Galuega
27:9–26, ma fesili:
• O a ni faigata na oo i ai le pasese a le vaa ina ua le faalogo
le fitafita ia Paulo?
• O le a le mea tatou te aoao mai i lenei mea na tupu?
Faauma le tala i le faitauina e le vasega o fuaiupu 27–44. Fesili:
• Na faapefea ona faasaoina mai ia Paulo a o avea o ia ma
se perofeta?
• O le a le mea e aoao mai i lenei mea e uiga i le tuuina atu
o le faatuatuaga i mea e saunoa mai ai ia perofeta?
Talanoaina ma le vasega ia le “auala laupapa na pau,”
po o faigata tatou te fetaia’i i le olaga. Fesili:
• O ai ua tuuina mai e le Alii e lapataia i tatou e uiga i
faigata o i le lumana’i?
• O le a le mea na fautuaina ai i tatou e perofeta lata mai nei?
• O le a le mea o le a tupu pe afai tatou te filifili e aua le
faalogo i perofeta?
• O le a le mea e tupu pe a tatou faalogo ma usita’i?
Faitau le saunoaga lenei a Elder Spencer J. Condie, o se tasi
o le Au Fitugafulu:
“Ua ou faafetai i nei Uso ua tatou lagolagoina e avea
ma perofeta, tagata vaai, ma tali faaaliga o e ua
lapataia i tatou i ala laupapa e le tatau ona tatou
laasia” (Liahona, Ianuari 1994, 17).
Uuna’ia le vasega e faalautele le lagona lava lea e tasi mo
perofeta soifua ma ia usita’ia ma le faaeteete a latou fautuaga.
Galuega 27:13–28:10. O le taulimaina o faigata
ma le lototele e mafai ai ona faamalolosia o tatou
tagata. O le faatuatua i le Atua e maua ai
e i tatou le loto tele. (25–30 minute)
Fesili: O a ni faigata e feagai ma tagata i o latou olaga? (O tali
e aofia ai, gasegase, toesea o e ua pele, popolega ona o mataupu
tau galuega.) Faitau ma le vasega ia le Galuega 27:13-15 ma
mata’ituina ia faigata na feagai ma Paulo a o malaga atu i
Roma. Fesili: E faapefea ona tatou faatusatusaina lea i faigata
poo “afa” i o tatou olaga?
Faitau ma le vasega ia le Galuega 27:16–44 ma mata’ituina ia
uiga o Paulo na avea ma mea na saogalemu ai mai i nei
faalavelave, ma lisi i luga o le laupapa. E aofia ai mea nei, loto
tele, (tagai ff. 21–24), faamoemoe (tagai ff. 22, 25), faatuatua
i le Atua (tagai ff. 30–31, faaaoga lelei o le mafaufau ma lona
tulaga gafatia o le faafilemuina o isi (tagai ff.33–36). Talanoaina
pe faapefea i nei uiga o Paulo ona fesoasoani ia i tatou e foia
ai ia “lu’i ma faigata.”
162
Aumai ni u’amea siisii mea mamafa i le vasega ma fai i se
tagata o le vasega e siiina le u’amea i luga mai i autafa o lona
puimanava e oo atu i luga o ona tauau), pe valaaulia se tasi
o le vasega e faia ni faamalosi tino nofo i luga, [push ups].
Faamalamalama atu e tutupu ma malolosi ia musele i le latou
mafai lea ona sii ina o mea mamafa. Fesili:
• E faapefea ona faatusatusa ou uiga ma le tuputupu
a’e faaleagaga i le tutupu a’e o musele?
• O le a le mea e oo ia i tatou pe a mafai ona tatou faafoia
ia faigata i o tatou olaga?
Tusi i luga o le laupapa 2 Korinito 1:3–4; 4:8–9, 17; Filipi 3:8;
4:13. Valaaulia le vasega ia faitauina ia mau ma tali fesili nei:
• O a ni uiga o Paulo na faaalia e uiga i lu’i o lona olaga?
• O a ni mea tatou te mafai ona aoao mai ia Paulo i le feagai
ai ma o tatou lu’i?
• E faapefea i le sese o o tatou lagona e faatatau i lu’i
o o tatou olaga ona aafia ai ia o tatou uiga?
• E mafai faapefea ona tatou faalauteleina se uiga faaalia
i le taulimaina o tofotofoga o le olaga?
Faitau e se tasi o le vasega ia le molimau lenei a Elder
Richard G. Scott, o se tasi o le Korama a le Toasefululua.
“E naunau le Alii i lou tuputupu a’e faaletagata atoa
ai ma lou atina’eina. O le a faavavevave ona faataunuu
pe a e naunau e taliaina o Ia e ta’ita’ina oe i mea e aafia
ai lou tuputupu a’e ma mea uma o le a lua feagai, pe
e te fiafia i ai pe leai. A e faalagolago i le Alii, ona ua
e malie e tuuina atu lou loto ma lou mafaufau e
tutotonu i Lona finagalo, pe a e fesili atu e ta’ita’ia oe
e le Agaga e faia Lona Finagalo, o le a e mauaina le
fiafia tele ma faataunuuina i le atoatoa mai i mea na
tutupu i le olaga faaletino. Afai e te fesiligia mea uma
e faatonuina ai oe, pe tat° ou vae i soo se luitau lå
manuia, ua e faafaigataina e oe lava le faamanuiaina
o oe e le Alii” (Liahona, Iulai 1996, 25).
Faitau e le vasega le Galuega 28:10, ma fesili:
• E faapefea i le malosi faaleagaga ma uiga o Paulo pei
ona faaali mai i nei fuaiupu ona maua ai le avanoa
e faamanuiaina ai isi.?
• O a ni auala e mafai ai ona tatou faatagaina le Alii
e fesoasoani mai ia i tatou e avea ma faamanuiaga
i isi fo’i tagata?