O le a le Feagaiga Fou?

O le Talalelei e Tusa ma le Faamatalaga a Luka
atu foi e le agavaa o ia e maliu mai Iesu i lona fale, e
ui lava o ia se tagata sa usiusitai i ai nisi i lana pule.
Na ia faapea mai, ‘Tau lava ina oo mai sau fetalaiga,
e malolo ai la’u auauna’ (Mataio 8:8). Sa ofo Iesu i
lona faatuatua. ‘Ou te leiloa ia Isaraelu se faatuatua e
faapena ona tele’ (8:10). ...
“. . . E tele mea e mafai ona tatou aoaoina e uiga i le
faatuatua . . . mai a tatou uo o isi faatuatuaga e pei o
le taitai o le toaselau a Roma, aemaise lava mai a
tatou fanau. E tusa po o le a le se auala tatou te aoao
ai e faaaoga le mana o le faatuatua, e manaomia ona
tatou maua e faataunuu ai tiute maoae ua tuuina mai
ia i tatou” (i le Conference Report, Ape. 1993, 55–56;
po o le Liahona, Iulai 1993, 53–54).
Ia valaaulia tamaiti o le vasega e tuuina mai ni faataitaiga o ni
tagata latou te iloa i aso nei, o e pei o le auauna a le taitai o le
toaselau ma le tama a le fafine ua oti lana tane, o loo moomia
ni vavega i o latou olaga. Fesili atu:
• O a faamanuiaga o loo avanoa e ala i le faatuatua ma le
mana o le perisitua ia i latou o o latou agaga o loo moomia
le faamaloloina?
• O a nisi o auala e mafai ai ona tatou fesoasoani e tuuitiitia
ia mafatiaga o isi?
Ia uunaia tamaiti o le vasega ina ia avea o ni “agelu” i olaga o
isi e ala lea i le fesoasoani ia i latou ina ia o mai ia Keriso. Fai
atu ia i latou e vaavaai faalelei mo i latou o e o loo le tagolima
ona tuuina atu lea i ai o le auaunaga ma le alofa ma faatinoina
le faatuatua mo i latou. Ia uunaia tamaiti o le vasega e tusi ni
a latou aafiaga faaagelu” na oo i ai i totonu o a latou tusi o
talaaga o le olaga, ma valaaulia i latou, pe afai latou te filifili
i ai, e fetufaai mai i le vasega a o tutupu ia aafiaga i le vaega
o totoe o le tausaga.
Luka 7:1–10; 8:26–56 (tagai foi Mataio 8:5–13,
28–34; 9:18–26; Mareko 5). E tatau ona tatou o
mai ia Keriso ma fesoasoani i isi ina ia latou faia
foi. (40–45 minute)
Tusi le faataoto lenei i luga o le laupapa: O le le fuafuaina e pei
lava o le fuafua e le faia. Fesili atu i tamaiti o le vasega:
• E te manatu e moni lenei faaupuga? Aisea e moni ai pe le
moni ai foi?
• E mafai faapefea e le tusitusia o fuafuaga ma sini ona
fesoasoani ia i tatou e faataunuuina ni mea i o tatou olaga?
Fai atu i tamaiti o le vasega e tusi se fuaiupu se tasi e
faamatalaina ai a latou misiona po o sini i le olaga, ma valaaulia
i latou e fetufaai atu mea na latou tusia. Faitau le faaupuga
lenei o le misiona a le Ekalesia, ma fai atu i tamaiti o le vasega
e mafaufau po o le a le lelei o a latou misiona e faatusatusa
i le misiona a le Ekalesia:
84
“Ioe, uso e ma tuafafine, ua mamalu lava le misiona
a le Ekalesia—o le valaau atu lea ia i tatou uma ia
tatou o mai ia Keriso e ala i le talai atu o le talalelei, ma
le faaatoatoaina o le au paia, ma le togiolaina o e ua
maliliu. A o tatou o mai ia Keriso, tatou te faamanuia
i o tatou olaga, ma olaga o o tatou aiga, faapea ma
fanau a lo tatou Tama o i le Lagi, o e o loo soifua ma
e ua maliliu” (Ezra Taft Benson, i le Conference Report,
Ape. 1988, 98; faaopoopo le faatusilima; po o le
Liahona, Iulai 1988, 85).
• O a faamanuiaga e tuuina atu ia i latou o e o mai ia Keriso?
(tagai Moronae 10:30–34).
• E mafai faapefea ona e fesoasoani i lou aiga ina ia o mai
i le Faaola?
• E mafai faapefea ona e fesoasoani i au uo ina ia o mai
ia Keriso?
Ia valaaulia tamaiti o le vasega ina ia faitauina ia tala nei
e tolu: Luka 7:1–10; 8:43–48; ma le 8:41–42, 49–56, e saili ai ia
tali mo fesili nei:
• O le a le mea o loo fesoasoani i tagata taitoatasi i fuaiupu
nei ina ia o mai i le Faaola?
• O le a le faamaoniga o loo i ai iina o tagata o loo i nei
fuaiupu e tele lo latou faatuatua i le Faaola?
• O a faamanuiaga e maua e i latou o e o mai ia Keriso?
• O le a le mea e sili ona faagaeetia ai oe e uiga i tala taitasi?
A maea latou, ona talanoaina lea o fesili faapea ma lagona o
tamaiti o le vasega e uiga i nei vavega a le Faaola. Faamanatu
atu i tamaiti o le vasega faapea e ui lava o tofotofoga masani
ona tatou liliu atu ai i le Alii, ae o le faatuatua tele lava e oo mai
ai vavega a Keriso. Ia molimau atu faapea o le mana o Keriso
e faamalolo ma faamanuia ai o loo avanoa ia i tatou i aso nei.
Ia faaiuina i le faatusatusaina o nei tala i le tala o temoni.
Ia faamalamalama atu faapea a o finagalo Iesu ina ia tatou
o atu ia te Ia, e taumafai lava Satani e faaleaga i tatou pe
aveeseina i tatou mai ia Iesu. Tuu atu i tamaiti o le vasega
e faitau le Luka 8:26–40.
• Na faapefea ona ese le olaga o lenei tagata ina ua uma ona
maliu mai le Faaola ma tuliese ia temoni?
• E mafai faapefea ona e faatatauina lenei tala i lou olaga?
Faitau le upusii lenei mai ia Peresitene Ezra Taft Benson:
“E tatau ona tatou faamuamua le Atua i mea uma
lava i o tatou olaga. E tatau ona muamua o ia. ...
“Pe a tatou faamuamua le Atua, o isi mea uma lava o le
a oo atu i o latou tulaga tatau po o le aveese foi mai o
tatou olaga. O lo tatou alofa i le Alii o le a pulea ai lo