O le a le Feagaiga Fou?

Ia lipoti mai e vaega taitasi, ma faatusatusa ma talanoaina
mea na latou maua. Ia fesili atu i tagata o le vasega pe aisea
ua latou manatu ai ua faamatalaina auiliili meaalofa i tusi
eseese o tusitusiga paia.
Fesili atu: Pe o i ai ea nisi meaalofa e ese mai meaalofa ua
tusia i nei mau? Faitau le faamatalaga o loo i lalo a Elder
Marvin J.Ashton, o le sa avea ma se uso o le Korama a le
Toasefululua:
“Se’i tatou talanoaina nisi o nei meaalofa faale-amanaia:
o le meaalofa o le ole atu; o le meaalofa o le faalogologo;
o le meaalofa o le lagona ma faaaoga se leo
itiiti; o le meaalofa o le mafai ona tagi; o le meaalofa
o le alo ese mai le fevaevaea’i; o le meaalofa o le ioe
gofie; o le meaalofa o le alo ese mai le tautu i upu; o le
meaalofa o le saili po o le fea le mea amiotonu; o le
meaalofa o le le faamasino atu; o le meaalofa o le
tulimata’i atu i le Atua mo se taitaiga; o le meaalofa
o le avea ma soo; o le meaalofa o le tausia o isi tagata;
o le meaalofa o le mafai ona manatunatu lelei; o le
meaalofa o le tuuina atu o tatalo; o le meaalofa o le
tuuina atu o se molimau malosi; ma le meaalofa o le
maua o le Agaga Paia” (Liahona, Ianuari 1988, 23).
Fesili atu: Pe aoga ea meaalofa uma? Faaali atu i tagata
o le vasega se mea faitino po o se mea taalo e alu i maa. Ia
faamalamalama atu le auala e gaoioi ai. Ave ese maa ma
faapea atu o le a le galue i le taimi nei. Ia faitau e tagata o le
vasega le 1 Korinito 13:1–3 ma ia saili mo mea e manaomia
mo le faagaoioia o meaalofa faaleagaga. Fesili atu:
• Pe faapefea ona avea le alofa e pei o se maa moliuila?
• Aisea ua e manatu ai o le alofa o se meaalofa sili lea ona
taua a le Agaga?
Ia fai atu i tagata o le vasega e faitau mai le 1 Korinito 13:4–7
ma ia tusia se lisi o mea taua e fitu e faamatalaina ai le ala
e faaalia ai le alofa atoa ma mea taua e valu e faamatala ai le
mea ua le o i ai le alofa. Fesili atu: Pe mafai faapefea e lou
olaga ona suia pe afai e avea nei vaega taua o le alofa ma se
vaega o lou natura?
Faitau le uiga o le alofa e pei ona i ai i le Taiala i Tusitusiga Paia
atoa ma le faamatalaga lenei a Elder Bruce R.McConkie:
“Mai i uiga uma o le amioatua ma le atoatoa, o le alofa
o le mea sili lea ona manaomia. O le alofa foa’i e sili
mamao atu nai lo le alofa, e sili mamao atu lava; o lea
mea o le alofa lea e faavavau, o le alofa atoatoa, o le
alofa mama o Keriso lea e tumau e faavavau. O le alofa
lea ua faaautu i le amiotonu ma o le ua i ai lea mea e
le o i ai se faamoemoe po o se manaoga se’i vagana o le
manuia faavavau o lona lava agaga faapea ma agaga
o i latou o loo mau ma ia.” (Mormon Doctrine, 121).
189
Faitau le Mataio 22:34–40. Ia faamatala atu “o le tulafono ma
le au perofeta” (f. 40) e faatatau lea i vaega o le Feagaiga Tuai.
Fesili atu:
• Afai e faaautu tulafono ma le au perofeta uma i poloaiga
e lua, o le a la le faia i le va o tusitusiga paia ma le alofa?
• Faitau le Moronae 7:46–48. O le a se auala ua faamatala ai
e Mamona le alofa o Keriso?
• E tusa ai ma lana faamatalaga, pe faapefea ona tatou maua
le alofa o Keriso?
Ia faamalamalama atu i tagata o le vasega o le tatalo mo le alofa
o Keriso ua le ese lava lea ma le tatalo mo isi faamanuiaga–e
tatau foi ona tatou galulue malosi mo le mauaina o nei
faamanuiaga. Fesili atu: O le a se isi mea e mafai ona tatou fai
e atiinae ai le alofa o Keriso? (Atonu e aofia i tali le tuuina atu
o le galuega fesoasoani, faitaulaga mo isi, ma le usiusita’i
i poloaiga; tagai 1 Ioane 5:2–3.)
Faitau le 1 Korinito 13:8–13 ma fesili atu: Pe ua faapefea ona
faatusaina le atiinae o le alofa o Keriso e pei o le tuputupu a’e
mai le laitiiti? Ia uunaiina tagata o le vasega ina ia saili le alofa
o Keriso, o le meaalofa sili lea ona taua a le Agaga.
1 Korinito 12:13–31. E taua tagata uma o le
Ekalesia i le Alii ma Lana Ekalesia. (15–20 minute)
Ia tuu i luga o se laulau po o se isi mea malo se faaputuga
itiiti o viliga penitala po o le eleele mago. Tofi se tagata o le
vasega e sau i luma, ma ia tuuina atu i ai se tuaniu e tasi mai
se salu e salu ai le faaputuga. Fesili atu:
• Pe o faapefea ona aoga lelei lau salu?
• O le a le umi o le taimi e manaomia e faamaea ai le galuega?
• O le a se mea e fesoasoani i lea tulaga?
1 Korinito 12–14
Ia tuuina atu i le tagata o le vasega se salu mo’i e faamaea ai
le galuega. Ia tusia vaega eseese o se salu. (O le au, ma tuaniu.)
Fesili atu:
• O le a le taua o vaega eseese o le salu mo le faia o le
galuega?
• Faitau le 1 Korinito 12:13–18. O le a se mea na faatusa
e Paulo i tagata o le Ekalesia?
• O a vaega o le tino na faatatau i ai lana faamatalaga?
• O a vaega tatou te mananao e faaaoga e aunoa ma ia mea?
Aisea?
• O le a se mea na aoao atu e Paulo? (Tagai MFF 84:109–110).
• Pe ua faapefea ona faatusatusa lenei aoaoga i se salu?
Faitau le 1 Korinito 12:19–23 ma fesili atu: O ai sa faatatau i ai
le faamatalaga a Paulo a’o talanoa o ia e uiga i vaega ua sili ona
vaivai po o le sili ona faale-amanaia? (Atonu o i latou ua lagona
e le aoga i latou pe le agavaa i totonu o le Ekalesia, po o i latou
e faaleiloga o latou tiute.) Ia faitau le saunoaga lenei
a Peresitene Gordon B.Hinckley: