O le a le Feagaiga Fou?

faatuatua
ia Iesu Keriso
galuega
• O le fea o foe e sili atu ona taua?
• Afai e tasi le pito o loo e aloina ai le vaa ma e aloina
i le malosi e te mafaia, o fea le itu o le a e alu agai i ai?
• Aisea e te manaomiaina ai foe uma e lua?
Faitau le Iakopo 2:17–18 ma liliu ia foe ina ia iloa atu upu
o loo tusia ai (pe tusi ia upu i foe i le ata o loo i le laupapa).
Ia fesili atu:
• E faapefea ona pei le savali o nei fuaiupu i le lesona
e uiga i foe?
• O a ni auala o le a le mafai ai ona tatou faaaogaina le foe
o le “faatuatua ia Iesu Keriso”?
• Faamata e faapefea ona tatou faagaloina le foe o “galuega”?
Valaaulia tamaiti o le vasega e faitau ma tali fesili o loo i le
Iakopo 2:14. Faitau le Iakopo 2:15– 26 ma vaavaai mo tali
a Iakopo ma mea e mafai ona tatou faia e mautinoa ai o loo ia
i tatou le faatuatua ma galuega.
Iakopo 3:1–12. O le leoleoina o le laulaufaiva
(puleaina o upu tatou te tautatala ai) e fesoasoani
lea ia i tatou i le atinaeina o le atoatoa.
(20–25 minute)
Ia tusi, O Ai A’u? i luga o le laupapa ma faitau ia faamatalaga
nei. Ia fai atu i tamaiti o le vasega e tusi ni tali talafeagai ao
e faitauina atu faamatalaga taitasi.
• E faigata ona puleaina a’u.
• E mafai ona ou faamanuia atu ma fetuu foi.
• E mafai ona ou tuuina atu mea oona e tele.
• E mafai ona ou faamafanafana i tagata.
• E mafai ona ou faaleagaina le galuega a le Alii.
• E mafai ona ou faaleagaina olaga o isi tagata.
• E mafai ona ou molimau i le talalelei a Iesu Keriso.
Ia tuuina atu i tamaiti o le vasega se avanoa e taliina ai mea
na. Faitau faatasi le Iakopo 1:26 ma mataituina le tali. Ia fesili
atu: O a auala e mafai ai ona talafeagai upu tatou te tautatala
ai ma faamatalaga nei?
Afai o i ai se faagutu o se solofanua, ia faaali atu i le vasega
ma fesili atu i tamaiti pe o le a lenei mea. Ia fesili atu:
239
• O le a le mea e faaaogaina i ai se faagutu? (Ina ia faatonuina
ma taitaiina ai se solofanua.)
• O le a le uiga o le “taofiofia” le laulaufaiva?
• E mafai faapefea ona tatou faia lea mea?
• O a ituaiga o faalavelave e mafai ona tatou oo i ai pe
afai tatou te le taofiofia o tatou laulaufaiva? (tagai foi
Alema 38:12).
Ia fai atu i le vasega e faitauina le faamatalaga lenei mai le
tamai tusi o le Mo le Malosi o le Au Talavou:
“O lau tautala ma upu e te faaaogaina e iloa ai oe.
Faaaoga upu e atiina a’e ma sii a’e ai i luga i latou
tou te faatasi. O le palauvale, laulau vavale, poo
ulaga eleelea, ua le fiafia i ai le Alii. E faaleaga ai lou
agaga ma faamaulalo ai oe. ...
“O le faitala o se tasi lena o mea leaga. A e faia se tala
leaga e uiga i tagata e le o i ai, poo lou ta’u atu o ni
mea lilo ua e iloa e uiga ia i latou, ua e faitatala. O le
faitala e tupu mai ai le tiga ma le faanoanoa i isi tagata.
Ua poloai mai le Alii ia I tatou ia tatou fealofani. Ina ia
tatou mulimuli i lenei poloaiga, ia e tautala alofa ma
lelei e uiga i isi” (Mo le Malosi o le Au Talavou,10–11).
P O I S O N
Iakopo 1–5
Valaaulia le vasega e mafaufau pe o ai o le a aafia ai pe afai
tatou te le taofiofia o tatou laulaufaiva. Faitau le Iakopo
3:1–10 e le vasega ma talanoaina le uiga o fuaiupu taitasi.