O le a le Feagaiga Fou?

O Galuega a le Au Aposetolo
ona faaee atu i ai o latou lima. Faitau e se tagata le saunoaga
lenei na tusia e Peresitene Iosefa F. Samita:
“I le tulaga lea, na o atu le Perofeta ma le usoga mai
lea fale i lea fale, ma faamalolo i e mamai ma toe
faatula’i mai i latou mai le gutu o le tuugamau. Ao
faia ia faamalologa sa i ai se alii e le o se tagata o le
Ekalesia sa ia molimauina ia vavega mata’utia sa
faataunuuina, ona ia aioi atu lea i le Perofeta la te
o e faamalolo lana fanau e to’alua o loo matua mama’i.
Sa le’i mafai ona alu le Perofeta, ae peita’i sa ia fai atu
o le a ia auina atu se tasi e faamalolo i lana fanau. Na
ia tago i laga taga ma aveane ai se solosolo silika ma
tuu atu ia Elder Uilifoti Uitilafi ma talosagaina ina ia
alu atu e faamalolo i tamaiti. Na ia fai atu ia Elder
Uitilafi e solo mata o tamaiti i le solosolo silika ona
malolo ai lea. Na faapea ona faia e Elder Uitilafi ma
sa malolo ai ia tamaiti” (Essentials in Church History.
27th ed. [1974], 224).
Manatunatu i le talanoaina o fesili nei:
• O le a le pule na faaaogaina e Iosefa Samita
i ana faamalologa?
• O le a se lagona e oo ia te oe pe ana faapea o oe
o Uilifoti Uitilafi?
• E i ai se mana i soo se mea poo ni lavalava?
• O le a se vaega a le solosolo i le faataunuuina o lenei vavega?
Fai i le vasega e faitau le Galuega 19:11–12 ma sailia ni mea
e talitutusa ma mea na tutupu i ona po o le Perofeta o Iosefa
Samita. Faitau le faamalamalamaga lenei mai ia Elder Bruce
R. Mc Conkie:
“O faamalologa e ala mai i le mana o le faatuatua:
e leai se mana poo se pule i soo se mea poo lavalava,
tusa lava pe o ni mea a Paulo, Iesu poo se isi. O
sauniga ma ituaiga mea eseese e mafai ona faaaogaina
e fesoasoani i le faateleina o le faatuatua” (Doctrinal
New Testament Commentary. 2:169).
A mana’omia, faamanino atu o isi mea na faaaogaina fo’i i le
auala lava lea e tasi i tusitusiga paia: feanuga ma palapala
(tagai Ioane 9:6–7, ofu o Iesu (tagai Mataio 9:20–22), ma le ata
o Peteru (tagai Galuega 5:15–16).
Faamalamalama atu o le faatuatua i le Alii e mana’omia i le
faataunuuina o faamalologa. Faitau e le vasega le Galuega
19:13–16 ma mata’ituina poo o le a se isi elemene taua
e manaomia. Fesili:
• O le a le mea sa manatu le fanau a Seva e tatau ona faia
e tutuli ese ai agaga leaga?
• Aisea na le faataunuuina ai i le na ona faaaogaina o le
suafa o Iesu?
156
• Aisea na iloa ai e agaga leaga na o Iesu ma Paulo ae le iloa
isi tagata?
• Aisea e taua ai le i ai o le pule o le perisitua e faamalolo ai
i le suafa o Iesu? (tagai MFF 63:60–62).
Faitau faatasi ma le vasega le Galuega 20:7–12. Molimau atu
o faamalologa e faataunuuina e ala atu i le pule o le perisitua
ma le mana o le faatuatua.
Galuega 20:29–30. Na muai iloa e Paulo
le liliuese o tagata mai i le Ekalesia na
faatuina e Iesu Keriso. (30–35 minute)
S M T W TH F S
Tape moli i totonu o le potuaoga. Uu i luga se mea lanu moana
malosi ma se isi e uliuli. Fesili i le vasega pe latou te iloaina ia
lanu o mea. E pei ona faigata ona iloa ituaiga o lanu i le pogisa,
e faapena fo’i le faigata o le iloaina le upumoni faaleagaga pe
afai e tape moli o faaaliga. Na valoia e Paulo ma isi Aposetolo
i aso anamua ia lea pogisa faaleagaga.
Faitau e se tasi le Galuega 20:28–30, ma fesili:
• O le a le tala a Paulo i le mea o le a tupu i le Ekalesia pe
a toesea o ia?
• O ai ia “luko saua” ma tagata “tautala i mea faapiopio”?
• E faatusa faapefea i luko ia tagata latou te aoao atu
mataupu faavae sese?
• E faapefea i mataupu faavae sese ona faamalepeina
le lafu a le Faaola?
Tusi le upu Liliuese i luga o le laupapa. Ta’u atu i le vasega o le
uiga o le“liliuese” o le tuulafoaina lea o ona talitonuga faalelotu
poo le alu ese mai i le mea moni. O le upu lea ua faaaogaina
nei e faatatau i mea na tutupu i le Ekalesia i po anamua. Na
talanoaina e Paulo ia le Liliuese i le tele o taimi i ana tusitusiga.
Ia maka e le vasega le Galuega e 20:28–30 ma tusi ai ia mau nei
i autafa o ia fuaiupu: 1 Korinito 11:18; Kalatia 1:6–8; 2 Tesalonia
2:1–3; 1 Timoteo 1:5–7; 4:1–3; 2 Timoteo3:1–7; Tito 1:10– 16.
Faitau faatasi ma le vasega ia mau taitasi nei ma mata’ituina
ia mafuaaga ma uiga o le Liliuese po o le “pau ese.”
Faamalamalama atu na pau ese le Ekalesia mai le mea moni
ina ua maliliu ia Aposetolo faatasi ai ma le taliaina o mataupu
faavae sese. E le o na’o o le liliuese ese a tagata mai le Ekalesia
ae o le liliuese o le Ekalesia. Ona o lenei liliuese, i totonu o se
vaitaimi puupuu talu ona faatuina le Ekalesia e Keriso, na
aveesea ai le Ekalesia moni ma ua le toe maua ai i le fogaeleele.
I le senituri lona sefuluono sa taumafai ai ni tagata lotu i Europa
e toe faasa’o le faaletonu ua tulai mai talu le Liliuese. O lenei
mau sa faaigoaina o le Toefaafouina. Peitai e na o se
Toefuataiga e mafai ai ona toe faafoisia mai upumoni ma le
pule na leiloa. O Iosefa Samita o le perofeta na amata ai e le
Tama Faalelagi lenei Toefuataiina.
Faamalamalama atu o ni mafuaaga na amata ai le liliuese o le
Ekalesia anamua o loo avea fo’i ma mafuaaga o le liliuese mai
le Ekalesia i ona po nei. Faitau e le vasega ia le saunoaga lenei
o Peresitene Gordon B. Hinckley: