O le a le Feagaiga Fou?

O le Tusi a le Aposetolo o Paulo i Kolose
• O le fea molimau e loloto le oo ifo o ona aa?
• O le a se mana e mafai ona oo mai i lou olaga pe afai
e te maua se molimau e sili atu ona loloto? Aisea?
Ia ta’u atu i tagata o le vasega i ona po o Paulo sa i ai ni tagata
o e na manatu o Iesu Keriso ua na o se tasi o le au agelu. Sa
teena e nisi Lona soifua mai i la le tino, lona tagata, ma lana
Togiola. Sa faasa’o e Paulo ia manatu. Ia faamatala atu i o
tatou lava aso o loo i ai ni tagata o e ua manatu o Iesu Keriso
o se tagata noa. Fesili atu:
• O le a se mea e mafai ona tatou fai e mafai ona tatou
faamalamalama ai lenei tulaga o le le malamalama e uiga
i le Faaola?
• O le a se mea e mafai ona tatou fai e oo ai i se tulaga o le
tuuina atu o se molimau e pei o le molimau a Paulo?
Faitau Kolose 2:6–10 ma ia saili mo mea taua na tuuina mai
e Paulo e uiga i le ala e maua ai lenei molimau. Ia tusia nei
mea i luga o le laupapa (atonu e aofia i nei mea le “ia savavali
ai outou o ia te ia” [f.6]; ia “mauaa outou ma ia atiina’e ia te
ia” [f.7]; ia “faatumauina i le faatuatua” [f.7]; ia “faaatoatoaina
outou ia te ia” [f.10]). Ia talanoaina le uiga o mea ta’itasi ua
e tusia i luga o le laupapa. Fesili atu:
• O le a le mea ua ta’u mai i le fuaiupu 8 e mafai ona tupu ia
i tatou pe afai e le “maua’a” ia Keriso?
• O le a se mea e mafai ona tatou fai e avea ai ma ni tagata
“maua’a” i le Faaola?
Ia faamatala atu le faamatalaga o loo i lalo a Elder Joseph
B.Wirthlin, o se uso o le Korama a le Toasefululua:
“O Iesu Keriso e sili atu na i lo se aoao ta’uta’ua ma se
tagata poto i mafaufauga. . . .I le avea ma se vaega o le
fuafuaga, sa ofo atu Iesu e togiola mo agasala a tagata
uma ma tauave le mafatiaga mo ia agasala, ma
faamalieina ai le tulafono o le faamasinoga tonu pe
afai e salamo tagata. ...
“Sa ia ofoina atu fo’i lona soifuaga faaletino, sa
faasatauroina, ma ua avea ma faapolopolo o e momoe,
ma ua saunia le toetu moni o fanau uma a lo tatou
Tama o i le lagi. . . .O ia o lo tatou Puluvaga i le Tama
ma o lo tatou Faataitaiga i mea uma. O lona agalelei
ma le alofa ia te’i tatou e le oo i ai lo tatou
malamalama” (Liahona, Ianuari 1995, 78).
Ia faamatala atu i tagata o le vasega a’o tatou malamalama
i mea uma e faia e Iesu Keriso mo i tatou, e tatau ona avea ma
mea e uunaiina ai i tatou e tapua’i ma mafuta ma ia. Sa saunoa
mai Peresitene Howard W.Hunter e faapea:
“O le a le tele o le taimi tatou te mafaufau ai i le Faaola?
O le a le loloto a’o le a fo’i le tele o lo tatou faafetai ma
lo tatou foliga i lona olaga? O le a le tele o le avea o ia
ma tagata autu i o tatou olaga?” (Liahona, Iulai 1993, 58).
214
Sa fautua mai Elder Neal A.Maxwell e faapea:
“Ia avea lou agaga faafetai. . .ma mea e faaalia ai lou
taumafai ina ia avea, i lea uiga lelei ma lea uiga lelei,
ma ia saga faaopoopoina atili ai le faapei o Iesu (tagai
2 Nifae 27:27). O le ola faapea, o le a avea ai o tatou
olaga ma se tulaga o le na ona i ai o se agaga faafetai ia
Iesu, po o le manatu foi ua na o ia o se tagata lelei. Ae
peitai, o le a avea o tatou olaga e mafuta atu ia Iesu
e faaalia lea i lo tatou faataitai ia te ia!” (Liahona,
Ianuari 1994, 23).
Ia uunaiina tagata o le vasega e mulimuli i lenei fautuaga ina
ia mafai ai ona tumau le mausali o a latou molimau e uiga ia
Iesu Keriso.
Kolose 3:5–25. Ina ia avea ma ni tagata fou ia
Keriso, e tatau ona tatou faatoilaloina le tiapolo
ma faatupuina ni uiga amiotonu. (15–20 minute)
Ia aumaia i le vasega ni ofutino se lua (po o isi lavalava
e faigofie ona faamaulu ma toe aveese). Ia tusi nisi o uiga e le
lelei e pei ona tusia i le Kolose 3:5–9 i luga o se pepa, ma ia
faapine i tua o se tasi o ia ofutino. Ia tusia i se isi pepa nisi o uiga
lelei o loo ta’u mai i le Kolose 3:10–17, ma ia faapine i le itu i tua
o le isi ofutino. Ia tautau ofutino i luma o le vasega i se ala e
natia ai ia lisi mai le vasega. Faitau le Kolose 3:1–4 ma fesili atu:
• E tusa ai ma nei fuaiupu, o a mea e tatau ona tatou saunia i ai?
• Pe mafai faapefea ona tatou saunia?
Ia faamatala atu e faapea o le a toe afio mai Keriso o le a faaalia
i o tatou tagata le ala sa tatou ola ai i o tatou olaga, ma o le a
ia silasila mai ia i tatou i le tulaga moni ua tatou i ai (tagai
Alema 5:14; Moronae 7:48).
Ia faitau mai e tagata o le vasega le Kolose 3:5–9 ma ia saili mo
mea e tatau ona tatou lafoa’i. Ia faamatala uiga o upu e faigata
ona malamalama i ai e ala i le faaaogaina o se lomifefiloi. Ia
liliu le ofutino muamua. Fesili atu:
• O le a se fautuaga e te tuuina atu i se tagata o loo i ai nei
amioga?
• O le a le faigata o le maua o nei uiga?
• O le a le faigata e aveesea ai? Aisea?
• Pe faapefea ona e aveesea ia mea?
• Aisea e te manao ai e aveese ia mea?
Faitau le Kolose 3:10–17 ma ia saili mo mea e tatau ona tatou
faia. Ia tusi ia mea i luga o le laupapa ma ia talanoaina mea
taitasi. Ia liliu le isi itu o le ofutino lona lua. Fesili atu:
• O le a se mea e te ta’u atu i se tagata o loo i ai nei uiga?
• Pe o le a le faigata o le maua o nei uiga?
• O a faamanuiaga e maua i le faia o ia mea?
Ia tufa atu i tagata o le vasega se pepa ma ia tusia ai e i latou a
latou lava lisi o mea ua latou mananao e aveesea ma mea e faia.