O le a le Feagaiga Fou?

O le Tusi a le Aposetolo o Paulo i Roma
saunia se auala e oo a’e ai maualuga – e toetoe lava
e sili atu i le mea e mafai ona tatou manatu i ai–e le na
o o tatou lava mana, o ni mana ia e le lava, ae auala i le
mana o le Togiola a Lona Alo, o Iesu Keriso. ...
Sa le gata ina saunia e lo tatou Tama Faalelagi se
Faaola ma se Talalelei a Iesu Keriso, lea o loo aoao
mai ai ia i tatou le faamoemoega o le olaga ma tuuina
mai ia i tatou poloaiga, ae sa ia saunia foi feagaiga e
mafai ona tatou osia ma Ia. O ia feagaiga sa ia saunia
ai ni sauniga e mafai ai ona ia faailoa mai mea na ia
folafola mai pe osi feagaiga foi e fai ma mafai ai e i
tatou ona faailoa mea na tatou folafolaina pe osi
feagaiga e fai” (Covenants, 1).
Ia molimau atu tatou te maua le mana o le Togiola i o tatou
olaga a’o tatou faia ma tausia feagaiga paia.
Ia faamatala atu i tagata o le vasega e faapea ua aoao mai e le
Roma 6:1–2 ia i tatou ina ia liliuese mai a tatou agasala. Ia
faitau e i latou le fuaiupu 3–7 ma ia iloa ai le ulua’i sauniga
ma le feagaiga e faatagaina ai i tatou e faia lea mea. Ia faaali
atu i tagata o le vasega se suo pe tusi se ata o lea mea i luga
o le laupapa. Ia aoao atu e faapea o le papatisoga o se taimi
lea tatou te osifeagaiga ai ina ia “tanumia” a tatou agasala ma lo
tatou natura agasala ma ua tatou maua ai le mana e “tanumia”
ai a tatou agasala e ala i le Togiola a Iesu Keriso. Ia talanoaina
nisi o fesili nei:
• O le a se mea e faatusa i ai le papatisoga? (Maliu, tanumia,
ma le Toetu; tagai MFF 128:12– 13.)
• Afai o le papatisoga o se taimi lea tatou te osifeagaiga ai
ina ia “tanumia” pe le toe faia ai a tatou agasala, pe aisea
ua taua ai lo tatou papatisoina e ala i le faatofu?
• O a isi mea o le soifuaga o Keriso ua faatusa i ai le
papatisoga? (O Lona Maliu, tanumia, ma le Toetu.)
• Pe ua faapefea ona sili atu ona lelei o tatou olaga pe afai
tatou te filifili e lafoa’i ese o tatou tagata agasala
ma papatisoina?
• Faitau i le Mataupu Faavae ma Feagaiga 20:68–69; Mosaea
18:8–10. E tusa ai ma nei fuaiupu, o a nisi o folafolaga tatou
te faia i le papatisoga?
Ia mautinoa ua malamalama tagata o le vasega e tusa lava pe
ua faatusa le feagaiga o le papatisoga i le tulaga o le mafai ona
tatou mama mai le agasala, ae le mafai ona fufulueseina e le
papatisoga a tatou agasala. O le papatisoga o se taimi lea ua
tatou ta’utino atu ai le avea ma tagata mama ma savali i se
olaga fou, o se taimi tatou te saunia ai e maua le mea foa’ifua
o le Agaga Paia. O le mana e faamamaina ai o le Agaga Paia
e faato’a mama ai i tatou mai le agasala. Atonu e fesoasoani le
faamatalaga lenei a Elder Bruce R. McConkie o le na avea ma
uso o le Korama a le Toasefululua:
168
“E le faapea e tuuina atu agasala i le vai o le
papatisoga, e pei ona tatou gagana ai faafaatusa, ae
ina ua tatou maua le Agaga Paia. O le Agaga Paia o le
Atua na te aveesea mea leaga ma aumaia i tatou i se
tulaga o le amiotonu. E mama i tatou pe afai tatou te
maua moni le faaaumea ma le mafutaga a le Agaga
Paia. O lona uiga la o le agasala ma mea leaga ma le
tiapolo e susunuina mai o tatou agaga e pei o le faia
e ala i le afi” (A new witness for the Articles of Faith, 290;
ia tagai foi i le 2 Nifae 31:17; Moronae 6:4; 8:25–26).
Faatomuaga
Roma 7–8
Ina ua faataunuuina e Iesu Keriso le tulafono a Mose, sa suia
le feagaiga tuai i le tulafono o le talalelei. Sa taumafai Paulo
e faatauanau i latou o e sa pipii pea i le tulafono ma sauniga
a Mose ina ia o ese mai lea tulafono ma ia talia atoatoa le
talalelei a Iesu Keriso, o le feagaiga fou lea (tagai Eperu 9:15).
O loo i ai i le Roma 7–8 se faatusatusaga o se fafine o le ua le
toe noatia i le tulafono i lana tane pe a oti o ia. O loo ta’ua ai
le mea moni e faapea o le Au Paia e le toe noatia i le tulafono
a Mose ina ia uma ona faataunuuina e Keriso. Ona molimau
lea o Paulo e faapea o i latou o e faatauaina le talalelei ma
talia ona feagaiga e avea i latou ma suli faatasi ma Iesu Keriso
ma maua mea uma o loo i ai i le Tama Faalelagi.
Ia suesue ma le agaga tatalo le Roma 7–8 ma ia mafaufau
i mataupu faavae nei a’o saunia au lesona.
O Nisi Mataupu
Faavae Taua o le Talalelei e Saili Iai
• O le Togiola e maua ai e i tatou le mana e manumalo ai i le
agasala; o le auala lea e avea ai i tatou ma tagata fou, o fanau
ua toe fanaufouina faaleagaga a le Atua (tagai Roma
7:14–25;8:1– 14).
• E leai se mea e mafai ona tuueseeseina ai soo moni o Keriso
mai le alofa o le Tama ma le Alo (tagai Roma 8:11–39; tagai
foi MFF 122:9).
Fautuaga mo le Aoao Atu
Filifili mai i aitia nei, pe faaaogaina ni a oe lava, a o e saunia
au lesona mo le Roma 7–8.