O le a le Feagaiga Fou?

O Galuega a le Au Aposetolo
Fesili: O fea le faaaliga o le a e talitonu i ai? Aisea? Ta’u i le
vasega o le faaaliga muamua e sa’o. Fesili:
• E faapefea i tulaga faapea ona le maua ai se tonu e tasi.?
• A tuu mai i le talalelei, o ai e sili ona fautuaina i tatou?
• E mafai faapefea ona aafia i tatou i le faalogo atu i isi tagata?
Talanoaina faafitauli e maua i le faalogo i savali sese.
I le Galuega 6–12 ua tatou vaaia ai le faatonutonuina e le Alii
o Peteru, le Peresitene o le Ekalesia, ina ia ave le talalelei i nuu
ese, se suiga e le’i iloaina e le toatele o le Au Paia. Faamatala
o suiga faapea e tatau ona ui mai i le perofeta soifua, ma e tatau
i tagata o le Ekalesia ona i ai le faatuatuaga i upu a le perofeta.
Vaevae le vasega i ni vaega se tolu ma tuuina atu e aoaoina e le
isi vaega le Galuega e 6, o le isi le 10 a o le isi o le 11 ma sailia
ni faatonuga na tuuina atu e le Alii i le Au Paia e ala i Ana
Aposetolo. Ia latou lipoti maia mea latou te mauaina. (E mafai
ona aofia ai le tofiaina o alii e toafitu e tausia fafine ua oti a
latou tane, o le faaaliga ia Peteru ina ave le talalelei i Nuu Ese,
ma lona toe faamatalaina o lena faaaliga i le Ekalesia.)
Ia faamautinoa atu i le vasega o loo fetalai mai pea le Alii i Lana
Ekalesia i ona po nei e ala mai i Ana perofeta ma aposetolo,
ma e mafai ona tatou faalagolago i a latou upu. Ia talanoaina se
vaega o se tautalaga e te fiafia i ai mai se Konafesi. Uuna’ia le
vasega e aoao i se Liahona o se Konafesi lata mai ma mata’ituina
ia mea o loo fai mai ai ia perofeta ma aposetolo ia i latou.
Tuuina atu i le vasega ni kopi o le saunoaga lenei ma
faitauina faatasi.
Na saunoa mai ia Peresitene Harold B. Lee:
“A e mana’o e te iloa le mea e finagalo le Alii e iloa e
le Au Paia ma mauaina lana taitaiga ma faatonuga
mo le isi ono masina, ia e mauaina se kopi o le
taualumaga o lenei Konafesi ona ia te oe lea o le upu
aupito lata mai a le Alii mo le Au Paia” (Conference
Report, Oke. 1973, 168; Ensign, Ianuari 1974, 128).
Na saunoa mai Peresitene Ezra Taft Benson:
“Mo le isi ono masina, o le Liahona mo Konafesi
e tatau ona tuu faatasi ma isi tusitusiga faavae e fa
ma ia faaaogaina soo. E pei ona fai mai ai la’u uo ma
le uso o Harold B. Lee, e tatau ona tatou faaaogaina
ia saunoaga i Konafesi e ‘ta’itaia ai le tatou savali ma
upu i le isi ono masina. O ni mea taua na ua finagalo
le Alii e faaali mai i tagata i ona po nei’ (Conference
Report, Ape. 1946, 68)” (Lipoti Konafesi, Ape. 1988,
97; po o le Liahona, Iulai 1988, 84).
146
Galuega 6:1–6. E manaomia e taitai o le Ekalesia
ia tagata agavaa o le Ekalesia e fesoasoani atu
i manaoga o isi. (15–20 minute)
Tofi se tagata o le vasega e uuina i luga ni mea mo oe. Tuu i ai
ni mea e pei o se penitala, o se tusi, o se teipi, o se seleulu, ma
isi mea seia pa’° se mea i le tagata pe tuu foi i lalo e ia.
Faaali atu i le vasega se ata o se perofeta o loo soifua mai nei
po o se Aposetolo. Talanoaina le mata’utia o matafaioi o loo
tauaveina e nei ta’ita’i o le Ekalesia. Fesili:
• O ai e tali i ai ia le Au Pulega Aoao o le Ekalesia?
• Faamata o le a le mea o le a tupu pe afai latou te le
amanaiaina o latou valaauga?
• E fesootai faapefea lenei mea ma le autu o le lesona?
Faitau le Galuega 6:1–6 ma mata’ituina ia faafitauli sa feagai
ma ta’ita’i o le Ekalesia anamua.
• Sa faapefea ona foia e ta’ita’i o le Ekalesia ia faafitauli?
• O ai na valaauina e fesoasoani atu i Aposetolo mo le vaaia
o fafine ua oti a latou tane? (Ia sue e le vasega ia igoa o alii
e toafitu ma tusi i luga o le laupapa.)
Faitau e se tagata o le vasega ia le saunoaga lenei a Elder
Bruce R. McConkie:
“O le galuega na tuuina atu ia i latou e pau i le vaega
o mataupu faaletino e masani ona faataunuuina e le
Perisitua Arona, ae avanoa ia aposetolo e feagai ma
mea faigata o o latou tiute faa-Mekisateko” (Doctrinal
New Testament Commentary, 2:65)
Fesili:
• O a ni lu’i faapea o loo feagai ma i tatou i ona po nei?
• E faapefea e le au Perisitua Arona ona tausia ia fafine ua oti
a latou tane?
• E faapefea ona faamamaina ia le avega a ta’ita’i o le
Ekalesia pe afai e faia ma le faatuatua ia galuega a i latou
e umia le Perisitua Arona.
Tofi se tagata o le vasega e faitau le Galuega 6:3 ma fesili:
• O a uiga sa mana’omia e Aposetolo i le sailia o alii
e to’afitu?
• E faapefea i nei uiga ona fesoasoani i le faaagavaaina
o i tatou e auauna atu i le Ekalesia i ona po nei?
Faitau le Galuega 6:7–8 ma saili ni faamaoniga o nei valaauga sa
musuia. Fesili: O a ni auala e mafai ai ona faamanuiaina e e
umia le perisitua ia fafine ua oti a latou tane ma le Ekalesia atoa.
Galuega 6:5–7:60. O e faatuatua e olioli
i faamanuiaga a le Atua i le olaga nei faapea
ma le oti. (20–25 minute)