O le a le Feagaiga Fou?

O le Talalelei e Tusa ma le Faamatalaga a Luka
Na faamalamalamaina e Peresitene John Taylor:
“E ao ia Iesu ona aveeseina ia agasala i le taulagaina
lea o Ia lava. ... Ma a o tauaveina e Ia ia agasala a
tagata uma, ma togiola mo agasala e ala i le taulagaina
o Ia lava, o lea na oo mai ai i Ona luga le mamafa ma le
tiga o augatupulaga uma, o le tiga e le mafaamatalaina
na oo mai ona o lenei taulaga togiola lea na Ia
tauaveina ai agasala a le lalolagi, ma puapuaga i Ona
lava taunuuga ona o se tulafono e faavavau a le Atua
na solia e le tagata. O Lona tiga tele, o Lona
puapuaga e le mafaamatalaina, na iloa uma lava ina
ua ia gauai atu i le poloaiga a Ieova ma tulaga
manaomia o le tulafono.
“O puapuaga o le Alo o le Atua e le na o le mafatia i le
oti faaletagata; aua e manatu i le tulaga na Ia faia i le
saunia o se togiola mo agasala uma a le lalolagi sa Ia
tauaveina ai le mamafa, o le tiutetauave, ma le avega
o agasala a tagata uma, lea tatou te le gafatiaina. ...
“O le oi ai i lenei avega mamafa, o lenei tofiga a le
faamasinoga tonu, lea na tootuli ai tulivae uma, ma o le
tiga na iloa ai le tafe mai o le toto i puninii uma o le
tino, o lea sa Ia alaga atu ai faapea, ‘Lo’u Tama e, afai
e mafai, ia aveese lenei ipu ia te au.’ Sa ia tauivi ma
lea avega mamafatu i le vao, sa Ia tauivi ma mana o le
pouliuli lea sa tau fetuleni atu ia te Ia iina; i Lona
faamaualalo i mea uma, sa tumu Lona mafaufau i le
tiga ma le mafatia, ma ua tuua na o Ia ma e foliga
mai ua leai sona fesoasoani ma ua faagaloina, o lona
mafatia na tafe mai ai le toto i pu ninii o Lona tino”
(Mediation and Atonement [1882], 149–50).
Luka 22:41–23:25 (tagai foi Mataio
26:36–27:26; Mareko 14:32–15:15;
Ioane 18:1–19:16). E ui lava sa teenaina o Ia,
faalataina, ulagia, ma fetuuina, ae na naunau
lava Iesu Keriso ina ia puapuagatia ma togiola
mo agasala a tagata uma. (40–45 minute)
S M T W TH F S
Faaali atu se ata o Iesu Keriso. Ia valaaulia tamaiti o le vasega
e faitau le Isaia 53:3–10 e vaai ai mo upu ma fuaitau na
e faamatalaina ai po o a mea na faia e le toatele o tagata i le
Faaola, ma lisiina i luga o le laupapa. Ia faailoa atu i tamaiti
o le vasega o le soifuaga o Keriso o se olaga e tumu i le
auauna atu, alofa, faamagalo atu, faamanuia, ma le faamalolo.
Fesili atu: Manatu i mea uma ua Ia faia mo i tatou, o le a sou
manatu aisea na toatele ai tagata sa toe faasagatau ia te Ia ma
soona sauaina o Ia? Ina ia fesoasoani e tali lenei fesili, ia faitau
le 2 Nifae 2:11, 27 ma le Mosaea 3:19, ma fai atu i tamaiti o le
vasega e aumai ni o latou lava manatu. Ia fetufaai atu foi le
saunoaga lenei mai ia Peresitene Brigham Young:
110
“O tagata amioleaga, o Satani, ma mana uma lava
o seoli e inoino ma e faasagatau mai i soo se mataupu
faavae paia lava e finagalo le Atua e tuuina atu i ana
fanau” (Discourses of Brigham Young, sel. John A.
Widtsoe [1941], 348–49).
Fai atu i tamaiti o le vasega e faitau le Luka 22:39–42 ma le
Luka 23:20–25 ma vaai ai mo le upu finagalo i fuaiupu na. Fai
atu i tamaiti o le vasega e faatusatusa le finagalo o Iesu Keriso
i le loto po o manao o tagata. Fesoasoani i tamaiti o lau vasega
ia talisapaia le alofa o Iesu mo tagata uma ma na ia filifili
e togiola mo agasala a tagata uma, e ui lava e toatele na
inoino ia te Ia ma e toatele o le a le taliaina le atoatoaga
o faamanuiaga o le Togiola. Fesili atu:
• O a nisi o ou manaoga amiotonu?
• O a ituaiga tagata e foliga mai e tetee i ou manaoga
amiotonu?
• E faapefea ona e faatoilaloina lena tetee?
Ia molimau atu faapea e mafai ona tatou aoao ia iloa ona
faatoilaloina ia mea faafeagai e ala lea i le mulimuli i le
faataitaiga a Iesu Keriso. Ia valaaulia tamaiti o le vasega e faitau
lemu le Luka 22:41–23:25. Fai atu i le afa o le vasega e vaai mo
faataitaiga i le auala na mafatia ai Iesu, ae fai atu i le isi afa
e vaai pe na faapefea ona faaalia le alofa o Iesu i tagata. Tuu atu
ia i latou e fetufaai mea na latou mauaina ma talanoaina pe
mafai faapefea ona tatou mulimuli i le faataitaiga a le Faaola.
Faitau le Alema 42:14–15. Ia faailoa atu, e mafai ona faapei
i tatou o tagata na teenaina ia Iesu Keriso, i taimi tatou te
faatiga ai ia te Ia i le filifilia lea o le agasala. Ia faailoa atu,
talu ai ona o Lona alofa mo i tatou uma, ua Ia togiola ai mo
a tatou agasala ina ia mafai ona faaolaina i tatou. Fesili atu:
E faapefea ona aafia ai lou alofa i lo tatou Faaola i lena mea?
Luka 23:13–56 (tagai foi Mataio 27:15–61;
Mareko 15:6–47; Ioane 18:39–19:42). O le
Faasatauroga o Iesu Keriso o se vaega o le
fuafuaga o le fiafia a le Tama. (20–25 minute)
O se taimi lelei lenei e tuu atu ai i tamaiti o le vasega e suesue,
mafaufau loloto, ma lagonaina le taua o le Faasatauroga o Iesu
Keriso. Mafaufau i le taina musika paia ma le teuteuina o le
potu i e auala faapitoa. A o taunuu atu ia tamaiti o le vasega,
ia tofiaina i latou i se tasi o tagata nei: Parapa, Simona le
Kurene, o se afafine o Ierusalema, o le pagota i le itu taumatau
o Iesu, o le pagota i le itu tauagavale o Iesu, o se tagata o loo
matamata atu, o se taitai, o se fitafita Roma, o le taitai o le
toaselau, o se tagata e masani ia Iesu, Iosefa le Arimataia,
o se tamaitai na sauniaina le tino o Iesu mo le falelauasiga.
Ia valaaulia tamaiti o le vasega faitau lemu le Luka 23:13–56
ma vaai faalemafaufau i mea na tutupu mai le tulaga o le