O le a le Feagaiga Fou?

O le Tusi Muamua a le Aposetolo o Paulo i Korinito
Ia fesili atu: Pe faapefea ona faatatau lenei faamatalaga i le
faatusatusaga a Paulo sa fai i le tagata taalo?
Ia vaevae le vasega i ni vaega se fa ma ia tuuina atu i vaega
taitasi mau o loo i lalo e suesue i ai:
• 1 Korinito 10:7; Esoto 32:6–8, 17–20
• 1 Korinito 10:8; Numera 25:1–9
• 1 Korinito 10:9; Numera 21:1–9
• 1 Korinito 10:10; Numera 16:41–50
Ia toe faamatala mai e vaega taitasi le tala mai ia latou mau ua
tofia i ai ma ia faamatala le faaosoosoga sa feagai ma le fanauga
a Isaraelu. Ona talanoa lea o le vasega i fesili o loo i lalo:
• O le a se faamaoniga o loo i ai e ta’u mai ai na le i ai i le
toatele o tagata Isaraelu le pulea e le tagata o ia lava?
• Pe mafai faapefea ona avea le pulea o le tino ma mea
e fesoasoani ai ia te’i latou?
• O a ni faigata ua i ai i tagata e tusa ma le feagai ma
faaosoosoga o le tino i aso nei?
• O le a se mea e mafai ona tatou fai e fesoasoani ai i tatou
ia i tatou lava?
• O a ni auala e mafai ona fesoasoani mai ai le Alii?
Faitau le 1 Korinito 10:1–4 ma ia saili i le auala na taitaiina
ai le fanauga a Isaraelu i aso anamua. Ia fesili atu:
• O ai le Papa?
• O le a le mea e ai ma le vai faaleagaga na Ia saunia?
(tagai Esoto 16:15; Numera 20:7–11).
• O le a le mea ua Ia saunia i aso nei? (Tagai 1 Korinito
10:16–17).
Ia tautino atu ona o leTogiola, o lea e mafai ai ona tatou maua
le ola e faavavau pe afai tatou te tausia a tatou feagaiga. (Atonu
e te manao e faaaoga le faamatalaga o loo i ai i Fautuaga mo
le Aoao Atu mo le 1 Korinito 10:13 ma uunaiina tagata o le
vasega ina ia manumalo i o latou tino ina ia mafai ona latou
maua le taui.)
1 Korinito 10:13 (Mau Tauloto). Talu ai ona
o le alofa o le Atua ia i tatou, o le mea lea
ua Ia saunia ai se auala mo i tatou e alo ese mai
ai mai faaosoosoga ma onosaia o tatou
tofotofoga. (5–10 minute)
Ia talanoa ma tagata o le vasega e uiga i le mana o le tiapolo
ma ia fesili atu: Pe faapefea ona mailei i tatou e Satani i le
agasala? Ia faaaoga nisi fesili e pei o ia o loo i lalo:
• Pe mafai ea e Satani ona uunai oe ia e agasala?
• Pe mafai faapefea e Satani ona manumalo pe faatosinaina
i tatou?
• O a ni auala poto na te faaaoga e maileia ai oe ina ia agasala?
186
Faitau le faamatalaga o loo i lalo a le Perofeta o Iosefa Samita:
“O tagata uma lava o e faitino o loo ia i latou le mana
e manumalo ai ia i latou e le o i ai ni tino. E le o i ai i le
tiapolo se mana e manumalo ai ia i tatou ma e faatoa
mafai pe a tatou faatagaina o ia” (Teachings of the
Prophet Joseph Smith, 181).
Fesili atu: O le a se mea e faaopoopo atu i lou malamalamaga
e uiga i le mana o Satani e faatosina ai i tatou ina ia agasala?
Faitau atu i tagata o le vasega le vaega muamua o le 1 Korinito
10:13 (e oo i le fuaitau “e sili i se mea ua outou lavatia”). Fesili
atu: Pe ua faapefea ona faamaonia e lenei mau le faamatalaga
a Iosefa Samita? Ia molimau atu ua ia i tatou le mana
e manumalo ai ia Satani.
Ia faitau le tala o loo i lalo mai ia Peresitene Boyd K.Packer,
le sui Peresitene o le Korama a le Toasefululua:
“Ua faamatalaina se tala e uiga i se tupu o le na filifili
ni ave taavale se lua e fai ma ana ave taavale. Sa ia
faatonuina i la’ua uma e ave lana taavale agai i lalo i se
ala tafato ma taamilomilo mai lalo o se tafato maualuga.
“Sa sau aga’i i lalo le ave taavale muamua, ma sa pipii
latalata lava i autafa o le tafato. Sa faaalia e le ave
taavale lona lua le talenia tele ma le poto. Sa alu
saoasaoa aga’i i lalo o le mauga, ma sa latalata lava le
taavale i nisi taimi i luga o augutu o le ala ma o le
mea lea sa sosolo ai i luga o pito o le tafato ia vaega
o pa’u o le taavale.
“Sa poto tele lenei tupu, ma sa ia filifili ma le poto le
tagata muamua e fai ma ave taavale o lana taavale.
Ua sili ona lelei le tausisi pea i le pito saogalemu
o mea” (Liahona, Iulai 1996, 20).
Ia fesili atu i tagata o le vasega: E tusa ai ma lenei tala,
o le a se auala lelei e alo ese ai mai le mana o Satani?
Ia faitau mai e se tagata o le vasega le 1 Korinito 10:13. Fesili
atu: O le a le mea ua faaopoopo mai e le vaega mulimuli
o lenei fuaiupu i lo tatou malamalama? Sa faaauau e le
Perofeta o Iosefa Samita lana faamatalaga e faapea:
“O le taimi lava tatou te tetee ai i soo se mea mai le
Atua, e manumalo le tiapolo ia i tatou” (Teachings of
the Prophet Joseph Smith, 181).
Fesili atu: O le a se mea tatou te aoao mai i lenei mea?
Ia fesoasoani atu i tagata o le vasega ina ia malamalama pe
a tatou faatemutemu i faaosoosoga e alu ese le mana mai ia