O le a le Feagaiga Fou?

O le Tusi Muamua a Peteru
Valaaulia tamaiti o le vasega e mafaufau pe o le a “lenei
faamoemoe”, ma tusi o latou manatu i luga o le laupapa. Faitau
le Eteru 12:4–6 ma mataituina upu autu o loo faamatalaina ai
lenei faamoemoe. Ia talanoaina fesili nei:
• E faapefea ona aumaia e le faatuatua ma le talitonu
i le Atua se faamoemoe mautinoa?
• O le a le mea o loo faatusaina i ai e Eteru lenei ituaiga
o faamoemoe?
Ia toe foi atu i le saunoaga a le Perofeta o Iosefa Samita ma
fautua atu e mafai foi ona faitauina faafaatusa. Ia fai atu
i tamaiti o le vasega ia ta’uina mai ni auala e faatusaina i ai le
pãpã o faititili, le feemo o uila, le lulu o mafuie, ma le oo mai o
taua i o latou lava olaga. Ia toe faitau le saunoaga a le Perofeta
o Iosefa Samita ma sui tulaga i ai fautuaga na tuuina mai e le
vasega mo faititili, o uila, o mafuie, ma taua. Ia fesili atu:
• E mafai faapefea e se faamoemoe mautinoa i le toe tutu
mamalu ona taulaina i tatou ao tatou feagai ai ma luitau
o le olaga?
• E mafai faapefea ona tatou mautinoa o loo loloto ma mamau
lo tatou taula ma taofiofiina ai i tatou mai le fesoua’iina.
• E faapefea ona faatupulaiaina lou lototele i le iloaina o lenei
faamoemoe o le a “fesoasoani i lou agaga i taimi uma
o tofotofoga, faalavelave ma faigata”?
• Aisea e foliga mai ai e faamatagatagaina e faaosoosoga
o tatou taula ma luitauina ai lo tatou faatuatua?
Faitau le talaaga faasolopito o le faatomuaga o le tusi o le
1 Peteru (i. 241) ma talanoaina ia tofotofoga na feagai ai ma le
Au Paia o anamuã. Ia fesili atu: Aisea na tofotofoina ai lo latou
faatuatua i tulaga na latou i ai? Ia faamatala atu o Peteru, i le
avea ai ma Peresitene o le Ekalesia, na tuuina atu apoapoaiga
ia i latou i le ala e taulimaina ai o latou tofotofoga. Vaevae
poloka o mau nei i tamaiti o le vasega: 1 Peteru 1:3–11;
2:19–25; 3:8–17; 4:12–19. Ia fesili atu ia i latou ia sueina ma
tusiina i lalo ia aoaoga o loo faagaeetiaina ai i latou e uiga
i tofotofoga. Ia talanoaina mea na i le vasega.
Ia molimau o le faatupulaiaina o lo tatou faatuatua o le a saunia
ai mo i tatou se faamoemoe e taulaina i tatou i le Atua ao tatou
onosaia tofotofoga o le olaga. Faitau le 1 Peteru 1:7; 2:21; 3:17;
4:12–13. Ia faaiuina e ala i le molimau atu e uiga i le taua ma
le aoga o le onosaia o tofotofoga o lo tatou faatuatua.
1 Peteru 2:1–17. Ua valaauina e le Atua le Au
Paia ina ia tea ese ma o ese mai le lalolagi.
(20–25 minute)
Tusi upu nei filifilia, tautupu, paia, ma le tulaga ese i luga o le
laupapa. Ia fai atu i tamaiti o le vasega ia mafaufau faapea o loo
tutu i latou i le nofoalii o le Atua. Valaaulia i latou e filifili se
upu e tasi mai le lisi e pito sili ona mananao i latou e faaaogaina
e lo latou Tama Faalelagi e faamatalaina ai i latou. Ia fesili atu pe
o le fea o tamaiti o le vasega na filifiliina le upu filifilia. Fesili
atu ia i latou pe aisea. Toe tuu atu fesili nei mo isi upu e tolu.
242
Faamatala i lona tulaga lautele o le uiga o le fasi fuaitau nuu na
faatauina mai o le tulaga ese, poo le ese lava. Faitau le 1 Peteru
2:9 ma fesili pe o le a so latou manatu i le uiga o le saunoaga
a Peteru o le Au Paia o se “nuu na faatauina mai.” Ia fesili
atu: Aisea ua avea ai le “nuu na faatauina mai” o se faalagina
lelei? Ia fetufaai atu le saunoaga a Elder Russell M. Nelson
e uiga i lenei upu:
“O lea ua tatou iloaina nei o le upu o loo i tusitusiga
paia o le faatauina mai o loo faatusaina i ‘oloa taua,’
‘o le faia’ poo ‘le filifiliaina e le Atua.’ I le faalagilagiina
o i tatou e auauna a le Alii o lona nuu na faatauina mai
o se faaupuga faaviivii lea i se tulaga pito sili ona
maualuga” (Liahona, Iulai 1995, 39).
Ia talanoaina le ala e mafai ai ona avea i tatou ma “oloa
faapitoa” a le Atua. Ia fesili atu: O le a le mea e ao ona faia
e se tasi e ãnaina ai se mea? Fai atu i le vasega e faitau le
1 Korinito 7:23 ma le Galuega 20:28 ma mataituina le tau na
totogiina mo i tatou ina ia avea ma oloa faapitoa a le Atua. Ia
fesili atu: I lo tatou iloaina na totogiina e Iesu Keriso se tau
e matua maualuga lava mo i tatou ina ia avea ma nuu na
faatauina mai, filifilia, tautupu, ma paia, o le a se mea e ao ona
tatou faia? Vaevae le vasega i ni vaega se lua. Ia sueina e le
tasi vaega le 1 Peteru 1:1–5, 13–25 ma le isi vaega e sueina le
1 Peteru 2:1–17 mo mataupu faavae e fesoasoani ia i tatou ia
avea pea ma oloa faapitoa a le Atua. Lisi ia mataupu faavae
i luga o le laupapa pe a mauaina e tamaiti o le vasega.
Faitau le vaega o loo faaulutalaina “O le a le Pogai o Aoaoga
Faavae?” o loo i le tamaitusi o le Mo le Malosi o le Au Talavou
(i. 6). Ia talanoaina:
• Aisea ua tuuina mai ai e le Alii ia i tatou ia tulaga faatonuina?
• E mafai faapefea i le ola ai i Ona tulaga faatonuina ona
avea ai i tatou ma tagata tulaga ese mai le vaega tele
o le lalolagi?
• E mafai faapefea ona fesoasoani ia i tatou le faatusatusaina
o a tatou amioga ma manatunatuga i tulaga faatonuina
a le Atua?
Ia molimau atu e finagalo lo tatou Tama o i le Lagi ia avea
i tatou ma ni tagata tulaga ese, ma ia ese mai ia i latou o e o loo
ola i le olaga i ala o le lalolagi. Ia molimau o le a ese lava
i tatou ma agavaa ina ia mauaina “faamanuiaga e le mafaitaulia
mai le lagi” pe afai tatou te filifili ia ola e tusa ai ma feagaiga
ma poloaiga o le talalelei.
1 Peteru 3:18–20; 4:6. Na saunia e Keriso le ala
mo le talaiina o le talalelei ia i latou o e ua
maliliu. (25–30 minute)
Ia valaaulia se tagata o le vasega e alu atu i luma. Ia fai atu
i se isi tagata o le vasega e alu atu i fafo ma tapuni le faitotoa.
Ia fai atu i le tagata o loo i luma e faamatalaina lemu ma
faapuupuu le tala ia Iosefa Samita. Fai atu i le tagata o loo
i fafo e sau i totonu, ma fesili atu i ai pe na ia lagonaina le