O le a le Feagaiga Fou?

O le Talalelei e Tusa ma le Faamatalaga a Luka
• O le a le “mea lelei” lea na filifilia e Maria?
• O le a se mea e mafai ona tatou aoaoina mai le mea na
fetalai atu ai Iesu ia Mareta?
Faitau le saunoaga lenei mai ia Elder Dallin H. Oaks ma
molimau atu ai i lona moni:
“O lenei mau e faamanatu atu ai i Mareta uma lava,
o alii ma tamaitai, e le tatau ona faatumuina i tatou
i fuafuaga ma mea faaletino ae tatou toilalo ai e
faapelepeleina ia avanoa na e tupito ma faaleagaga”
(i le Conference Report, Oke. 1985, 76; po o le
Liahona, Ian. 1986, 61).
Faitau le saunoaga lenei mai ia Elder James E. Talmage:
“E le o i ai se faitioina o le naunau o Mareta e saunia
faalelei; pe teenaina foi le vaega a Maria ia. E tatau ona
tatou manatu faapea ane sa matuai pulunaunau ia
Maria e fesoasoani atu ae le’i taunuu le Matai; ae o lea
ua taunuu atu o Ia, sa ia filifili loa e mafuta faatasi ma
Ia. Ana faapea e tuuaia o ia i le le amanaiaina o lona
tiute, semanu e le faamalo atu ia Iesu i lana mea sa fai.
E le’i finagalo o Ia e saunia ni meaai ma ni mea
faaletino, ae o le tali malo o le auuso, ae le gata i lea
o lo laua gauai atu i mea sa Ia fetalai i ai. E tele mea
sa Ia tuuina atu ia i laua nai lo mea atonu sa mafai
ona la tapenaina mo Ia. Sa alofa Iesu i le auuso uma
e toalua faapea lo la tuagane,. O nei tamaitai uma
e toalua sa faamaoni ia Iesu, ma sa tofu lava i la’ua
ma le auala sa faaalia mai ai. O le faatinoga o le alofa
o Mareta, sa popole i le auaunaga faaletino; o lona
lava natura o le tali malo ma le agalelei. O Maria,
e manatunatu ma e matele i le faaleagaga, na faaalia
lea i lona naunau atu i le auaunaga o le faaaumea ma
le talileleia” (Jesus the Christ, 433).
Ia uunaia tamaiti o le vasega ina ia ola i se auala e mafai ai
e le Agaga o le Faaola ona faatasi ma i latou i aso uma, ma
saili se taimi i aso uma e tatalo ai, suesue ai tusitusiga paia,
ma mafaufau loloto ai.
Luka 11:1–13 (tagai foi Mataio 6:5–15; 7:7–12).
Ua aoao mai e Keriso ia i tatou le auala e tatalo
ai. (15–20 minute)
A maea loa lava le tatalo amata, ona fesili atu lea:
• Aisea e fai ai se tatou tatalo amata?
• Aisea tatou te manaomia ai mea na sa tatou tatalo atu ai?
• O a mea e tatau ona tatou tatalo atu ai? O a mea e le tatau
ona tatou tatalo atu ai?
• Faitau le Luka 11:1. Aisea e taua ai le faaupuga “aoao mai
ia te i matou i tatalo”?
92
• Faitau le fuaiupu e 2–4. O le a le mea na fetalai le Faaola
e taua ona tatalo atu ai?
Mafaufau e tuuina atu ia fesili nei:
• O le a le mea tatou te ole atu ai e tai tutusa ma le tatalo atu
mo le “mea e ai e tatau ma le aso”?
• E faafia ona tatau ona tatou ole atu mo le faamagaloga?
• Aisea e taua ai le tatalo atu ina ia aua ne’i taitaiina i tatou
i le faaosoosoga i le lalolagi o loo tatou ola ai?
• Pe i ai nisi vaega o le tatalo ua aoaoina ai oe e le o tusia
i nei fuaiupu?
Fai atu i tamaiti o le vasega e faitau ma le filemu ia faataoto
o loo i le Luka 11:5–13. A maea ona latou faitau, ona fai atu lea
ia i latou e tusi i lalo le mea sili ona taua sa latou aoaoina
e faapea foi ma se fesili se tasi e uiga i le tatalo. Fai atu i ai
e tauaao atu ia te oe mea na latou tusia. Faitau nisi o a latou
tali, ma tali soo sa latou fesili e te lagonaina e manaomia i ai
se tali. Ia uunaia tamaiti o le vasega ina ia vaai atu i le Alii mo
tali i le auala e tausia ai pea a latou tatalo ina ia talafeagai ma
le auala e aoga ai. Ia fetufaai atu le vaega lenei mai ia Elder L.
Edward Brown, o se tasi o le Au Fitugafulu:
“O’u uso e ma tuafafine ma uo pele, ou te tuuina atu
la’u molimau paia ia te outou faapea e fesootai mai le
Alii ia i tatou taitoatasi. Ia aua, aua lava ne’i lolo atu i le
manatu lea faapea e le manatu mai o Ia mo outou, ma
e Na te le silafiaina outou. O se pepelo faasatani lena,
ua fuafuaina e faaleagaina ai outou” (i le Conference
Report, Ape. 1997, 109; po o le Liahona, Iulai 1997, 78).
Luka 11:37–54 (tagai foi Mataio 23:1–36; Mareko
12:38–40). E tatau ona tatou malamalama ma
aloese mai le pepelo. (20–25 minute)
Aumai i le vasega ni atigi pusa se lua ua afifiina faalelei. Tuu
se mea manaia ma mama i totonu o se tasi o atigi pusa (e pei
o se fugalaau matala) ma se mea eleelea i totonu o le isi (e pei
o se meaai ua mafu). Ia valaaulia se tamaitiiti o le vasega
e filifili se tasi o meaalofa, ma tuu atu le isi meaalofa i le isi
tamaitiiti o le vasega. A maea ona la tatalaina ia meaalofa,
ona fesili atu lea:
• O le fea e sili atu ona taua, o fafo po o totonu?
• O le a le mea na taufaasese i le meaalofa leaga?
• E faapefea ona faapenei ia isi tagata?
• Faitau le Luka 12:1. O le a le upu o loo i lenei fuaiupu
e faamatalaina lelei ai le meaalofa leaga? (Pepelo.)
• O le a le faauigaina o le “tagata pepelo”?
• E faapefea ona ese mai se tagata pepelo mai se tagata
o loo taumafai e fai le mea sa’o ae ua faia ni mea sese ona
o vaivaiga?