O le a le Feagaiga Fou?

O le Talalelei e Tusa ma le Faamatalaga a Mataio
i ai ina ia aloese mai le faasalaga? Amuia e alolofa atu aua
e alofaina outou!“
6. Amuia å loto mamã: “Afai o le a e vaai i le Atua e tatau ona
e mama. O loo i ai i tusitusiga a Iutaia le tala i se tamaloa
na ia vaai atu i se mea faitino i se mea mamao lava, o se
mea sa ia manatu o se manu. Ina ua tau lalata atu i ai sa ia
iloaina ai o se tagata ma ina ua matuai latalata atu lava ia te
ia sa ia iloa ai o lana uo. E mafai ona e vaai i mea na e manao
ou mata e vaai i ai. O nisi o tagata sa faifaimea faatasi ma
Iesu sa na ona latou vaai ia te Ia o se atalii o Iosefa le
kamuta. O isi sa manatu o ia o se tagata ua inu tele i le uaina
po o se tagata onã ona o ana upu. Ae o isi o loo latou
manatu o ia ua ulufia i temoni. Sa na o tagata amiotonu lava
sa latou vaai atu ia te ia o le Alo o le Atua. Seiloga lava
e mama lou loto ona faatoa mafai lea ona e vaai i le Atua,
e le gata i lea o le a mafai ona e vaai i le ‘Atua’ po o le lelei i le
tagata ma alofa ia te ia ona o le lelei o loo e vaai atu ai ia te
ia. Ia faaeteete i le tagata lena e faitioina ma taufaaleaga i le
tagata o le Atua po o taitai faauuina a le Alii. O se tagata
faapea e tautala mai o ia i se loto eleelea.”
7. Amuia å faatupuina le filemu: “O tagata faatupu filemu
e taua o fanau a le Atua. O le tagata faatupu faalavelave,
o le faatautee i le tulafono ma le poloaiga, o le taitai o tagata
leaga, o le tagata solitulafono e uunaiina e uiga o le tiapolo
ma seiloga latou te tuu pe taofia na uiga o le a lauiloa i latou
o fanau a Satani ae le o ni fanau a le Atua. Ia aloese outou
mai ia te ia o lå na te faatupuina ia masalosaloga e ala lea i le
faalauaiteleina atu o mea paia aua na te le o sailia le filemu
ae o le faasalalauina atu o le fenumiai. O le tagata e finau
pe lotovale, ma o ana finauga e mo nisi faamoemoega nai
lo le sailia o le mea moni, ua solia se mataupu faavae na
faataatia mai e le Matai o se vaega taua lea o le atinaeina
o se olaga faatamaoaigaina atoatoa. ‘O le manuia i le lalolagi,
ma le finagalo alofa i tagata o le pese lena na usuina e agelu
i le fanau mai o le Alii o le Filemu.”
8. Amuia å sauania: “Talosia ia manatua e le autalavou uma i
soo se mea ina ia lapataia pe afai e ulagia ma taufaifai
tagata ia te outou ona o lo outou mumusu e fetuunaia
o outou tulaga o mea e faasaina, o le faamaoni ma le ola
mama ina ia taliaina ai e le lautele o tagata. Afai tou te
tutumau i le mea moni e ui lava i ni faatosinaga a tagata po
o ni sauaga foi, o le a faapaleina outou i le olioli e faavavau.
O ai na te iloa pe atonu e toe moomia foi e pei ona i ai i nisi
o le au paia e oo lava i aposetolo, e pei ona i ai i aso ua
tuanai, le tuuina atu o o latou ola i le puipuia o le upumoni?
Afai e oo mai lena taimi, o le a le tuuina atu i latou e le Atua
ina ia faatoilaloina!“ (Decisions for Successful Living, 57–62).
Tuu atu i tamaiti o le vasega e tusi i luga o se fasi pepa ia
Faaamuia e sili ona latou ola ai ma Faaamuia o le a latou
matuai faaaogaina ma le atoatoa i o latou olaga.
Mataio 5; 7:15–27 (tagai foi Luka 6:20–36,
44–49). Afai tatou te faia le mea sili tatou
te mafai i le tausiga o poloaiga, o le a
faaatoatoaina i tatou e le Alii. (25–30 minute)
S M T W TH F S
28
Fesili atu i tamaiti o le vasega: O le fea poloaiga tou te manatu
e faigata atu ona tausi? Lisi a latou tali i luga o le laupapa.
Fesili atu: O le fea poloaiga e sili atu ona faigata i poloaiga uma?
Afai e le o lisiina ai le atoatoa, ona fai atu lea i tamaiti o le
vasega o le Mataio 5:48 o loo faamatalaina mai ai se poloaiga e
faigata atu nai lo soo se poloaiga lava o loo lisiina mai i luga o le
laupapa. Faitau le Kenese 6:9; Iopu 1:1; 1 Nifae 3:7; Mataupu
Faavae ma Feagaiga 107:43; ma le Mose 8:27, ma mafaufau pe
mafai ona atoatoa. Ona faitau lea o le Moronae 10:32–33 ma
vaai ai pe mafai faapefea ona tatou atoatoa ae pe na faapefea
e tagata o loo ta’ua i mau na muamua atu ona faaatoatoaina.
Ae le’i amataina le vasega, ia ave se pepa telå po o se pepa
lautele ma tusi ai i mataitusi lapopoa le, “Ia Atoatoa e pei o le
Tama Faalelagi.” Faafao ma tusi ai ni vaega se sefulufitu o se
paso i le pito i tua. Tusi se mau mai le siata o loo i ai i luga
o vaega taitasi, ona ‘oti’oti lea o vaega o le paso.
Uiga o le Atoatoa
Mataio 5:3 Ia mativa i le agaga (lotomaualalo)
Mataio 5:5 Ia agamalu
Mataio 5:6 Fia ai ma fia inu i le amiotonu
Mataio 5:7 Ia alofa atu
Mataio 5:8 Ia loto mama
Mataio 5:9 Ia faatupu filemu
Mataio 5:13–16 Ia taua i tagata; ia fai ma faataitaiga lelei
Mataio 5:19–20 Tausi poloaiga ma ia amiotonu
Mataio 5:21 Aua le fasioti tagata
Mataio 5:22 Aua le ita ma aua le taufaifai i tagata
Mataio 5:23–25 Ia fai se faaleleiga ma tagata
Mataio 5:27 Aua ne’i faia ni uiga eleelea i soo se auala
Mataio 5:28 Ia mafaufau i mafaufauga mama
Mataio 5:31–32 Galue mo se faaipoipoga faamanuiaina
ae aloese mai le tatalaina o se faaipoipoga
Mataio 5:33–37 Ta’u atu le mea moni ma ia faamaoni
i lau upu
Mataio 5:38–42 Ia loto faamagalo, alofa, ma loto foai
Mataio 5:43–44 Alofa ma tatalo mo ou fili
I totonu o le vasega, tusi le Ia Atoatoa e pei o le Tama Faalelagi
i luga o le laupapa. Tufatufa atu vaega o le paso i au tamaiti
o le vasega, faamalamalama atu afai e sa’o ona tuufaatasi le
paso o le faaupuga lena o le a maua mai ai. Ta’u atu i tamaiti
o le vasega o le upu atoatoa o loo i le Mataio 5:48 e sau mai le
upu Eleni o le teleios, lea e mafai foi ona faaliliuina o se “mea
atoa” po o le “atoa lelei.” Faaaoga lenei faauigaina, o
apoapoaiga a le Faaola o loo i le Mataio mataupu 5 e mafai
ona avea ma ni vaega o se paso lea e mafai ona faataunuuina
uma ona faatoa mafai lea ona atoatoa o se tasi.
Fai atu i tamaiti o le vasega e vaai i mau o loo i tua o a latou
vaega o le paso. Fai atu ia i latou e tusi ia uiga o le atoatoa
o loo i a latou mau, ia tusi muamua i luga o le vaega o le paso
ona tusi ai lea i luga o le laupapa i lalo ifo o le Ia Atoatoa e pei
o le Tama Faalelagi. (E le tau tulia ia tutusa lelei ma faaupuga
o loo i luga o le siata.) Ona tuu atu lea ia i latou e galulue