O le a le Feagaiga Fou?

O Se Faatomuaga i le Feagaiga Fou
• Ua tuuina atu e le Tama Faalelagi le faamasinoga uma
i le Alo.
• E mafai e le Atua ma e fesootai sa’o mai i olaga o tagata.
• Ua vaevaeina le Lagi i ni malo eseese o le mamalu.
• Tatou te mauaina faamanuiaga mai le Atua e ala lea
i le osia ma le tausia o feagaiga paia.
• O le ifo i tupua i soo se ituaiga o le faatamaia lea
faaleagaga.
• Ua valoia le Afio Faalua Mai o Iesu Keriso, e aofia ai ma
mea e tutupu i aso mulimuli.
Talu ai ona o loo tatou ola i se vaitaimi e matuai ese ai lava ia
taimi ma aganuu nai lo le vaitaimi o le Feagaiga Fou, o lea ua
aumaia ai ma ni luitau ia i latou e suesueina le Tusi Paia. I le
faaopoopo atu i ai, o le tusi o loo tatou umiaina nei e le o atoatoa.
E tele vaega “ua malamalama i ai” na aveeseina (1 Nifae
13:26). O le tele o mea na leiloloa na toefuataiina e le Tusi a
Mamona, o le Faaliliuga a Iosefa Samita o le Tusi Paia, ma isi
faaaliga i ona po nei (tagai 1 Nifae 13:33– 41). E le gata i lea,
o nisi vaega o le Tusi Paia ua faanunumi pe nanaina i gagana
faatusa. O ia ituaiga valoaga e faapea ua musuia perofeta
anamua ina ia ufiufia a latou tusitusiga i faailoga sa aoga aua
o i latou o e sa taumafai e aveesea vaega “malamalama ma le
taua” ua tuueseina le tele o fuaiupu le mautonu e faatatau
i ai. O lea, ua tele ai upumoni ua faasaoina ina ia faitau ma
malamalama i ai e ala i le mana o le Agaga Paia ma le “Agaga
o valoaga” (2 Nifae 25:4) lea ua faaavanoaina mai e le Atua
i le Au Paia o Aso e Gata Ai.
E Faapefea
Ona Faatulagaina le Feagaiga Fou?
O le Tusi Paia e le o se tusi se tasi ae o se tuufaatasiga o ni tusi;
o le uiga lena o le upu bible. O nei tusi e le o faatulagaina i le
faatulagana na tusia ai e pei ona o loo faaali mai ai i le Tusi
Paia. O le Feagaiga Fou o loo aofia ai ni tusi se luasefulufitu
lea e mafai ona vaevaeina i ni vaega autu se fa e fuafua lava
i le natura o o latou autu.
1. Tusi o Talafaasolopito—O le vaega lenei e aofia ai ia
Talalelei e fa ma le tusi o Galuega. O Talalelei o loo tusia ai
molimau a Mataio, Mareko, Luka, ma Ioane e faatatau i le
galuega a le Faaola. O le tusi o Galuega o se tala lea i le
galuega a nisi o aposetolo a le Alii. O Talalelei e mafai foi ona
vaevaeina i ni vaega se lua. O Mataio, Mareko, ma Luka ua
lauiloa o Talalelei e talitutusa ona o a latou faamatalaga.
O le molimau a Ioane o se molimau e tulagaese mai ai ma
ua manatu na tusiaina faapitoa lava mo tagata o le Ekalesia.
E tusa ai ma le faamatalaga a se tasi o faiaoga o le Au Paia
o Aso e Gata Ai: “I totonu o Tusi Paia ua faasalaluina i aso
nei o tusi taitasi uma a Mataio, Mareko, Luka, ma Ioane . . .
ua faaulutalaina, ‘O le Talalelei a. . . .’ Ae peitai, ua ta’u mai
e tagata atamamai ia i tatou e faapea, o nei ulutala na faatoa
faaopoopo i ai i se vaitaimi o le senituri lona fa T.A., ae o le
taimi i luma atu atonu sa na o le igoa lava o le tagata na
tusia le tusi na aofia ai; o lona uiga, e na o le igoa lava
8
o Mataio, mo se faataitaiga” (Robert J. Matthews, Behold the
Messiah [1994], 22).
2. Tusi a Paulo—O lenei vaega e aofia ai ia tusi a Roma e tau
atu ia Eperu. O le tele o tusi a Paulo na tusia e faatatau lea
i ni paranesi o le Ekalesia na faatuina i aai sa talai atu i ai
e Paulo le talalelei ma sa ia faavaeina. O Eperu ma Filemoni
e le aofia ai i le vaega lea. O tusi a Paulo ua faatulagaina
i lo latou uumi, se’i vagana ai ia Eperu.
3. Tusi Faalauaitele—O lenei vaega e aofia ai tusi na tusia e
Iakopo, Peteru, Ioane, ma Iuta. E taua o Tusi Faalauaitele aua
e le o faamaotiina atu i ni paranesi po o ni tagata taitoatasi
o le Ekalesia, se’i vagana ai le tusi e lua ma le tolu a Ioane.
4. O le Apokalifa—O le tusi mulimuli lenei i le Feagaiga Fou
ma ua lauiloa o le tusi o Faaaliga. O se talafaamaumau
o se faaaliga na mauaina e le Aposetolo o Ioane a o
faafalepuipuiina o ia i le motu o Patamo. Na vaaia e Ioane
le talafaasolopito o le lalolagi, e aofia ai mea e tutupu i aso
mulimuli ma le manumalo o Iesu Keriso i le malo o Satani.
Mo nisi faamatalaga e uiga i le pogai ma le talafaasolopito o le
Tusi Paia, tagai i le “Tusi Paia” i le Taiala i Tusitusiga Paia.
Ia filifili ma le agaga tatalo ia mea nei e faaaogaina mo le
faatomuaga faapea ma mataupu faavae nei ae le’i saunia
au lesona.
O Nisi Mataupu
Faavae Taua o le Talalelei e Saili Iai
• E fesoasoani le Feagaiga Fou ia i tatou ina ia tatou o mai
ia Keriso.
• O le Feagaiga Fou na faasaoina mo o tatou aso faapea ma
lo tatou manuia.
Fautuaga mo le Aoao Atu
Faaaoga ata vitio nei po o nisi o ou manatu e aoao atu ai se
aotelega o le Feagaiga Fou. (Faaaliga: O manatu nei e lua e aoao
atu ai o loo aofia ai nisi o mea e pei o ata vitio ma atonu e aoga
tele mo i latou e leai ni vitio.)
Ata vitio 1o le Feagaiga Fou, “O Mai ia te A’u” (11:26),
o loo faaalia ai le auala e mafai ona fesoasoani ai le
suesueina o le Feagaiga Fou ia i tatou ina ia tatou aoao atili
e uiga i le Faaola ma le auala e mafai ai ona Ia fesoasoani
i o tatou olaga. Ata lona 2, “O le Paso” (9:55), o loo aoao mai
ai faapea, e mafai e le Feagaiga Fou ona tuuina mai ia i tatou
ni manatu i le foiaina o fesili ma faafitauli o le olaga. (Tagai
Taiala o Vitio o le Feagaiga Fou mo le aoaoina atu o fautuaga.)
Vaaiga Lautele i le Feagaiga Fou. E Fesoasoani le
Feagaiga Fou ia i tatou ina ia o mai ia Keriso.
(15–20 minute)
Tuu ni nai oneone s°s° i totonu o se koneteaina papa’u. Ia
valaaulia ni nai tamaiti e oomi o latou lima tusi i totonu o le