O le a le Feagaiga Fou?

Fesili i tagata o le vasega:
• O le a mea e mafai ona tatou faia e fesoasoani e saunia ai
i tatou, o tatou aiga, uo, ma isi mo le toe Afio Faalua Mai
o Iesu Keriso?
• Faitau le Faaaliga 7:9–10, 13–14. E tusa ai ma nei fuaiupu,
e to’afia e ua faasinasinaina o latou ofu i le toto o le Tama’i
Mamoe ma nonofo faatasi ma le Atua? (Molimau o le a lå
mafaitaulia i latou o le a mauaina le mamalu faaselesitila.)
Uuna’ia le vasega e sauni mo le afio mai o le Alii i le tausia
o poloaiga ma le mauaina o sauniga uma o le malumalu sa.
Ia faitauina e se tagata o le vasega ia le talosaga lenei mai ia
Peresitene Hunter:
“Ou te faamalosiau atu i tagata uma ia ulufale atu i le
malumalu ma le agavaa po o le galulue foi mo le aso
e mafai ai ona outou ulufale atu i lena maota paia mo
le mauaina o o outou sauniga ma feagaiga.
“Ia outou taliaina le uiga matagofie ma le filemu o le
malumalu i o outou olaga i aso uma ina ia mafai ai
ona oo mai le aso o le meleniuma” (Liahona,
Ianuari 1995, 88).
Faitau e tagata o le vasega le Mataupu Faavae ma Feagaiga
109:22–26, 35. Fesili pe faapefea i sauniga o le malumalu sa
ona fesoasoani ia tatou manumalo i le lalolagi ma mauaina ai
le malosi mai luga.
(Manatua: O le pusa lona fitu o le a tatalaina i le fautuaga mo
le aoaoina mo le Faaaliga 8:5–13; 9; 11.)
Faatomuaga
Faaaliga 8–11
O le faamaufaailoga lona fitu o le a tatalaina “ona lologo ai lea
o le lagi” (Faaaliga 8:1) Na vaaia e Ioane se agelu ma se asu
o mea manogi e faatusa “i talosaga a le au paia” (f.4), ma o lo
o mulimuli mai ai agelu e toafitu o lo o latou iliina pu o mala
o le faatafunaga ma taua. E ui i le tele o lapataiga, ae na lipotia
mai e Ioane faapea “e le’i salamo lava tagata i galuega a
o latou lima” (Faaaliga 9:20). Na ia vaaia lana ia lava misiona
o le fesoasoani i le faapotopotoina o ituaiga o Isaraelu a e le’i
Afio Faalua Mai Iesu Keriso. Na ia vaaia ia ni perofeta se
to’alua ua fasiotia i auala o Ierusalema ma sa toe tutu mai le
oti ina ua mae’a aso e tolu ma le afa ma o a’e ai i le lagi.
Ia suesue ma le agaga tatalo le Faaaliga 8–11 ma manatunatu
i mataupu faavae nei ae le’i saunia ia au lesona.
261
O Nisi Mataupu
Faavae Taua o le Talalelei e Saili Iai
• O le a liligi mai e le Atua le anoano o mala o le faatafunaga
ma taua i e amioleaga e sauniuni atu ai mo le nofo tupu
o Iesu Keriso i le meleniuma (tagai Faaaliga 8:5–13; 9; 11;
tagai foi Faaaliga 16; MFF 88:92–110).
• O Ioane le Talifaaaliga na muai faauuina e fesoasoani i le
faapotopotoina o ituaiga o Isaraelu i aso e gata ai. (tagai
Faaaliga 10:1–2, 8–11; tagai foi MFF 77:14).
• Ae le’i afio mai le Alii, o le a i ai ni perofeta se to’alua
i Ierusalema o le tuuina atu o la’ua ola mo le talalelei ma
a mae’a aso e tolu ma le afa ona toe tutu mai ai lea i le oti
ma o a’e i le lagi (tagai Faaaliga 11:3–12; tagai foi i le
Sakaria 4:11–14; MFF 77:15).
Fautuaga mo le Aoao Atu
Filifili mai i aitia nei pe faaaogaina ni au lava, a o e saunia ia
lesona mo le Faaaliga 8–11.
Faaaliga 8–14. O le a tatalo le fanau a le Alii i aso
e gata ai ina ia puipuia i latou e Ia mai le lalolagi
amioleaga. E alofa le Alii i Lana fanau ma e tali
mai ia latou tatalo i Lana lava ala. (20– 25 minute)
Fesili: O le a le uiga o le tala faatusa? (O se tala faatusa, o se
faatusatusaga lea o se mea e tutusa pe foliga foi i le isi; mo se
faataitaiga, “o le faatuatua e faapei o se fatu.”) Tusi i luga o le
laupapa ia upu nei. O le tatalo e pei o le______. Fai i le vasega
e aumai ni faatusatusaga i le tatalo.
Faitau e le vasega le Faaaliga 8:1–4 ma mataituina ni
faatusatusaga. Fesili:
Faaaliga 8–11
• E faapefea ona faatusatusa le tatalo i le asu?
• E te manatu o le a le mea o lo o tatalo ai le Au Paia i nei
fuaiupu?
Valaaulia ni tagata se to’atolu e faitauina i le vasega le Faaaliga
6:9–10; Mataupu Faavae ma Feagaiga 87:6–7; ma le Mataupu
Faavae ma Feagaiga 133:38–41. Fesili:
• O a mea o le a tatalo ai le Au Paia i aso mulimuli? (Ina ia
afio mai le Alii e faamasino ma faaitiitia o latou mafatiaga
ma faaumatia le amioleaga.)
• Faitau Mamona 8:20. O le a le mea o lo o aoao mai i lenei
fuaiupu e uiga i le faamasino atu po o le sailia o se taui i
e ua faasaua mai ia i tatou? (E tatau ona tatou tuu atu i aao
o le Alii na te tauia.)
Vaevae ia le Faaaliga mataupu 8–14 i le vasega ma su’eina
faavave pe faapefea o na tali mai le Alii i talosaga a le Au Paia.
Lisiina ia mea ua latou mauaina i le laupapa. Faitau pe usuina
“Le Tupu o Tupu, Afio Mai” (Viiga nu. 25). Talanoaina pe
e faapefea i lenei pese o na pei o se tatalo i aso e gata ai a le
Au Paia. Valaauina ia tagata o le vasega, pe a fai latou te le’i
faataunuuina, i na ia faaopoopo atu i ai a latou tatalo i tatalo
a le to’atele o e o lo o tatalo mo le afio mai o le Alii ma le
faaumatia o le amioleaga.