O le a le Feagaiga Fou?

O LE TUSI MUAMUA A PETERU
Tusitala ma e na tusi atu i ai: O le tusi o 1 Peteru na tusiaina
e le Aposetolo sili i le Au Paia i vaega e lima o Asia Toaitiiti
(tagai 1 Peter 1:1; tagai foi i le Taiala i Tusitusiga Paia,
faafanua 6).
Talaaga Faasolopito: I ona po o Peteru, sa faaalia e le malo
o Roma ia le latou taliaina o tapuaiga uma faalelotu, e aofia ai
ma le faa-Kerisiano. Sa i ai le Ekalesia i lalo o se taitaiga faalelagi
ina ia talaiina atu le talalelei “i le laloalagi uma” (Mareko16:15),
ma na amataina i le faasalalauina o le savali o le talalelei i Malo
o Roma. E ui ina sa faasalalauina le talalelei i ni auala filemu,
o le savali na folafolaina atu ai le afio mai o le Keriso toetu
e avea ma Tupu o Tupu sa lei taliaina e i latou o e na avea ma
tupu o Roma.
I le 64 T.A. na faaleagaina ai e se afi le vaega tele o Roma.
Na tuuaiina ai le taitai o le malo o Nero i lea mea e ui i ni ana
taumafaiga e fesoasoani ai ia i latou o e na leai ni mea e nonofo
ai ona o lena afi. I se taumafaiga e aveesea ai le tuuaiga, na ia
tuuaiina ai le au Kerisiano. E le i umi ae sauaina le Au Paia i le
malo atoa ona o le inoino ma le le malamalama. Pe tusa ma le
taimi lava lea, na tusi atu ai Peteru ina ia faamalosiau i le Au
Paia i o latou puapuaga ma faamanatu atu ia i latou le taui
e faavavau ona o lo latou faatuatua. Na tusia e Peteru lenei
tusi mai “Papelonia”(1 Peteru 5:13), lea atonu e faatatau ia
Roma (tagai i leTaiala i Tusitusiga Paia, “Papelonia”).
O Tulaga Uiga Ese: I lenei Tusi, o loo ta’ua ai e Peteru nisi
o fasi fuaitau pito sili ona manino o le Tusi Paia e uiga I le
faaolaina o e ua maliliu.
Faatomuaga
1 Peteru 1–5
Na saunoa mai le Perofeta o Iosefa Samita, “Na tusiaina e Peteru
i se gagana pito sili ona faaeaeaina nai lo se isi lava o le au
aposetolo” (Teachings of the Prophet Joseph Smith, 301). Ao
e faitauina le 1 Peteru ia mataituina lenei gagana faaeaeaina
ma mataupu faavae o loo aoaoina mai ai. Ia faailogaina
fuaitau o loo uunaiaina ai oe e suia lou olaga.
Ia suesue ma le agaga tatalo le 1 Peteru 1–5 ma mafaufau
i mataupu faavae nei ao le i sauniaina au lesona.
O Nisi Mataupu
Faavae Taua o le Talalelei e Saili Iai
• O le tutumau ma le faatuatua i le tofotofoina o lo tatou
faatuatua e mafai ona fesoasoani ia i tatou i le mauaina
o le faaolataga (tagai 1 Peteru 1:3–11; 4:12–16; tagai foi
Eteru 12:4–6).
241
• Ua valaauina e le Atua le Au Paia ina ia tea ese ma o ese
mai le lalolagi (tagai 1 Peteru 2:9–17; tagai foi Teuteronome
7:6; 2 Korinito 6:14, 17).
• Na saunia e Keriso le ala e talaiina ai le talalelei ia i latou
o e ua maliliu (tagai 1 Peteru 3:18– 20; 4:6; tagai foi MFF
138:1–32).
• O taitai o le Ekalesia e ao ona fafagaina le lafu mamoe a le
Atua i le alofa ma faataitaiga. E ao ona latou sauniaina i latou
mo le afio mai o Iesu Keriso, o le Leoleo Mamoe Sili (tagai
1 Peteru 5:1–4).
• O le faatuatua i le Atua i le agaga o le lotomaualalo e taitaiina
ai i tatou i le ola e faavavau (tagai 1 Peteru 5:5–11; tagai foi
2 Peteru 1:1–10; Mosaea 4:6–7).
Fautuaga mo le Aoao Atu
Filifili mai manatu nei, pe faaaoga ni ou lava manatu,
ao e sauniaina au lesona mo le 1 Peteru 1– 5.
1 Peteru 1:3–11. O le tutumau ma le faatuatua i le
tofotofoina o lo tatou faatuatua e mafai ona
fesoasoani ia i tatou i le mauaina o le faaolataga.
(30–35 minute)
Tusi se ata o se taula o se vaa i luga o le laupapa ma fesili atu:
• O le a le aoga o le taula?
• O a ituaiga o taula tatou te manaomia i le olaga?
Tusi i luga o le laupapa ia upu faamafanafana nei mai
i le Perofeta o Iosefa Samita:
“E ui ina pa faititili ma feemo uila, ma lulu mafuie, ma
taua malolosi o loo siomia ai i tatou, ae peitai o lenei
faamoemoe ma le malamalama o le a fesoasoani i o tatou
agaga i taimi uma o tofotofoga, faalavelave ma faigata”
(Teachings of the Prophet Joseph Smith, 298).