O le a le Feagaiga Fou?

• Faamalamalama, i le vaitaimi o Paulo sa faifai malie lava
ona aafia le Ekalesia le liliuese. Na lapata’i atu Paulo ia
faaeteete i faiaoga pepelo o loo latou aoaoina ia mataupu
faavae sese e faavae i tala faafagogo faa-Iutaia e le moni
ma ua suia ai le uiga moni (tagai Tito 1:14), ma e to’atele
i latou na talitonu i ai.
Tuu atu ia tofu le vasega ma se fasi pepa ma fai atu i ai
e faafoliga o loo tusia se tusi i sana uo ua amata ona talitonu
i mataupu faavae sese. Ia latou faaaogaina le mataupu faavae
i le 1 Timoteo 1:3–7 ma le 4:1–7 i le fautuaina o a latou uo. Ia
ao pepa ma faitau nisi i le vasega. Fesili:
• Aisea e taua ai i taitai o le Ekalesia ona mautinoaina o loo
aoaoina ia mataupu faavae moni?
• O a mea e mafai ona faia e o tatou taitai e fesoasoani ai ia
i tatou i le aoaoina o mataupu faavae moni.?
Ia tuuina atu le fautuaga lenei a Elder M. Russell Ballard:
“O i latou e aoao atu e tatau ona latou mautinoa o loo
tumau le mama atoatoa o mataupu faavae o loo
aoaoina atu. Aoao atu i le Agaga, ma le faaaogaina
o tusitusiga paia ma isi mea ua uma ona faamaonia
ma faatagaina. Aua ne’i talanoaina pe aoaoina ni mea
e leai se faavae mautu pe le mautinoa foi. I le lalolagi
e tumu i le agasala, fevaevaeaiga, ma le mautonu,
tatou te mauaina le filemu ma le saogalemu i le
iloaina ma le ola i mea moni ua faaalia o le talalelei.
(Liahona, Ianuari 1994, 77).
Fesili:
• Aisea i le tele o taimi e saunoa mai ai o tatou perofeta i le
aoaoina o tusitusiga paia i aso ta’itasi?
• E faapefea i le aoaoina o mataupu faavae o loo aoaoina
i tusitusiga paia ona puipuia i tatou mai i aoaoga sese o loo
taatele nei i le lalolagi?
1 Timoteo 1:12–17. E faaalia le alofa o le Atua ia
i tatou e ala mai i le Togiola. (10–15 minute)
221
Faaali i le vasega se fua pauna. Ia tusia i luga o ni tama’i
poloka ia upu nei, tulafono, agasala, ma le faasalaga. Tuu
uma poloka i le isi itu o le fua. (A leai se fua, ia tusia se fua
i luga o le laupapa ma tusia ia ata o poloka i se itu e tasi o le
fua ma fesili i le vasega pe o le a le mea o le a tupu i le fua).
Tusia le upu pulea ma le amiotonu i luga o le laupapa ma
faamalamalama atu o se tasi nei o uiga o le Tama oi le Lagi.
Fesili i le vasega:
• Afai o le fua lenei o se faataitaiga o lou faamasinoga
mulimuli, faamata e faapefea ona e aafia i le pule ma le
amiotonu a le Tama oi le Lagi?
• Faamata e talafeagai?
1 Timoteo 1–6
Tusia le upu Togiola i se piliki ma tuu i le isi itu o le fua seia
masani le fua i le isi itu. (Afai o e faaaogaina se ata, fesili i le
vasega pe o le a le mea o le a tupu i le fua.) Fesili: O le a le
mea e aoao mai i lenei faataitaiga e uiga i le malosi ma le
faamoemoe e tuuina mai e Iesu Keriso ia i tatou? Tusi le upu
Alofa Mutimutivale i luga o le laupapa ma faamalamalama atu
e tasi fo’i lea o uiga o le Atua. Faitau Galuega 9:1–5 ma fesili:
• E faapefea ona le fetaui le fua pauna a Paulo a o malaga
atu i le auala i Tamaseko.?
• O le a sou lagona pe ana fai o oe lea o Paulo? Aisea?
Faitau le 1 Timoteo 1:12–17 ma mata’ituina le auala na maua
ai e Paulo le alofa . Fesili: O le a le mea tatou te manaomia ai
le alofa? Faitau e le vasega le Alema 5:32–33 ma mata’ituina
pe faapefea ona tatou mauaina le alofa. Faitau 1 Timoteo 2:3–6
ma le faaliliuga a Iosefa Samita o le 1 Timoteo 2:4. Molimau
atu i le tele o le alofa mutimutivale e oo mai ia i tatou e ala
mai i le Togiola a Iesu Keriso pe a tatou salamo.
1 Timoteo 2:9–15. O tagata o le Ekalesia e tatau
ona avea ma faataitaiga o le talalelei a Iesu
Keriso. (10–15 minute)
Tufa atu ni fasi pepa i le vasega. Ia tusia e tama’ita’i ia uiga
mama latou te moomia i alii talavou o le Ekalesia. Ia faapea
fo’i ona faia e alii mo tama’ita’i. Ia fetufaa’i ia o latou lagona
ma talanoaina i le vasega.
Faitau 1 Timoteo 2:9–15 ma mata’ituina ia uiga na ta’u mai
e Paulo e tatau ona i ai i tama’ita’i o le Ekalesia. Ia faatusatusa
le lisi a Paulo i le lisi a alii.
Faitau 1 Timoteo 3:1–7 ma mata’ituina ia uiga na aoaoina
e Paulo e tatau ona i ai i se epikopo. Faatusatusa le lisi lenei ma
le lisi a tama’ita’i. Atonu o le a e manao e faamalamalama atu
e ui ina talanoa mai ia Paulo i epikopo, ae o le tele lava o nei
uiga e mana’omia e le Alii ina ia atinae e tama tane uma. Fesili:
• O ai e ese mai le Alii e faatauaina nei uiga?
• E faapefea i nei uiga ona faatusatusa atu i uiga ua
faatauaina e le lalolagi?
• O a mea e mafai ona tatou faia e atina’eina ai ia nei uiga.?