O le a le Feagaiga Fou?

“E leai lava se isi fesili taua e tatau ona fesili ai pea
lava pea se tasi nai lo le fesili na fesili ai ia Paulo: ‘Le
Alii e, se a le mea e te finagalo i ai ou te faia?’
[Galuega 9:6.] Ma e leai se isi tali e sili atu nai lo le
tali na ia mauaina: ia alu i e ua faatagaina e le Alii e
aumai ai faatonuga” (God, Family, Country; Our Three
Great Loyalties [1974], 162).
Fesili: O le a le mea e tatau ona e faia ina ua e mauaina se tali
mai le Alii? Faitau Galuega 9:7– 22, ma mafaufau e fesili atu
i fesili nei:
• O le a le mea na oo ia Paulo ona o lenei faaaliga?
• O le a se faailoga o loo i ai na usita’i ia Saulo i le tali na
ia mauaina?
• O le a le mea na ta’u atu e le Alii ia Anania e uiga ia Saulo na
saunia ai o ia e fetaia’i ma lenei tagata sa faasaua i le Ekalesia?
• Na faapefea ona faamanuiaina Saulo ina ua ia usita’i ma
faalogo i le tali i le fesili a le Alii?
• O a ni faamanuiaga tatou te mauaina pe afai tatou te faia
le mea na faia e Saulo?
Fesili i le vasega:
• E faapefea ona tali mai le Alii ia tatou fesili i ona po nei?
(O ni tali e aofia ai ni mau, o le Agaga Paia, tatalo, matua,
ta’ita’i o le perisitua, faamanuiaga faapeteriaka.)
• O le a le mea o le a tupu pe afai o le a tatou teena ia tali na
tuuina mai e le Alii ia i tatou?
• O le a le taua tele o le tausia o tulafono a o tatou naunau
e su’eina le mea o loo finagalo ai le Alii tatou te faia?
Galuega 9:16. O Soo o Keriso e tatau ona latou
naunau e ositaulaga. (15–20 minute)
Faaali i le vasega ni ata se lua po o se tolu o ni tagata ua latou
faia ni mea taua mo le nuu (e pei o se foma’i, se tina, se
faiaoga). Mo ata ta’itasi, fesili: O a ni taulaga na faia e nei
tagata e avea ai i latou ma ni tagata alualu i luma? Fesili:
E faapefea ona faamanuiaina isi i a latou taulaga?
Faitau le Galuega 9:16 ma le 2 Korinito 11:23–28 ma mata’ituina
po o a mea na oo ia Saulo (Paulo) ona o le galuega a Keriso. Ta’u
atu i le vasega o le mulimuli ia Keriso e mana’omia ai lo tatou
ositaulaga i mea uma ma o soo o le tele o taimi e valaauina ai ia
onosa’ia mea e tele. Fesili: Aisea na faia ai e Paulo nei taulaga?
Fai mai ia Polika Iaga e uiga i le Perofeta o Iosefa Samita:
“O Iosefa, semanu e le mafai ona faaatoatoaina, e tusa
lava pe e soifua o ia i le afe tausaga, pe a na fai e lå oo
ia te ia ni sauaga. Afai na ia soifua i ni tausaga se afe,
ta’ita’i i ona tagata ma tala’i le Talalelei e aunoa ma ni
sauaga, e le mafai ona faaatoatoaina o ia i le tolusefulu
iva o ona tausaga” (Discourses of Brigham Young, 351).
149
Fesili:
• O a ni aafiaga na o‘o i le Perofeta o Iosefa Samita ona
o sauaga, mafatiaga ma taulaga?
• E mafai faapefea ona tatou taulimaina puapuaga ma
taulaga pe a oo mai?
• E mafai faapefea ona faamanuiaina isi ia tatou taulaga?
• Faitau le Roma 8:35–39 ma mata’ituina pe faapefea e Paulo
ona faataunuuina ni taulaga mata’utia. Fesili:
• O a auala eseese e faaali mai ai le “alofa o Keriso.”?
• Na fesoasoani faapefea lea ia Paulo?
• E mafai faapefea ona fesoasoani ia i tatou?
Galuega 9:32–43. O Peteru sa i ai le mana
o Keriso ma o loo i ai lea mana i le Ekalesia
i ona po nei. (15–20 minute)
Fai i le vasega e tapuni a latou tusi paia. Tuu atu i ai se faailo
e tatala ai a latou tusi paia ma su’eina se faamatalaga e uiga
i le faaaogaina o le perisitua e faamanuiaina ai le olaga o se
isi. Ia fetufaa’i ia faamatalaga ma mau ua latou maua ma isi
o le vasega.
Vaelua le vasega i ni vaega se lua. Tuu atu e faitauina ma
faatusatusa ia le Galuega 9:32–35 ma le Mareko 2:1–12 e se
tasi o vaega. O le isi vaega ia faitau ma faatusatusa le Galuega
9:36–43 ma le Luka 7:11–17. Ia faaaogaina ia fesili nei po o se
vaega e fesoasoani i la outou talanoaga:
• O ai na faia vavega i le tala o loo maua i le Mareko
ma le Luka?
• O ai na faia vavega i tala o loo i le Galuega?
• O ai na maua mai ai e Peteru le mana o le perisitua?
• O ai na toefuataiina mai lenei mana i le laueleele i ona
po nei? (Peteru, Iakopo ma Ioane: tagai i le MFF 128:20).
Fesili pe i ai se isi o le vasega ua faamanuiaina ona o le mana
o le perisitua. A leai se isi, faamatala atu se mea na tupu i lou
lava olaga. Molimau atu o le pule po o le mana o le perisitua
a Keriso o loo ia te i tatou i le Ekalesia i ona po nei.
Faatomuaga
Galuega 10–12
Galuega 10–12
Na fetalai atu Iesu i Ana Aposetolo “ O atu ia outou i le lalolagi
uma, ma tala’i atu le talalelei i tagata uma lava” (Mareko 16:15).
O le tusi o Galuega o loo faaalia ai le faataunuuina e Aposetolo
galuega paia. O le au Iutaia sa i nuu mamao ma tagata o nuu ese
na latou faalogo o loo talaiina le talalelei i le latou lava gagana
i le aso o le Penetekoso (tagai Galuega 2:1–12). O Nikolao o se
tasi o le to’afitu na valaauina e tausia faafine ua oti a latou