O le a le Feagaiga Fou?

O le Faaaliga a Ioane lå Paia
Faitau e se tagata o le vasega ia le tala lenei mai ia Elder
Russell M. Nelson:
“I le ulua’i taimi o le ma faatoa faaipoipo ma Sister
Nelson a o ma’ua nonofo ai i Minneapolis, sa ma
fuafua ai matou te fiafia faatasi ma la ma’ua tama teine
e lua tausaga le matua i se aoauli ma te le faigaluega
ai. Na matou o atu i se tasi o vaituloto matagofie
o Minnesota ma nono mai se tamai vaa. Ina ua mavae
ona matou taualoina le vaa ma ua mamao ese mai le
pa’u matu, sa matou faaopeopea loa ma malolo ma
fiafia i le matagofie o le vaaiga. E lei pine ae sii le vae
e tasi o le ma tama teine ma faatautau i fafo o le vaa
ma amata ona tau oso i lalo ma valaau mai, ‘O le
taimi o le oso i lalo, Tama!’
“Na vave ona ma taofia o ia ma faamalamalama atu
i ai, ‘E leai la’u pele, e le’i oo i le taimi e te oso ai i fafo
ma le vaa; e tatau ona tatou nonofo pea i totonu o le
vaa seia tatou oo atu i le pa’u matu ma le saogalemu.’
Ona o le tele o le ma faatauanau atu na mafai ai ona
faamanuiaina e faatalitonuina o ia e faapea, o le alu
ese vave mai le vaa e taitaiina atu ai i puapuaga. ...
“E faapea foi ia i tatou i le avea ai ma fanau a le
Tama Faalelagi, e mafai ona tatou manatu faavalea
ina ia tatou ‘o ese mai le vaa’ ae tatou te le’i taunuu
atu i le taunuuga e finagalo tatou te o i ai. ...
“O faamanuiaga e tuuina mai e le Atua e masani lava
ona faaautu i le usiusitai i le tulafono [tagai MFF
130:20–21]. Afai tou te faatusatusa lena mau i la’u
faamatalaga e uiga i le vaa, tatou te feosofi muamua
lava ‘i luga o le vaa’ faatasi ma Ia. Ona tatou mafuta
ai lea faatasi ma Ia. Ma afai tatou te le ‘o ese mai le
vaa’ a’o le’i oo i le taimi e tatau ai, o le a tatou oo atu
i Lona malo, lea o le a faaeaina ai i tatou i le ola
e faavavau” (Liahona, Iulai 1997, 87).
272
Tuuina atu nisi o fesili nei:
• O le a le taunuuga o loo finagalo le Tama Faalelagi tatou
te taunuu i ai?
• O le a le “vaa” ua saunia e le Atua e aveina i tatou iina?
• O a auala e faaosoosoina ai tagata e o ese mai le vaa?
• E faapefea i le usiusitai ona fesoasoani ia i tatou e taunuu
ai i le faamoemoe ma le saogalemu?
Faitau le Faaaliga 22:17 ma mataituina ia le valaaulia a le
Faaola mo i tatou taitoatasi. Uuna’ia ia tagata o le vasega
e o mai ia Keriso. Faai’u i le valaaulia o tagata o le vasega
e fetufaai ia mea ua latou mauaina i lenei tausaga i le seminare
e fesoasoani ia i latou ia usiusitai ma “tumau i totonu o le vaa.”