O le a le Feagaiga Fou?

Fesoasoaniga mo le Suesueina o Tusitusiga Paia
“Ou te manatuaina ina ua faatoa faailoa atu ia tusi
tuufaatasi e tolu i le Usoga. O Elder McConkie na
faailoaina atu. Na ia uuina i luga se tusi ma faitau atu
mai se itulau, ‘Mo Bruce R. McConkie.’ Sa sainia e
‘Amelia’ [lona faletua i le lumanai] ma na tusia i le
aso na ulufale ai i le misiona. Na ia saunoa faapea,
‘sa ou tauaveina nei tusitusiga paia i le lalolagi atoa.
Ua ou faaaogaina soo. Ua faapipiiina faatolu. e mafai
ona ou ta’uina atu ia te outou ia le itulau mo le tele o
mau o loo i totonu o lena tusi.’ Ona ia faaopoopo mai
ai lea faapea, ‘Ae o le a ou le toe faaaogaina lava lena
tusi. E le o maua ai ia fesoasoaniga sili mo aoaoga ma
meafaigaluega malolosi e faalauteleina ai le suesuega
ma le malamalama e pei ona i ai i totonu o lenei
voluma fou.’ Sa ou matuai faagaeetia lava i ai. O le
aso na sosoo ai na ou alu atu ai i totonu o lona ofisa.
E lapoa lana kesi, ma o loo ia nofo mai ai iina, ma le
tusi i lona lima, ma se vase ma se penitala m°m° o
loo faailogaina ai le lomiga fou o tusitusiga paia. O
lea la, afai e i ai se tasi na te iloaina lelei ia tusitusiga
paia e pei ona ia iloaina ai o le a mauaina le aoga o le
faaaogaina o le lomiga fou, o lea na ou fuafua ai loa o
le a ou faia foi faapea” (“Spiritual Communication,”
in Principles of the Gospel in Practice, Sperry
Symposium 1985 [1985], 18–19).
Fesoasoaniga mo le Suesueina o Tusitusiga Paia.
Fesoasoani i tamaiti o le vasega ina ia faaaogaina
mea na latou aoaoina e uiga i fesoasoaniga mo
le suesueina o tusitusiga paia. (30–35 minute)
A maea ona e aoaoina ia tamaiti o le vasega e uiga i fesoasoaniga
mo le suesueina o tusitusiga paia, ona fai atu lea ia i latou
e faaaoga e faamaea ai le suega lenei e avea o se iloiloga o mea
na latou aoaoina. Atonu e te manao latou te galulue i ni vaega.
12
1. Tali fesili nei e uiga i le papatisoga:
a. O le a le uiga o le upu papatisoga?
e. O a ni faamaoniga o loo i ai iina e iloa ai na faia
papatisoga ae le’i oo i le taimi o Keriso?
i. Aisea na papatisoina ai Iesu?
o. Aisea e taua ai le papatisoga?
2. Ia lisi mai ni mau se tolu mo autu taitasi uma nei:
a. Aso mulimuli
e. Meaalofa a le Agaga
i. Valoaga
o. Faaaliga
3. Faitau e uiga i le miti a Liae i le laau o le ola o loo i le
1 Nifae 8 ma, ia faaaoga ia mau o loo i le faamatalaga pito
i lalo e iloa ai po o le a le uiga o faailoga taitasi:
a. Vaitafe
e. Ai uamea
i. Puao o le pogisa
o. Fale tele ma le vateatea
4. Faitau le Iakopo 1:8 ma, ia faaaoga mau o loo i le
faamatalaga pito i lalo i, e faamatala mai ai le uiga o le
“tauave lona satauro.”
5. Ia saili tagata nei ma ta’u mai po o gafea o loo ta’ua mai ai
i latou i tusitusiga paia:
a. Edward Partridge
e. Iesepela
6. O a setete, teritori, ma atunuu na faimalaga atu i ai le Au
Paia i le taimi o a latou faigamalaga mai Niu Ioka e agai
atu i Sate Leki?