O le a le Feagaiga Fou?

O le Talalelei e Tusa ma le Faamatalaga a Mataio
Ia fetufaai atu le saunoaga lenei mai ia Peresitene Harold B. Lee:
“E le’i manaomia ona aoaoina le taulealea aoao tulafono
i le salamo mai le fasioti tagata po o mafaufauga
fasioti tagata. E le’i tau aoaoina o ia ina ia iloa ona
salamo mai le mulilua, pe mai le gaoi, pepelo,
taufaasese, po o le lå ava i lona tina. O nei mea uma
sa ia ta’ua sa ia tausia talu mai lona laitiiti. ...
“Ae o le Matai, faatasi ai ma Lona iloatinoina o mea
faapea ma le mana o le Faiaoga Silisili, sa ia togafitia le
mataupu a lenei taulealea i le atoatoa: O le mea sa ia
manaomia ma le mea sa ia vaivai ai o lona faatoilaloina
lea o lona tuinanau i mea faalelalolagi. ...
“O i tatou uma lava taitoatasi, afai tatou te oo atu i le
atoatoa, e tatau i se isi taimi ona fesili ia i tatou lava
le fesili lenei, ‘O le a se mea o loo o’u vaivai ai?‘ pe
afai o le a tatou amataina la tatou taumafaiga agai
i luga i le ala e tau atu i le atoatoa. O le taitai mataala
o ia lea na te fesoasoani i le tagata o loo aoaoina ina
ia iloaina le mea o loo vaivai ai, ia togafitia ona
faigata faavae, ona faamatala atu lea i ai ona fofo
faaleagaga” (Stana Ye in Holy Places [1974], 208–10).
Ia uunaiina tamaiti o le vasega e faia ni taumafaiga faamaoni
ina ia suia ai o latou olaga ina ia avea ma ni tagata lelei. Ia
uunai i latou e tatalo ina ia iloa se isi mea e mafai ona latou
faia ina ia avea atili ai e faapei o le Faaola.
Mataio 20:25–28 (tagai foi Mareko 10:42–45;
Luka 22:24–27). Ua i ai i taitai se tiutetauave sili
ma le avanoa e auauna atu ai. (10–15 minutes)
Fai atu i tamaiti o le vasega e faafoliga faapea faatoa avea lava
i latou ma taitai o lo latou atunuu. Fai atu i ai e faafoliga o le
a faatalanoaina i latou e le au fai nusipepa ma le au faasalalau ma
o le a mananao e fia iloa po o le a se mea o le a taulai atu i ai
le latou faigamalo. Fesili atu: O le a sa outou tala e fai?
Fai atu i ai latou e lisi i lalo nisi o uiga o se taitai lelei. Tuu atu
i tamaiti o le vasega e faitauina le Mataio 20:25–28 ma lisi mai
ai pea na ta’ua e le Alii i nei fuaiupu e uiga i taitai. Tuu atu ia
i latou e faitauina le Mosaea 2:11–19, 27 ma faitau le aofaiga o
taimi o loo ta’u mai ai le upu auauna po o le auaunaga. Fesili atu:
• O le a se lagona sa i ai i le Tupu o Peniamina e uiga
i le auauna atu?
• E faapefea ona faatusatusa nei fuaiupu i le mea na aoaoina
mai e le Faaola i totonu o le Mataio 25:34–40?
Faitau le Iakopo 1:19 ma le Esekielu 3:17–21 ma fesili atu:
• O le a se mea na outou aoaoina mai nei fuaiupu e faatatau
i le matafaioi o se taitai?
• O a ni auala atonu o le a valaauina ai oe ina ia avea ma
taitai? (Ia faailoa atu faapea e toetoe lava o i tatou uma
e i ai se taimi i o tatou olaga e valaauina ai e tuuina atu le
taitaiga i le lotu, aoga, galuega, po o totonu o o tatou aiga.)
50
• O le a se mea e mafai ona e faia nei ina ia saunia ai oe
e avea ma se taitai?
• E mafai faapefea ona tatou lagolagoina nei o tatou taitai
i ni auala e fesoasoani ai ia i latou e faataunuuina o latou
tiutetauave?
Soifua mai
o Keriso
Faatomuaga
O le Soifuaga o Iesu Keriso
Tausaga
muamua o le
galuega a le Alii
Paseka
Muamua
Mataio 21–23
Paseka
Lona Lua
Tausaga
lona lua
Paseka
Lona Tolu
Tausaga
lona tolu
O le Mataio 21–23 e amataina ai le vaiaso mulimuli o le soifuaga
faaletino o le Faaola. (Mo se auiliiliga aufaatasi o nei mea na
tutupu, ia tagai i le “O le Vaiaso Mulimuli o le Soifuaga o le
Faaola” i le faaopoopoga, i. 283.) Mo le tolu tausaga sa aoao
atu ma faamalolo, faamalosiau, ma faaalia e le Faaola le
ituaiga alofa lea na mulimuli atu ai le motu o tagata ia te Ia.
O Lona ulufale atu ma le manumalo faapea ma totonu o le
malumalu mulimuli ane, na faailoa mai ai e tagata o Iesu o le
Mesia folafolaina (tagai Mataio 20:9, 15). O le mea lenei na
tupu ai le feita o taitai Iutaia, o e na saili ina ia aveeseina Lona
soifua. Ina ua uma ona faamamaina le malumalu, sa faaaluina
e Iesu le tele o le taimi e aoaoina ai tagata sa iina.
Suesue ma le agaga tatalo le Mataio 21–23 ma mafaufau
i mataupu faavae nei ae le’i sauniaina au lesona.
O Nisi Mataupu
Faavae Taua o le Talalelei e Saili Iai
O mea na tutupu i nei
mataupu e foliga mai
na tutupu lava i lenei
vaitaimi
Paseka Mulimuli
ma le vaiaso faai’u
• Pe a tatou vaavaai ia Iesu Keriso i Lona silisiliese moni ma
le ofoofogia, o le a mafai ai ona tatou malamalama lelei i le
taua o le viiaina o Ia o lo tatou Faaola ma le Togiola (tagai
Mataio 21:1–11; tagai foi Mosaea 3:17).
• E faamasinoina i tatou e Iesu mo a tatou mea sese (tagai
Mataio 21:12–16; tagai foi MFF 97:15–16).
• O le poloaiga sili o le alofa atu i le Atua ma o tatou loto
atoa, agaga atoa, ma le mafaufau atoa (tagai Mataio
22:36–38).
• O le poloaiga sili lona lua o le alofa atu lea i isi e pei ona
tatou alolofa ia i tatou lava (tagai Mataio 22:39).