O le a le Feagaiga Fou?

Eperu 11:1–12:3. O le faatuatua ia Iesu
Keriso o se mataupu faavae e uiga
i galuega ma le mana. O lea faatuatua na mafaia
ai e le Au Paia o anamua ona tausia poloaiga a le
Atua ma faia galuega o le amiotonu. (35–40 minute)
S M T W TH F S
Fesili i tamaiti o le vasega pe ua totoina e i latou se togalaau.
Ia fesili atu: Sa faapefea ona e iloaina o le a tupu ma ola
fatulaau? Fesili atu ia i latou pe ua latou faatali pasi? Ia fesili
atu: Sa faapefea ona e iloaina o le a sau le pasi? Fesili atu ia
i latou pe ua latou lafoina se tusi. Ia fesili atu: Sa faapefea ona
e iloaina o le a lafoina atu e pei ona fuafuaina. Ia fesoasoani
i tamaiti o le vasega ia malamalama sa le i iloaina tonu e i latou
o le a tutupu ia mea, ae ona o mea na tutupu i le taimi ua
tuanai na latou talitonu pe na faamoemoe ai o le a tutupu na
mea. Ia fesili atu: O a nisi mea o loo tatou faia i aso taitasi ma
talitonu o le a aumaia e na mea taunuuga o loo tatou
faamoemoe i ai? (O le alu atu i le aoga poo le galuega,
taliaina o tupe, o le laasiaina o se alalaupapa.)
Ia tusi le O le a le faatuatua? i luga o le laupapa faatasi ma mau
nei i lalo ifo: Eperu 11:1; Alema 32:21; ma Eteru 12:6. Faitau mau
nei e tolu faatasi ma lau vasega ma galulue faatasi ia tusiina le
uiga o le faatuatua mai mau (tagai Taiala i Tusitusiga Paia
“faatuatua”). Ia talanoaina le ala o loo fesoasoani ai lenei
faauigaina o le faatuatua e faamatalaina ai pe aisea ua tatou
loto ai e totoina fatulaau pe o atu i le aoga po o le galuega
i aso taitasi.
Ia fai atu i tamaiti o le vasega, i le avea ai o le faatuatua ma se
mataupu faavae o le mana, e ao ina avea ma mea sili atu nai lo
le na o se talitonuga malosi i ni mea o le a tutupu i le lumanai.
Tusi i le laupapa: O le mataupu faavae muamua o le talalelei e le
o le faatuatua. O le faatuatua ia _____________________. Fai atu
i le vasega ia faitauina le mataupu faavae o le faatuatua lona
fa ma faauma le fuaiupu o loo i luga o le laupapa (o le tali
o “Iesu Keriso”). Valaaulia se tamaitiiti o le vasega ia faitauina
le saunoaga lenei a Elder Boyd K. Packer:
“Ou te iloaina ni ituaiga o faatuatua se lua. O le
muamua o le ituaiga o loo iloaina e le lalolagi. O se
uiga taatele i le tele o mea uma o lo o tutupu. O se
mea o loo mafai ai ona tatou ola. O se mea o loo aumaia
ai se faamoemoe ia i tatou e faataunuuina ai soo se
mea. E i ai i tagata uma, e tele atu ona i ai i nisi nai lo
isi. O le ituaiga faatuatua lona lua, e matua seasea ona
i ai, e le maua gofie, o le ituaiga o faatuatua lea o loo
faia ai mea ina ia tutupu. O le faatuatua o se malosiaga
moni e pei lava o le malosiaga moni o le eletise ae
peitai e faaafe ona sili atu lona malosi. Pe ua e faaaogaina
ea le faatuatua—faaaogaina, ma faataitai ona
e ola ai, ae le o le manatu mama i ai? Pe a e vaai ifo ia
te oe lava, ia fesili ia te oe lava pe o le a le tele o lou
faatuatua o loo i ai? O se mataupu faavae muamua o le
talalelei i le Alii. Pe o se mataupu faavae muamua ea
ia te oe?” (Your Articles of Faith, Brigham Young
University Speeches of the Year [21 Mati 1962], 8).
235
Ia fesili atu: E mafai faapefea i le faaautuina o lo tatou
talitonuga ia Iesu Keriso ona fesoasoani ia i tatou ia maua
lenei ituaiga o faatuatua lona lua? Ina ia iloaina ni faataitaiga
o tagata o e na oo i ai lenei ituaiga o faatuatua lona lua, faitau
uma pe na o ni vaega foi o le Eperu 11:2–40. Ia valaaulia
tamaiti o le vasega e faailoa mai ia faataitaiga na pito sili ona
faagaeetia ai i latou ma fetufaai mai i le vasega.
Ia fesili atu: E te manatu aisea na lisiina ai e Paulo ia faataitaiga
e tele e uiga i le faatuatua? Faitau le Eperu 12:1–3 ma fesili i lau
vasega pe mafai ona latou sueina mai se mafuaaga. Ia fesili
atu: O le a le uiga o le “tuu ese ia o mea mamafa uma, atoa
ma le agasala e faalavelavegofie ai i tatou” (f. 1)? Ia fetufaai
atu le saunoaga lenei a Elder Neal A. Maxwell, o le na avea
i le taimi lea ma se tasi o le Au Fitugafulu:
“E ao ina tatou manatua o le avea ai ma se tagata
faatuatua o le Ekalesia e matua mamafa lava e aunoa
ma le puapuagatia mai aafiaga o le agasala lea e mafai
ona aveesea e ala i le uia o laasaga o le salamo. Na
tuuina mai e Paulo ia i tatou se apoapoaiga lelei e uiga
i lenei mea ina ua ia saunoa mai, ‘. . .ina tatou tuu ese ia
o mea mamafa uma, atoa ma le agasala e faalavelavegofie
ai i tatou, ia tatou taufetuli ma le onosai i le
ala tanu o i o tatou luma.’ (Eperu 12:1.) E matua sili
atu ona faigata mo i tatou le tauaveina o le satauro
pe afai ua iloga ona no’u o tatou tua i avega o uiga
leaga” (Deposition of a Disciple [1976], 75).
Ia talanoaina fesili nei:
• E faapefea ona fesoasoani le onosai ia i tatou i le taulimaina
o luitau o le olaga?
• E faapefea ona fesoasoani le tepa taulai atu ia Iesu Keriso
e atiae ai lo tatou faatuatua?
• E faapefea i Lana faataitaiga o le faatuatua, onosai, ma
tutumau ona aafia ai ou lagona e uiga i ou tofotofoga
ma puapuaga?
Eperu 12:5–11. E ala i le faatuatua e mafai
ai ona tatou taliaina ma onosaia le aoaiga
a se Tama Faalelagi alofa ma faatagaina e
faaleleia ma faaatoatoaina ai i tatou.(25–30 minute)
S M T W TH F S
Eperu 11–13
Tusi i luga o le laupapa Pe a tatou puapuagatia. I lalo o lena
fasi fuaitau, tusi ai le Mafuaaga:. Ia fesili atu:
• E toafia outou ua feagai ma se aso le lelei?
• E toafia nisi na mauaina se aso le lelei ona o ni filifiliga le lelei
na e faia? (Faasilasilaga: Aua nei fesili atu mo ni faataitaiga.)
• E toafia nisi o outou na feagai ma se aso le lelei ona e le
o se mea sese na e faia?
• Pe na e taumanatu ea, “Aisea ua tupu ai lenei mea ia te au?”