O le a le Feagaiga Fou?

O LE TUSI A LE APOSETOLO O PAULO I KOLOSE
E tusa
o le T.A.
Malaga muamua
faafaifeautalai
(Galuega 13–14)
Tagata Tusitala ma E o Loo Tusi i Ai: Sa tusia e Paulo le
Kolose i le faagasologa o le taimi muamua na tuuina ai i le
falepuipui i Roma ma o le tusi na tusi atu “i le Au Paia i Kolose
o le au uso faamaoni.” (Kolose 1:2; tagai Kolose 1:1; 4:3, 10, 18;
tagai foi Galuega 28:16–31). Sa fuafua foi ina ia faitau e le Au
Paia i Laotikaia (tagai Kolose 4:16).
Talaaga Faasolopito: O Kolose (faapea ma Aai tetele e tuaoiane
o Iarapoli ma Laotikaia) o se aai alualu i luma i mea tau
pisinisi i Asia itiiti (tagai i le faafanua 8 i le Taiala i Tusitusiga
Paia). E le o faaalia mai i le tala faamaumau le auala na faailoa
atu ai le talalelei i tagata Kolose. O loo ta’ua e Paulo se tagata
e igoa ia Epafara e faapea “o le auauna faamaoni a Keriso”
(tagai Kolose 1:7–8). Atonu na liliu lenei tagata i le talaiga
a Paulo i Efeso i le faagasologa o le malaga lona tolu a Paulo
faafaifeautalai (tagai Galuega 19:10). Ua i ai le talitonuga
e faapea na aveina atu e Epafara le talalelei i lona aiga i Kolose
ma sa salalau atu ai i lena vaega atoa. Ae ui i lea, e pei lava ona
sa olaola le talalelei, sa faapea foi le lotu i Iutaia ma le talitonuga
o Eleni. Sa aoao atu lenei talitonuga sese i au lotu o le Au Paia.
Sa asiasi atu Epafara, ina ua le mafai ona taulimaina faateleina
o le talia e le to’atele o le Au Paia o lotu sese, ia Paulo i Roma
mo se fautuaga e tusa ma le auala e faaleleia ai lea tulaga tau
faamata’u. Sa tusia e Paulo lenei tusi i se vaitaimi pe tusa o le
T.A. 60–62 (tagai Taiala i Tusitusiga Paia, “Tusi a Paulo”).
Autu: O le faamoemoega o le talitonuga sese sa talaiina o le
faaitiitia lea o le tulaga lauiloa o Iesu Keriso. Sa faasa’o e Paulo
lenei manatu sese e ala i le aoao atu e faapea o Keriso o le
faatusa lava lea o le Atua, o Ia o Le na Foafoaina lenei lalolagi,
o le Ao o le Ekalesia, o le ulua’i tagata na toe tu mai, o se tasi
o le Aigaatua, o le Togiola, ma o le “faamoemoe o le talalelei,
na outou faalogologo i ai” (tagai Kolose 1:15–23).
Faatomuaga
Malaga lona lua
faafaifeautalai
(Galuega
15:36–18:22)
Malaga lona tolu
faafaifeautalai
(Galuega
18:23–21:15)
Kolose 1–4
O lenei Tusi na
tusia i lenei
taimi
Faafalepuipuiina
i Kaisareia ma
Roma (Galuega
21:16–28:31)
E oo i le
faafalepuipuiina
lona lua i Roma
47–50 50–53 53–57 57–62 62–65
O aso nei o loo i ai ni faitioga faatuputupula’ia i le lalolagi e uiga
i le paia o Iesu Keriso. Ua ta’ua le Faaola e le to’atele o tagata
e faapea ua na o se aoao ta’uta’ua po o se tagata faamalolo ma’i
po o se perofeta. Ua ta’ua o Ia e le to’atele o tagata e faapea o ia
o se tagata e le talafeagai a’o tuputupu a’e atili i latou i le
faalelalolagi po o le faalagolago i lo latou lava atamai. Pe
a aunoa ma se malamalamaga sa’o e uiga i le Alo o le Atua po
213
o le talitonu fo’i i ana aoaoga, e faifai malie lava ona seesee ese
atu lo latou faatuatua i tulaga faigata o le olaga. E ui lava i nei
mea uma, o loo faaauau pea ona talai e perofeta mea lelei o le
talalelei. E pei fo’i o Paulo ua latou aoao atu ma le lototele le
mea moni e uiga ia Iesu Keriso, “o le faamoemoe i le manuia”
(tagai Kolose 1:27).
Aoao ma le agaga tatalo le Kolose 1–4 ma ia mafaufau
i mataupu faavae o loo i lalo ae le’i saunia au lesona.
O Isi o Mataupu Faavae Taua o le
Talalelei e te Sailia
• Ua togiolaina i tatou e ala i le toto o Keriso, o le Ulumatua
a le Tama ma o Lå na Foafoaina mea uma lava (tagai
Kolose 1:12–20; tagai foi i le Ioane 1:1–4; MFF 88:1–13).
• O le atiina’e i luga o le faavae o Iesu Keriso, tatou te aloese ai
mai le taitaiina sese i aoaoga taufaasese (tagai Kolose 2:6–23).
• Ina ia avea ma ni tagata fou ia Keriso, e tatau ona tatou
faatoilaloina le tiapolo ma atiina’e uiga amiotonu (tagai
Kolose 3:1–16; tagai foi i le Mosaea 3:19).
• O le i ai o fegalegaleaiga amiotonu i le aiga o se mea taua
lea i le fuafuaga a le Alii mo le fiafia (tagai Kolose 3:17–21).
Fautuaga mo le Aoao Atu
Ia filifili mai aitia o loo i lalo, pe faaaoga ni au lava,
a’o e saunia lesona mo le Kolose 1–4.
Kolose 1:12–23. E togiolaina i tatou e ala i le toto
o Keriso. O le usiusita’i i le talalelei e mafai ai
ona tatou faaopoopoina lo tatou faatuatua ia
Iesu Keriso ma aloese ai mai le taitaiina sese.
(20–25 minute)
Ia faaali atu se laau o loo toto i totonu o se apa e toto ai laau po
o se ata o se laau ma ia talanoa po o le a le mea e maua ai le
malosi ma le ola lelei o lea laau. Ia tusi i luga o le laupapa lenei
fuaiupu e le’i maea: O le loloto o le alu ifo o aa, o le . Ia faauma
e tagata o le vasega le fuaiupu. (O tali e mafai ona tuuina mai
e aofia ai le “malosi fo’i lea o le laau” po o le “mautu foi lea o le
laau.” Fesili atu: O le a se faatusatusaga faaleagaga e mafai
ona tatou iloa mai lenei faamalamalamaga?
Tusi i luga o le laupapa: Ou te iloa o Iesu o le atalii o se kamuta,
o se aoao sili, o se taitai lelei, o se perofeta. Ia fesili atu i tagata o le
vasega pe ua latou talitonu e moni lea mea. Ia ta’u atu i tagata
o le vasega o le a e saili i se isi molimau mai tusitusiga paia.
Faitau Kolose 1:12–23 ma ia talanoaina nisi o fesili o loo i lalo:
• O a upu ma fuaitau mai le molimau a Paulo e uiga
i le Faaola o loo sili ona faagaeetia ai oe?
• O a ni eseesega i le va o lenei molimau ma le molimau
o loo tusia i luga o le laupapa?