O le a le Feagaiga Fou?

O le Tusi e Lua a le Aposetolo o Paulo ia Timoteo
“O loo i ai a nisi, e lå toaitiiti, o loo faitio ma faatu’iese,
o e e liliuese ma faasagatau i lenei galuega. E i ai pea
lava pea. Latou te tautalatala i o latou lava manatu
a o latou savalia lenei olaga, ona lå pine ai foi lea ae
mou atu. Ou te manatu atonu o le a i ai pea nei mea
a o tatou taumafai e faataunuuina le galuega a le Alii.
O i latou e faamaoni, latou te iloaina le mea moni ma
le mea le sa’o. Tatou te o atu i luma, ma savavali pei
o ni fitafita ma a tatou fu’a ua tusia ai le mea moni
e faavavau. O le tatou mataupu e i ai le faamalosi mo le
mea moni ma le ta’uleleia. O i tatou o ni fitafita Kerisiano
‘ia tau le taua, ma Lona satauro i o tatou luma’
(“Savali i Luma le Autau Kerisiano, Viiga, nu. 153).
“O mea uma tatou te feoa’i ai, tatou te vaaia le malosi
i lenei galuega. O loo i ai le naunautaiga malosi i soo
se mea o faatulagaina ai. O le galuega a le Faaola. O le
talalelei o le upumoni. O se mea e fiafia ma sagisagi
atu i ai” (Liahona, Iulai 1996, 83).
Fesili: Aisea e mafai ai ona tatou mauaina se faamoemoe mo le
Ekalesia i ona po nei.? Tusi i luga o le laupapa le faamatalaga
lenei a Peresitene a Uilifoti Uitilafi:
“E le mafai lava ona faatagaina e le Alii a’u po o se isi
tagata e avea ma Peresitene o lenei Ekalesia na te taitai
sese ina outou” (“Fuaitau mai i ni saunoaga se tolu
a Peresitene Uilifoti Uitilafi e uiga i le Manifeso,” ina
ua mae’a le Ta’utinoga Tonu 1 i le Mataupu Faavae
ma Feagaiga).
E tusa ai ma lenei faamatalaga, o a nisi mea tatou te faia
e faafoia ai le liliuese? Faitau 2 Timoteo 4:7–8 ma molimau atu
afai tatou te tutu malosi ma le faamaoni o le a faai’uina fo’i
o tatou olaga ma le mautinoa atoatoa e pei lava o Paulo.
2 Timoteo 3:1–5, 16–17 (Mau Tauloto). Ua
faailoaina mai e tusitusiga paia mea leaga
o nei ona po ma taiala i tatou i le faaolataga
(15–20 minute)
Fesili i le vasega.
• E to’afia outou ua mauaina ni tui puipuia mai i faama’i?
• E mafai ona e manatua lagona na e oo i ai?
• Faamata ua aoga le tiga? Aisea?
• O a ni mea e tutupu mai pe a fai e le faia ou tui puipuia?
224
Faitau 2 Timoteo 3:1–5 ma fesili:
• O a ituaiga faama’i o loo taua?
• Mata e faapefea ona sili atu le matuia nai lo le ma’i pipili
po o le tanesusu?
Faamalamalama atu na valoia e Paulo o le faama’i faaleagaga
o le a faatama’ia ai alalafaga i aso e gata ai. Fesili: Afai e mafai
ona fai sou tui puipuia mo nei faama’i faaleagaga, faamata o
se a se tau o le a loto malie e totogi? Aisea? Faitau 2 Timoteo
3:15 ma mata’ituina ni fofo mo mea leaga o o tatou aso. Fesili:
• O le a le mea ua tuuina mai e le Alii e fesoasoani i le puipuia
o tatou mai i faama’i faaleagaga?
• E faapefea i tusitusiga paia ona fesoasoani e puipuia i tatou
mai nei ma’i?
Faitau 2 Timoteo 3:16–17 ma mata’ituina ia auala e fesoasoani
mai ai ia tusitusiga paia ia i tatou i le faasagatau atu lea i faama’i
faaleagaga. Faatusatusa ia fuaiupu nei ma le 2 Timoteo 3:1–5,
ma talanoaina pe faapefea e tusitusiga paia ona puipuia tatou
mai i faama’i faaleagaga ta’itasi o loo ta’ua?
Faitau le faamatalaga lenei a Elder Boyd K. Packer:
“Na aoao mai ia Paulo, o le malamalamaaga
i tusitusiga paia o lo tatou tui puipui lea mai nei mea
leaga i aso e gata ai” (Liahona, Iulai 1985, 36).
Na faaopoopo mai ia Peresitene Ezra Taft Benson e faapea:
“O le tali lenei i le lu’i mata’utia mo o tatou taimi.
O le upu a le Atua pei ona mauaina i tusitusiga paia,
i upu a perofeta soifua, i faaaliga a tagata taitoatasi,
e i ai le pule e faamalosi ai le Au Paia ma faaaupegaina
i latou i le Agaga ina ia mafai ona latou tetee atu i le
leaga, tumau ma le maumaututu mo le lelei, ma maua
ai le fiafia i lenei olaga” (“O Le Mana o le Upu,”
Liahona, Iulai 1986, 101).
Ia uuna’ia ia tagata o vasega ina ia faaauau pea a latou
aoaoga ma su’esuega i tusitusiga paia ina ia mafai ona
faamalolosia e tetee atu i mea leaga o loo siomia ai i latou.