O le a le Feagaiga Fou?

o lana faatonuga. I se taimi puupuu mulimuli ane na talepeina
ai papuipui o Ierusalema, ma faatuina ai se nofoaga o le
vaegaau i se olo na fausiaina e lata ane i le Mauga o le
Malumalu ua taueleeleaina. O tapuaiga faalemalumalu na
faia faatapulaaina na vave ona faasaina. O le tausia o le
Sapati, o aso faailogaina, ma le peritomeina sa faasaina ma
o le oti lona faasalaga. O meaituaolo, na fai ma mea eleelea i
lalo o le tulafono a Mose ma sa faia e tagata Iutaia o se mea
inosia tele, sa osiina ai taulaga ao laulaututu fitafita a
Anitioka e vaavaaia. Na faia faamalosi tagata ia tapuai i
tupua o Siu ma isi atua pepelo.
O le Taua a le au
Hasemona ma le au Makapena
Na faateleina ma faatupulaiaina le saua o taumafaiga a Anitioka
e aveeseina ai le faaIutaia. Sa le i gauai ma usiusitai ai tagata
Iutaia, ae na atili ai ona tetee i latou, ma faatuputeleina ai lo
latou inoino ia Anitioka ma ana fitafita Eleni. I le 167 T.L.M.,
i le nuu itiiti o Motino, na faapotopotoina ai tagata e fitafita
Suria ma mananao ai ia Matatia, o se faitaulaga ua matua, e osia
se taulaga i se atua faapaupau. E ui ina sa faafefeina o ia i le
oti, ae na tetee Matatia. O se tasi faitaulaga na tu atu i luma
ma ioe e faia le mea e pei ona mananao i ai fitafita. Ao sii ane
e lenei faitaulaga faavaivai le pelu, na ita tele ai Matatia ma ia
seiina ai se pelu ma fasioti ai le faitaulaga ma le fitafita Suria.
Ona sosola lea o Matatia ma ona atalii e toalima i le mauga
ma valaauina tagata Iutaia uma e au ma i latou. Na amataina
ai le taua. Na soo ai le nuu atoa, ma na lagolagoina e itu uma
ao faasagatau atu tagata Iutaia i le au Suria inosia. E oo ane i le
taimi na t°t°ãai ai Anitioka i le taua, ua feagai o ia ma se
atunuu atoa ua galala i le fia saoloto.
Ona o Matatia o se faitaulaga na saili e puipuia le tulafono
a Mose, na matua lagolagoina ai e tagata Iutaia lona aiga, o le
au Hasemona. E le i umi ona amataina le taua, ae maliu loa
Matatia, ae peitai, na faaauauina e lona atalii o Iuta. O Iuta o se
taitaiau poto ma na ia apoapoai pea lava pea i ana fitafita
toaitiiti ma le faatauvaa ina ia faatuatua i le Atua faapea le
amiotonu o la latou mau. Na ia faatoilaloina pea lava pea
vaegaaau a le fili o e e faaluaina i le faafaina ona faateleina le
toatele atu i lana lava vaegaau.
E oo ane i le 165 T.L.M., ua toe maua Ierusalema e tagata Iutaia,
faamamaina le malumalu mai mea eleelea, faapea le toe
faapaiaina ina ia tapuai ai ia Ieova. O le taimi muamua lea ua
tutoatasi ai Iutaia mai faiga pulepuletutu a isi atunuu i le sili
atu ma le fa selau o tausaga. O le taua a le au Hasemona o loo
sili atu ona iloaina o le taua a le au Makapena ona o le atalii
o Matatia na ta’ua o Iuta Makapena, o le uiga o lea mea o “Iuta
le Malosi.” Ae peitai, o manumalo a Matatia ma ona atalii sa
le i faigofie ona maua sa le i umi ona tumau ai pea. Na matua
vave lava ona galo i le fanauga a Hasemona o le Alii na
laveaiina i latou. E pei o Saulo ma Tavita ma Solomona, o tagata
na avea ma taitai o le malo fou na faaseseina e le pule ma le
279
O le Vaitaimi i le va o le Feagaiga Tuai ma le Fegeagaiga Fou
faaviiviiga o le mamalu. O atalii ma atalii o atalii o le au
Makapena na toe foi lava i tulaga faaletulafono na masani ai,
ma i le sili atu ma se tasi le selau o tausaga mulimuli ane, i le 63
T.L.M., na faatoilaloina ai Isaraelu e le kovana o Roma
o Pomiapo.
O le au Faresaio ma le au Satukaio
I le vaitaimi o le senituri lona lua T.L.M., na i ai ni vaega se
lua o tagata Iutaia: o le au Faresaio ma le au Satukaio. Na
lagolagoina e le au Faresaio le tausiaina o tu faaIutaia ma le
aoaoina o le Tora (o tusi e lima a Mose). O nisi o i latou na faia
ni tautoga ina ia tuueseaina i latou lava mai aafiaga eleelea o tu
faaEleni na amata ona oo atu i le olaga faaIutaia, ma ina ia
latou matua mulimulita’i i la latou faaliliuga o le tulafono. Sa
le gata ina latou faatumauina le faaaogaina o le Tora e avea
ma punaoa o la latou faatuatuaga, ae na faapea foi ona latou
faalauteleina lea punaoa, ma taumafai ai e faafetauiina tu ma
faiga tuai i faiga fou. O lea faaliliuga na ta’uaina o le tulafono
tuugutu, ona o lona vaega tele na taulotoina ma tuugutuina
atu. Na talitonu le au Faresaio i le tuufaatasia o le saolotoga
ma le muai iloaina o taunuuga, le Toetutu, ma se faamasinoga
o lona iuga o le tauia poo le faasalaina i le olaga a sau.
Na pulunaunau le au Faresaio i le faasaoina o le tulafono
a Mose. I le tetee atu i aafiaga faaEleni, na latou matua’i usitaia
ai le tulafono. Ona o a latou taumafaiga e tuueseaina i latou
lava mai manatu sese o faiga eleelea faalelalolagi, na ta’uaina
ai i latou o Faresimo (Perushim), o se upu faaEperu o lona uiga
o “tagata ua tuueseaina.” O le upu Faresaio (Pharisee) e mauaina
mai le toe fetuuna’iina faaEleni o le upu Faresimo (Perushim).
I se vaitaimi o le faatupulaiaina o le vevesi i le tuulafoaiina
o talitonuga tuai faaIutaia, na faateleina ai le ta’uta’ua o le au
Faresaio seia oo lava ina avea i latou e fai ma sui e faailoaina
manatu faalelotu o le anoanoai o tagata Iutaia.
O le au Faresaio e faavaeina mai i ni tagata lautele, o le au
Satukaio o ni tagata na i ai i tulaga tofi maualuluga o le nuu:
o faitaulaga, o le au faioloa, ma le au taualoa. O le igoa o lea
vaega o ni tagata (Setukimo i le faaEperu) masalo e mafua mai
ia Satoka, o le faitaulaga sili i onapo o le Tupu o Tavita. Na
tuuina atu e Esekielu i le aiga o Satoka e puleaina le malumalu
(tagai Esekielu 40:46; 43:19; 44:10–15), ma o e na tupuga mai
i lenei aiga na puleaina le malumalu seia oo i tausaga pe tusa
ma le 200 T.L.M.. O le upu Satukaio masalo e faatatau atu ia
i latou o e na alolofa i le au sa Satokã.
O le au Satukaio i lona vaega tele na tetee i ni suiga fou e oo
mai. E le pei o le au Faresaio, na tetee le au Satukaio i le
tulafono tuugutu e avea ma se tulafono e aloaia sei vagana ai
le vaega lena o loo ta’ua o le Tora. Na latou faatauaina taulaga
na faia i le malumalu ma na tetee i se talitonuga e uiga i agelu
ma le Toetu. O le au Satukaio i lona tulaga lautele o se vaega
o ni tagata mauoa o e na taliaina le aganuu faaEleni; ma o lea
na le lauiloa ai le au Satukaio e le vaega tele o tagata.
FAAOPOOPOGA