O le a le Feagaiga Fou?

O LE TUSI E TOLU A IOANE
Tusitala: O Ioane le Aposetolo ua iloatino o Ia na tusia le
3 Ioane (tagai i le faatomuaga o tusi 1 Ioane itulau 241)
O e Na Tusi i Ai: O lenei tusi na faatuatusi ia Kaio o se tagata
faatuatua o le Ekalesia. O le aganuu a tagata o le Ekalesia i aso
anamua, latou te aveina tagata tala’i Kerisiano i o latou fale
ma tausia i mea latou te manaomai. Na viia e Ioane ia Kaio
ona o lona alofa le faapito i le galuega a Keriso i le tuuina atu
lea o mea e nonofo ai auauna femalagaa’i a le Atua.
Talaaga Faasolopito: E le gata i faafitauli o faiaoga pepelo
o lo o feoa’i solo ma taufaaseseina ia le Au Paia (tagai i le
faatomuaga i le tusi 2 Ioane, itulau 250), ae sa i ai fo’i ma nisi
o taitai o le Ekalesia sa auauna atu mo i latou lava a e le ona
o le alofa ia Keriso po o Lana Au Paia. O Tioterifi o se tasi o nei
ta’ita’i. Na ta’usalaina o ia i lona taumafai e fai lana pule i luga
atu o le pulega a Aposetolo.
Autu: Na tusi ia Ioane e faamalo ia Kaio mo lona faatuatua
ma faamalosiau atu ia te ia. Na manao foi Ioane e lapata’i
atu ia Teoterifi.
Faatomuaga
3 Ioane 1
O le Au Paia i le taimi o Ioane na pagatia i sauaga mai fafo atu
o le Ekalesia, ma sa latou puipui ia i latou lava. Na faamalo atu
i ai Ioane ona o le latou lagolagoina o o latou uso o le Au Paia.
O le Au Paia o Aso e Gata Ai i tausaga ua te’a sa latou oo
fo’i i mafatiaga faapenei ma sa faamalolosia ai i latou. Sa
faamalamalamaina mai e Elder Harold B. Lee, a o avea o ia
ma sui o le Korama a le Toasefululua e faapea: “O aso muamua
o le Ekalesia, sa tatou pasi mai i se periota o le taufaaleaga ma le
ta’useseina, ma sa tatou manumalo ai. Na tuu faatasia ai i tatou
ona o le fili mai fafo. Sa tatou laasia mai foi se periota
o tagata faatupu faalavelave ma le tutuliesea mai lea nofoaga
i lea nofoaga, o le taimi na faaumatia ai le tele o soifua ma le
toto maligi, ma o le nofoaga na maliliu faamaturo ai na tatou
maua ai le malosi. Na tatou laasia mai le mativa, ma na tatou
mauaina le malosi mai na tofotofoga. Ona tatou laasia mai lea
i le vaitaimi e mafai ona tatou ta’ua o le liliuese, po o le
faalataina mai i totonu—o se tasi o tofotofoga e sili le matuia
na tatou pasia. O lenei la ua tatou feagai ma se isi ituaiga
o tofotofoga….o se vaitau e mafai ona tatou faaupuina o le poto
faalelalolagi. O le taimi lenei ua tele ai tagata popoto ua lå fia
faalogo i perofeta lotomaualalo a le Alii. Ma na tatou mafatia
i lena. O se tofotofoga mata’utia tele” Sweet Are the Uses of
Adversity” The Instructor. Iuni 1965, 217).
251
Suesue ma le agaga tatalo le 3 Ioane ma mafaufau i mataupu
faavae nei a e le’i saunia au lesona.
O ni Mataupu
Faavae Taua o le Talalelei e Saili Iai
• O le faia o le mea sese e vavaeeseina mai ai i tatou mai le
Agaga (tagai 3 Ioane 1:9–11; tagai fo’i MFF 121:34–39).
Fautuaga mo le Aoao Atu
Filifili mai manatu nei pe faaaoga ni ou lava manatu
a o e sauni e aoaoina le 3 Ioane 1.
3 Ioane 1. O le auauna atu ma le le manatu ifo ia
te oe lava tatou te latalata atili ai i le Atua. O le
tatou fia pule malosi atu i isi o le a vavae ese mai
ai i tatou mai le Agaga. (10– 15 minute)
Tusi i luga o le laupapa le siata lenei:
Mau O ai o lo
o fai atu
i ai?
3 Ioane
1:1, 3, 5–6
3 Ioane
1:9–11
O le a
lana mea
na fai?
Sa fiafia
Ioane pe
leai?
Aisea?
Vavae le vasega i ni vaega se lua ma faitauina e vaega ta’itasi
ia poloka o mau, ma mata’ituina ia tali mo fesili. Faatumu le
siata ma talanoaina mea ua aoaoina e tagata o le vasega.
Faitau, Mosaea 2:17 ma le Mataupu Faavae ma Feagaiga
121:37, 39 ma fesili:
• E faapefea ona faatatau nei mau ia Kaio ma Tioterifi?
• Aisea e toatele ai tagata e “faaaoga le pulega lå tonu”?
Valaauina tagata o le vasega e faamatala mai ta’ita’i o le
Ekalesia latou te iloaina e faaalia lo latou lotomaualalo tele
i o latou valaauga. Fesili po o le a se mea ua latou aoaoina
mai i o latou ta’ita’i e uiga i le auauna atu ma le lotomaulalo.