O le a le Feagaiga Fou?

i le taimi nei aua o loo tatou saunia nei le lalolagi mo le Afio
Faalua Mai ma ona o loo tatou ola i se vaitaimi ua tele ai ia
valoaga ua faataunuuina.
Na faia e le Perofeta o Iosefa Samita le tele o suiga ma
faaopoopoga i le Mataio 24 i totonu o le Faaliliuga a Iosefa
Samita. O lenei mataupu na toe lomiaina uma lava i totonu
o le Penina Tautele ma avea o le Iosefa Samita—Mataio. O
fautuaga mo le aoaoina atu mo le Mataio 24 o le a maua mai
le Iosefa Samita—Mataio i totonu o le Penina Tautele.
Suesue ma le agaga tatalo le Mataio 24–25 ma mafaufau
i mataupu faavae nei ae le’i sauniaina au lesona.
O Nisi Mataupu
Faavae Taua o le Talalelei e Saili Iai
• O se faasologa o mea na tutupu o le a muamua mai i le Afio
Faalua Mai o Iesu Keriso. O le suesueina o nei mea o le a
tutupu e mafai ona fesoasoani ai ia i tatou ina ia saunia mo
le Afio Faalua Mai (tagai Iosefa Samita—Mataio 1:22–37;
tagai foi Mataio 24:1–35; MFF 29:14–21; 45:16–53, 63–75).
• Talu ai ona e leai se tasi e iloa tonu le taimi o le Afio Faalua
Mai, o e amiotonu e mafai ona iloa i se auala faalauaitele pe
a latalata mai (tagai Iosefa Samita —Mataio 1:38–54; tagai
foi Mataio 24:32–51).
• Tatou te faaali atu lo tatou alofa mo le Atua i le auala tatou te
tausia ai Ana fanau (tagai Mataio 25:40; tagai foi Mosaea 2:17).
• “O le Vaiaso Mulimuli o le Soifuaga o le Faaola,” 283.
Fautuaga mo le Aoao Atu
Filifili mai manatu nei, pe faaaoga ni ou lava manatu,
a o e sauniaina ai lesona mo le Mataio 24– 25.
Iosefa Samita —Mataio (tagai foi Mataio
23:39– 24:51, Mareko 13; Luka 12:37–48;
17:20–37; 21:5–36). E sili atu ona suesueina le
Mataio 24 mai le Iosefa Samita —Mataio i totonu
o le Penina Tautele. (5 minute)
S M T W TH F S
Fai atu i tamaiti o le vasega e manatunatu faapea ua leiloloa
i latou. Ina ua mavae se taimi umi lava o fesea’i solo, sa latou
vaaia loa se isi tagata. O le tagata lenei e lua ana faafanua mo
le nofoaga lenei. O faafanua uma e lua e sa’o lelei ina ua gaosia
ma o le a fesoasoani tele nei ia i latou. O le isi faafanua ua 200
tausaga le matua. O le isi o se faafanua lata mai nei lava.
Fesili atu: O le fea faafanua e sili atu ona ia te outou? Aisea?
Ia valaaulia tamaiti o le vasega e faitauina le ulutala mo le
Iosefa Samita —Mataio. (Afai e leiloa e tamaiti le mea e ta’u
o le Faaliliuga a Iosefa Samita , ona valaaulia lea o i latou
e faitauina le “Faaliliuga a Iosefa Samita”o loo i totonu o le
Taiala i Tusitusiga Paia.) Fesili atu:
• E faapefea ona pei le Mataio e 24 ma le Iosefa Samita —
Mataio o faafanua e lua o loo faamatalaina i luga?
53
• O le fea poloka o mau e fetaui ma le a le faafanua?
• O le a le matua o le tusi a Mataio? (Ua latalata i le lua afe
tausaga.)
• O le a le matua o le Iosefa Samita—Mataio? (Na faaliliuina
i le 1831.)
• O le fea o nei tusi e sili ona sa’o?
• O le fea poloka o mau e sili ona e suesue mai ai?
Iosefa Samita —Mataio 1:5–20 (tagai foi
Mataio 24:4–22; Mareko 13:5–20; Luka
17:31; 21:8–24). Ina ua mumusu e amioleaga
e salamo, sa latou aumaia i o latou luga le
aoaiga a le Alii. (10–15 minute)
S M T W TH F S
Fesili atu i tamaiti o le vasega po o le a le taunuuga mai le
faia o mea nei:
• Tuuina o lou lima i totonu o le afi?
• Pa’u ese mai se mauga po o se fale maualuga?
• ‘Aina o se meaai pe a e fia ai?
• Fuiina ma le tausia o se laau toto?
Ia faailoa atu o nei mea uma e i ai lava ni latou taunuuga.
Ia valaaulia tamaiti o le vasega e suesueina le Iosefa Samita —
Mataio 1:5–12.
• O a ni taunuuga ua masani ona oo i tagata e ola amioleaga?
• E faapefea ona faatatau nei fuaiupu i le auala o loo ola ai le
toatele o tagata i aso nei?
• Faitau le fuaiupu e 18–20. O a taunuuga o le ola amioleaga
o loo faamatalaina mai e nei fuaiupu?
• O ai o loo fetalai i ai Iesu i nei fuaiupu?
• Faitau le Alema 41:10. E faapefea ona faatatau lenei
fuaiupu i le fesili o taunuuga e masani ai o le amioleaga?
• Faitau le Iosefa Samita —Mataio 1:13–17. O le a le mea na
ta’u atu e Iesu i tagata amiotonu o e na ola i Ierusalema
e fai ina ia aloese ai mai taunuuga ua masani ai o le
amioleaga i o latou aso?
Iosefa Samita —Mataio 1:21–37 (tagai foi
Mataio 24:6–35; Mareko 13:7–31; Luka
17:21– 37; 21:9–32). O se faasologa o mea
na tutupu o le a muamua mai i le Afio Faalua
Mai o Iesu Keriso. O le suesueina o nei mea o le
a tutupu e mafai ona fesoasoani ai ia i tatou ina
ia saunia mo le Afio Faalua Mai. (20–25 minute)
S M T W TH F S
Mataio 24–25
Aveese mai se mekasini se ata o se tagata lauiloa e toatele
tamaiti o lau vasega e iloaina. ‘Oti’oti le ata i ni vaega se fitu
pe valu. Faapipii se vaega se tasi i luga o le laupapa ma fesili
atu pe i ai se tasi e mafai ona tauina maia po o ai lea. Ia tuu atu
i luga se isi vaega, faapea ma le isi seia oo lava ina ua faapipii
uma i luga ia vaega pe mateina mai foi e se tasi po o ai.