O le a le Feagaiga Fou?

O le Tusi a le Aposetolo o Paulo i Roma
uma ma (2) ona o agasala faaletagata a i latou uma ua salamo,
mai ia Atamu se’ia oo mai i le iuga o le lalolagi. Ua talitonu le
Au Paia o Aso e Gata Ai o se mea moni lava lenei mea, ma o le
faavae taua, o le mataupu faavae autu, ma o se tulaga silisili
lava lea o le faaalia o le alofa paia i le ata o le faaolataga. Sa
saunoa mai le Perofeta o Iosefa Samita e faapea ‘o mea o loo
e faatatau i la tatou tapuaiga ua na o ni mea faaopoopo’ i le
togiola a Keriso ([Teachings of the Prophet Joseph Smith], p.121)”
(“Atonment of Jesus Christ,” in Daniel H.Ludlow, ed.,
Encyclopedia of Mormonism, 5vols.[1992],1:82–83).
I le Roma 4–6 o loo tautino mai ai e Paulo e faapea e maua le
ta’u amiotonuina e ala i le faatuatua ia Iesu Keriso ona o Lona
mana togiola. Sa sii mai e Paulo le faataitaiga a Aperaamo ma
sa faamatala mai ai le mataupu faavae o le Pa’u e fesoasoani
ai i le faamalamalamaina o lenei mataupu. Sa talanoaina foi
e Paulo le sauniga o le papatisoga. O le suesue i lenei sauniga
faapea ma lona faailoga e mafai ai ona tatou malamalama
i laasaga e tatau ona tatou uia ina ia maua le olioli
i faamanuiaga atoatoa o le Togiola.
Ia suesue ma le agaga tatalo le Roma 4–6 ma ia mafaufau
i mataupu faavae o loo i lalo a’o saunia au lesona.
O Nisi Mataupu
Faavae Taua o le Talalelei e Saili Iai
• O le faatuatua ia Iesu Keriso e aofia ai le faaalia o lo tatou
talitonuga ma le alofa mo le Alii e ala i le tausia o Ana
poloaiga (tagai Roma 4; ia tagai foi i le Ioane 14:15; Iakopo
2:14–19).
• O le faaolataga e le na o le faatuatua ma le usiusita’i e maua
ai ae o le alofa o le Alii e ala i le Togiola. O Keriso e mafai
ai ona maua e i tatou le faamagaloga ma ta’u amiotonuina
po o le faamamaina (tagai Roma 5; tagai foi i le Kalatia
2:16; 2 Nifae 10:24).
• O le papatisoga o le faatusa lea o le maliu, tanumia, ma le
Toetu o Iesu Keriso. O le faatusa foi lea o le maliu ma le
tanumia o a tatou agasala ma le toe fanaufouina a’o tatou
osi feagaiga e mulimuli i le Faaola (tagai i le Roma
6:1–13;ia tagai foi i le Mosaea 27:24–26; MFF 76:50–52).
Fautuaga mo le Aoao Atu
Filifili mai i aitia nei, pe faaaogaina ni a oe lava, a o e saunia
au lesona mo le Roma 4–6.
Roma 4–5. Afai tatou te faaalia le
faatuatua i le Alii e ala i le tausia o Ana
poloaiga, o le a Ia tuuina mai ia i tatou le
meaalofa o le Ola e Faavavau. (45–50 minute)
S M T W TH F S
Ia faaali atu se ipu malamalama o loo i ai ni vai aisa malulu. Ia
fai atu i tagata o le vasega e manatu o loo i ai i latou i le toafa
ma ua matua fia feinu lava. I luga o se mauga o loo i ai lenei
ipu vai o le faaolataga. Fesili atu: O le fea o mea nei e faaola ai
166
lou olaga: O lou talitonuga e faapea o le a faaola oe e lena vai,
o lau taumafaiga e tolotolo atu i luga o le mauga e aumai le vai,
po o le inumia o le vai o loo i le ipu malamalama? Ia tuuina
atu e faaali mai e tagata o le vasega o latou manatu. Aua ne’i
faia sau faamatalaga e uiga i le sa’o o a latou tali. Ia fesili atu:
• Pe ua mafai faapefea ona faatusa lenei tulaga i lo tatou
mana’omia o le faaolataga faaleagaga?
• O le a le mea e mafai ona faatusa i ai le vai? (O le Togiola,
o le alofa tunoa ma le alofa o Iesu Keriso; tagai Ioane 7:37.)
• O le a se mea e mafai ona faatusa i ai le taumafai e tolotolo
atu i le mauga? (Salamo, tausia poloaiga.)
• O le a se mea e mafai ona faatusa i ai le talitonu i le mana
faaolaina o le vai? (Faatuatua, talitonuina.)
• O le a se mea e mafai ai ona faaolaina lou olaga?
Ia ta’u atu i le vasega o loo i ai i le vai le malosi po o le mana
e faaola ai o tatou olaga. Peitai e tatau ona maua e i tatou le
talitonuga e faapea o le a faasaoina i tatou e le vai ina ia mafai
ai ona tatou taumafai e fe’aei a’e i le mauga. E tatou ona tatou
fe’aei a’e i le mauga e aumai le vai. E tatau foi ona tatou
inumia le vai ina ia faasaoina ai i tatou. O tulaga foi lava ia
e manaomia i le Talalelei. O le Togiola a Iesu Keriso e maua ai
e i tatou le faaolataga. Peitai ina ia aoga atoatoa Lana Togiola
i o tatou olaga, e tatau ona tatou maua le faatuatua i le Alii
ma ia faia mea na te manaomia.
Ia faamatala atu e faapea e pei lava ona tatou manaomia le vai
pe a tatou matua fia feinu, ua faapea foi ona tatou manaomia
se faaola e faalelei ai tulaga e oo mai ona o le agasala ma le
oti. Faitau le Roma 5:12–14 ma fesili atu:
• Aisea ua manaomia ai se faaola mo tagata uma?
• O a ni auala ua afaina ai i tatou uma ona o le Pa’u o
Atamu?
• Pe to’afia tagata e agasala? (Tagai Roma 3:23).
Ia fai atu i tagata o le vasega e faitau le leoa le Roma 5:15–20 ma
ia faailoga upu o le oti ma le agasala i taimi uma e tau ai i ai. Ia
faitau le Roma 5:21 ma ia sailia pe mafai faapefea ona manumalo
mai le agasala ma le oti. Afai e lava le taimi, atonu foi e te manao
e faaali atu nisi o mau o loo i lalo o loo faaalia ai le pogai tatou
te manaomia ai le faaola: 1 Nifae 10:6; 2 Nifae 9:21; Alema
12:22; Eteru 12:27; Mataupu Faavae ma Feagaiga 20:19–25.
Ia faamatala atu e pei lava ona i ai le talitonuga o le a faasaoina
i tatou e le vai ma oo ai ina tatou sailia, ua faapea foi ona tatau
ona tatou maua le faatuatua i le Alii o Iesu Keriso. O le faatuatua
moni e uunaiina ai i tatou e tausia poloaiga a le Atua ina ia
mafai ai ona tatou selesele i le togiola. Faitau Roma 4:1–3 ma
ia saili i ni fuaitau e faaalia ai ia i tatou sa i ai ia Aperaamo le
faatuatua. Fesili atu:
• Aisea ua e manatu ai na filifilia e Paulo Aperaamo e avea
o se faataitaiga o le faatuatua?
• O a ni mea e mafai ona e manatua mai le olaga o
Aperaamo na faaalia ai le taitaiina o ia e lona faatuatua
e faia mea amiotonu?