Aðgerðasjúklingar liggja ekki aðgerðalausir II - Hirsla - Landspítali

118
Verkjameðferð við drentöku úr brjóstholi
hefðbundna verkjameðferð og undirbúning ásamt 5g af Xylocain®-hlaupi 2% (lidocain)
í stað EMLA® á drenstað 5-15 mínutum fyrir drentöku.
Allir sjúklingarnir höfðu tvö til þrjú dren í brjóstholinu og voru þau fjarlægð á
öðrum til fimmta degi frá aðgerð. Í öllum tilvikum voru saumar utan um drenslöngurnar
sem festir voru við skurðbrúnir í húð. Þessir saumar voru notaðir til að
loka fyrir drengötin eftir að drenin voru fjarlægð. Skurðirnir voru allir um tveggja til
þriggja sentimetra langir. Verkir voru metnir með VAS verkjamatskvarða 0 til 10.
Fyrsta verkjamatið var gert fyrir drentökuna um það bil 10 til 15 mínútum áður en
verkið hófst. Annað verkjamatið var strax eftir drentökuna þegar verið var að hnýta
saum-ana. Lokamatið var gert 20 mínútum eftir drentökuna og búið hafði verið um
sárið. Voru þessi tímamörk notuð þar sem þau eru þau sömu og oftast voru notuð í
þeim erlendu rannsóknum sem fjallað hefur verið um hér á undan. Annar
undirbúningur fólst í öflun upplýsinga um sjúkling, mati á heilsufari hans og fyrri
reynslu. Enginn hafði persónulega reynslu af drentöku en einn sjúklingur varð
deginum áður vitni að því þegar verið var að fjarlægja dren úr brjóstholi stofufélaga.
Það hafði haft áhrif á hann og kveið hann drentökunni.
Mat á hjúkrunarmeðferð og niðurstöður
Ástæðan fyrir vali VAS verkjamatskvarðans er að hann er sá kvarði sem er notaður á
deildinni og starfsfólk og sjúklingar þekkja. Er hann kynntur fyrir sjúklingum strax
við innlögn og hjúkrunarfræðingar og sjúkraliðar deildarinnar nota hann daglega við
umönnun allra skurðsjúklinga. Verkjamatskvarði er áhrifaríkt matstæki til að bæta
verkjastjórnun. Tilgangur slíkra tækja er að færa verkjaskynjun sjúklinga yfir á tölulegt
eða myndrænt form (Gould o.fl., 1992).
Vel gekk að framkvæma athugunina, sjúklingarnir voru samstarfsfúsir og viljugir
að prófa staðdeyfikremið. Þeim var sýndur VAS-kvarðinn á spjaldi er þeir voru
spurðir um verki fyrir, á meðan og eftir drentöku. Þeir þekktu kvarðann og áttu auðvelt
með að setja verki sína í töluleg gildi. Í töflum 1-3 má sjá yfirlit yfir niðurstöður.
Tafla 1. Hefðbundin verkjalyfjameðferð.
Hópur 1 Fyrir drentöku Strax eftir drentöku
(saumað fyrir)
20 mínútum
eftir drentöku
Sjúklingur 1 2 4-5 2-3
Sjúklingur 2 4 7 2
Sjúklingur 3 2-3 5 2
120
119