Aðgerðasjúklingar liggja ekki aðgerðalausir II - Hirsla - Landspítali

94
Áhrif fótanudds á svefn
eða vakið þá. Tveir vöknuðu um nóttina 2-3 sinnum, einn (nr. 1) sagðist vera vanur því
en annar (nr. 4) þurfti á klósett. Öllum fjórum fannst þeir vera úthvíldir eftir nóttina. Á
heildina litið reyndist meðferðin hægja á hjartslætti og það bendir til slökunar í
taugakerfinu og jafnframt bætti meðferðin svefn sjúkinganna.
UMRÆÐA
Það er erfitt að meta árangur sérhæfðar meðferðar eins og nudds. Ein leið til að meta
áhrif meðferðar er að skrá árangur af meðferð á lífeðlisfræðilegum grunni. Önnur er að
meta áhrif á huga og líkama. Þegar beitt er sérhæfðri meðferð eins og nuddi er frekar
horft til þess að auka vellíðan eða virkni, draga úr einkennum og hjálpa viðkomandi að
takast á við veikindi frekar en að lækna eða fjarlægja sjúkdómseinkenni eða halda
lífeðlisfræðilegum mælingum innan ákveðinna marka. Hver sjúklingur er einstakur og
reynsla og sjúkdómsástand mjög mismunandi. Sjúklingar geta fundið fyrir sýndaráhrifum
eða haft tilhneigingu til að þóknast rannsakandanum með því að gefa jákvæð
svör. Viðbótarmeðferð ætti því helst að sníða fyrir hvern einstakling. Þá er vert að hafa í
huga að þó jákvæð áhrif séu sýndaráhrif þá er líðan sjúklings það sem skiptir mestu máli
þegar upp er staðið.
Það er ekki hægt að fullyrða neitt út frá niðurstöðum athugunar minnar enda um
mjög lítið úrtak að ræða. Þær benda samt til að meðferðin hafi haft einhver jákvæð áhrif
á svefn, hvort sem nuddinu sjálfu, undirbúningi eða tengslunum sem mynduðust vegna
þess er að þakka. Niðurstöðurnar eru í takt við þær rannsóknir sem ég fann. Hjá Song
og Kim (2006) kom fram að nudd bætir svefn hjá eldra fólki og niðurstöður Sharpe og
félaga (2007) benda til að nuddmeðferð stuðli að aukinni vellíðan og minnki
streitueinkenni meðal eldra fólks hvort sem ástæðan er nuddið sjálft eða mannlegu
samskiptin. Rannsókn Ejindu (2007) benti einnig til einhverra róunaráhrifa fótanudds.
Nuddmeðferð er persónuleg í eðli sínu og því er ekki gott að segja hvað þóknunar- eða
sýndaráhrif eiga stóran þátt í svörum sjúklinganna. Áhrif nuddsins á púlshraða voru
einhver en þó óveruleg og í samræmi við niðurstöður rannsóknar Ejindu (2007). Áhrif á
súrefnismettun voru misvísandi og því ekki hægt að álykta út frá þeim niðurstöðum.
Slíkt kemur ekki á óvart þar sem ég fann ekki neina rannsókn sem sýndi slík áhrif. Það
hefði getað spilað inn í að lífsmörkin voru tekin um leið og nuddið var búið en ekki
látinn líða smá tími, 5 mínútur eða svo, til að leyfa líkamanum að bregðast við. Fingurmælir
er heldur ekki nákvæmasta aðferðin til að mæla púls og súrefnismettun. Það kom
á óvart að umhverfið reyndist ekki valda svefntruflunum hjá þessum sjúklingum eins og
ég átti von á. Líkamleg einkenni héldu ekki almennt vöku fyrir sjúklingunum, aðeins
einn vaknaði vegna þvaglátsþarfar. Einkennameðferð og verkjameðferð er góð og var
það ánægjuleg niðurstaða en þó ekki óvænt.
9
96
95